Забава
Дневен хороскоп, 23.ноември

Овен
Од моменталната ситуација многу ќе очекувате. Имате потреба да спроведите коренита промена во вашиот начин на живот. Дали ќе се обидете со промена на работата или можеби за посериозни планови околу брак сето тоа е индивидуално. Она што е заедничко за сите е подобрување на приликите не само емотивни туку и финансиски. Ви посакуваме голем успех.
Бик
Присутна е потребата за дружење, но доколку не направите селекција ќе се појави нервоза и чуство дека на извесен начин сте злоупотребени. Морате еднаш да расчистите што всушност сакате, преиспитајте ги пријателите бидејќи на многу на кои му посветувате внимание навистина и заслужуваат. Вината е во лошата проценка, и тоа од повеќе страни. Здравствената состојба е одлична.
Близнаци
Бидејќи имате обичај претерано да се исцрпувате, нервно и енергетски, можете да имате големи проблеми. Успехот е пред вас само треба да бидете трпеливи и да почекате. Размислете добро дали вреди да се нервирате бидејќи со леснотија ама тогаш кога ќе се смирите ќе успеете да ги завршите сите работи, па дури и да добиете финансиска добивка. Ризикот ќе ви се исплати.
Рак
Ќе се занимавате со конкретни работи, заработка, имот, купување или продавање. Иако работното темпо ќе ве исцрпува сепак ве води кон успеси. На учениците оценките ќе му бидат многу важни. Ако сте во врска покажете воља да ги зачувате колку -толку солидните односи. Работната оптеретеност многу делува врз љубовниот живот, па обидете се да ја намалите напнатоста. Слободните ќе одбираат симпатија.
Лав
Би можело да дојде до некои помали расправии во семејството, но вие интуитивно ќе знаете како да реагирате на вистинскиот начин. Што се однесува до емотивниот живот во фокусот ќе бидат вашиот љубовник, партнер или близок соработник. Пред очите на јавноста однесувајте се дипломатски. На некои од вас на памет ќе му дојдат многу сериозни идеи. Бидете внимателни. Здравствената состојба ви е одлична.
Девица
На работа ве очекува прилично комплицирана ситуација, затоа што не сте способни да се концентрирате, работите пристигнуваат или отпаѓаат, а вие не сте во состојба да се снајдете во таа гужва. Во љубовта постои можност да бидете фатени во лага, а тоа за вашиот партнер ќе биде непростлива грешка. Ќе биде потребно да вложите максимум напори за да ја одржите врската.
Вага
Не сте сигурни дали сакате авантура или некој друг вид врска. Малку сте збунети, но вашите емоции се разбудени. Можеби ви се допаѓа некој од работната средина, како и да е нема да ви биде лесно да се отворите и да го покажете интересот. Упорно ја носите маската, време е да ја извадите. Добро се аспектирани работите во кои доаѓа до израз вашата креативност. Уживајте во работата.
Скорпија
Нема да се жалите дека на работното место ви е здодевно. Ова е ден на вистински предизвици. Постои можност од промена на работата или унапредување. Послушајте ги советите на ваш пријател во кој имате голема доверба. Емотивниот живот ви носи изненадувања, во вашиот живот ќе влезе личност која целосно ќе ве разниша. Ве очекува вистинска романса. Потрудете се тоа да птрае. Здравје: многу добро.
Стрелец
Многу ви годи тимска работа, но под услов вие да бидете главни. Ве очекува некое патување. Со задоволство ќе прифатите таква понуда, бидејќи патувањата просто ги обожавате. Иако не изгледате како некој кој лесно може да се излаже-можете да станете нечија жртва. Поуспешни сте во филозофија и уметност одколку со занимавање со ненанов бизнис. Здравје: многу добро.
Јарец
Борбата за престиж ќе биде крунисана со успех. Бидејќи среќата ќе ве прати во секој поглед, па тогаш што чекате искористете ја шансата, но обидете се да се препуштите и на убавите страни на животот. Партенртот ќе се обиде да ве разбере, но некако тешко ќе му оди тоа. Неговите сугестии не ќе можете да ги прифатите, а за тоа не сте во право. Понекогаш и треба да го послушате.
Водолија
Борбата за престиж ќе биде крунисана со успех. Бидејќи среќата ќе ве прати во секој поглед, па тогаш што чекате искористете ја шансата, но обидете се да се препуштите и на убавите страни на животот. Партенртот ќе се обиде да ве разбере, но некако тешко ќе му оди тоа. Неговите сугестии не ќе можете да ги прифатите, а за тоа не сте во право. Понекогаш и треба да го послушате.
Риби
Денеска многу добро ќе комуницирате и ќе се снаоѓате во секојдневните обврски. Односите со претпоставените ќе ви бидат напнати па најдобро би било да избегнувате контакти, и ако често ќе бидете повикани. Не реагирајте на секоја провокација. Кавгите најповеќе можат да ве погодат вас. Долготрајните работи ќе ви бидат отежнати и ограничени. Љубовниот живот ви носи зголемена напнатост. крај/мф/на
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Бајага гостин на Влатко Стефановски на јубилејниот концерт во Скопје

Главен гостин на Влатко Стефановски на јубилејните концерти што ќе се одржат на 9 и 10 мај, со кои тој одбележува 50 години на музичката сцена, ќе биде легендарниот кантавтор и лидер на групата „Бајага и Инструктори“, Момчило Бајагиќ Бајага.
Двајцата музички великани се долгогодишни соработници и пријатели, а нивниот заеднички настап во Скопје ќе донесе незаборавни моменти за публиката. Покрај Бајага, на сцената со Стефановски ќе се приклучат и други ценети музичари, меѓу кои кларинетистот Горан Бојчевски, мултиинструменталистот Дамир Имери, басистот Иван Кукиќ и синот на Влатко, Јан, на тапани.
Првиот концерт на Влатко Стефановски во Македонската филхармонија е распродаден со рекордна брзина, а поради огромниот интерес е отворен дополнителен термин – 10 мај 2025 година. Концертите ќе претставуваат пресек од неговата богата кариера – од деновите со култната група „Леб и сол“ до неговиот успешен соло пат.
Препознатливиот спој на инструментален рок, етно џез, блуз и македонска традиционална музика ќе добие нова димензија со специјалните гости, а публиката ќе ужива во изведбите на класици како „Чукни во дрво“, „Gipsy Song“, „Чувам ноќ од будни“, „Као какао“ и „Македонско девојче“. Дополнително, Стефановски неодамна го сними албумот „London Sessions“ во легендарното Abbey Road Studio 3 во Лондон, со врвни музичари, меѓу кои неговиот син Јан Стефановски на тапани и Тихомир Хојсак на електричен контрабас.
Снимањето и продукцијата ги водеше Горан Мартинац, а завршната обработка ја направи добитникот на Греми, Шон Меги. Албумот е достапен и во трипл-LP издание.
Забава
Долф Лундгрен (67) фотографиран со сопругата (28) на плажа во Мајами

Шведскиот актер, Долф Лундгрен (67) е фотографиран со сопругата Ема Крокдал (28) на плажа во Мајами.
Ема носеше виолетов дводелен костим за капење, додека Долф сини гаќички. На парот не му пречеа папараците на секој чекор. Тие уживаа во пливање и сончање.
Пред неколку дена, Лундгрен беше со сопругата и ќерките Ајда Лундгрен (28) и Грета Лундгрен (22) на ручек во ресторанот Авра Медитеран на Беверли Хилс.
Долф се ожени со Ема во јули 2023 година среде неговата битка со ракот. Интимната свадбена церемонија се одржа на Миконос, Грција.
Актерот еднаш зборуваше за нивната разлика во годините.
„Чувствувам дека Ема е многу зрела за своите години. Имаше интересен живот. Дојде тука од мал град во Норвешка. Се омажи, имаше тежок развод и помина низ многу нешта низ кои повеќето млади луѓе на нејзина возраст не мора да поминат“, рекол тој.
Во ноември 2024 година, Лундгрен на Инстаграм откри дека неговата битка со ракот е завршена.
Се сликаше од болничкиот кревет и рече: „Добро, тука сум. Ќе влезам и ќе се ослободам од последниот тумор. Бидејќи во моето тело нема повеќе канцерогени клетки, претпоставувам дека ќе бидам ослободен од рак и со нетрпение ја чекам оваа процедура. Правам аблација на белите дробови“.
„Благодарен сум и возбуден за сè што доаѓа. Ви благодарам на сите за поддршката. Тоа беше тешко патување и навистина ме научи да живеам во моментот и да уживам во секој момент од мојот живот“, додаде тој.
Забава
Детали што тивко зборуваат за стилот

Женскиот стил не се дефинира само преку облеката – туку преку начините на кои жената ги избира и комбинира сите елементи што го сочинуваат нејзиниот изглед. Токму тие мали детали, кои на прв поглед можеби изгледаат незабележливо, носат најголемо значење. Преку нив се открива многу повеќе отколку што изгледа – емоции, личност, вредности и чувство за мера. Секоја жена со изграден стил знае дека вистинската сила не лежи во количината, туку во внимателниот избор на она што навистина ја претставува. Во време на брзи трендови и масовна мода деталите остануваат најискрен израз на индивидуалноста.
Накитот како личен печат
Накитот е еден од најстарите начини на личен израз и има моќ да пренесе емоција, карактер и стил – без потреба од зборови. Особено место меѓу накитот заземаат приврзоците – мали, но значајни симболи што често носат сопствена приказна. Тие можат да бидат спомен од некој близок, семејна реликвија, амајлија за среќа или едноставно внимателно избран симбол со лично значење. Приврзоците се носат на синџирчиња, сами или во комбинација со други – дискретно, а сепак доволно впечатливо.
Исто така, не треба да се занемарат ниту алките – накит кој често е потценет, но со силна визуелна и симболична улога. Алките го следат движењето на рацете, внесуваат ритам и женственост. Сребрените алки се особено привлечни – едноставни, но елегантни, и лесно се вклопуваат во различни стилови, од класични до современи. Може да се носат поединечно или во комбинација, со часовник или други алки, создавајќи интересна игра на облици и текстури. Алката не е само моден додаток, туку често има и сентиментална вредност – подарок, спомен или израз на моментално чувство.
Накитот, генерално, не служи само за разубавување – тој е израз на внатрешниот свет. Преку него, жената испраќа порака: дали е романтична, смела, префинета или автентична. Со внимателно избран накит, жената не само што го надополнува својот изглед, туку остава впечаток кој се памети.
Ритуал на убавина што го освежува духот
Шминката за многу жени не е само алатка за разубавување – таа е дел од утринскиот ритуал, момент само за себе, начин да се започне денот со самодоверба. Не се потребни тешки слоеви – доволни се неколку нежни нијанси, малку боја на усните и сенка што го истакнува погледот. Шминката не само што го разубавува лицето, туку и го менува расположението. Во вечерните часови, таа станува понагласена – со блескави тонови, интензивни кармини и драматични линии – но дури и тогаш, најсилен впечаток остава таа што знае да ја задржи рамнотежата.
Торбата како дневен придружник
Торбата не е само место каде што се чуваат неопходните работи – таа е дел од секојдневниот живот, интимен простор што ја следи жената во сите нејзини движења. Формата, бојата и
големината на торбата зборуваат за животниот стил, потребите и карактерот. Класичните кожени модели носат елеганција и сигурност, додека нестандардните форми и бои изразуваат креативност и отвореност. Добро избраната торба е повеќе од моден додаток – таа е визуелен баланс меѓу сите други елементи во изгледот.
Косата како рамка на карактерот
Косата е визуелна рамка што го оформува лицето и оставa силен прв впечаток. Не мора секогаш да биде беспрекорно стилизирана – доволно е да биде чиста, негувана и природно обликувана. Фризурата многу кажува: собрана коса покажува елеганција и прецизност, додека разлетаните бранови откриваат слобода и спонтаност. Додатоците како панделки, шноли или марами додаваат слој разиграност и личен печат. Косата, во својата движење и форма, често зборува повеќе од облеката.
Мирисот што останува и по заминувањето
Парфемот е најнежен, но најмоќен дел од стилот. Тој не се гледа, но се чувствува. Добриот мирис останува во сеќавање, поврзува, инспирира. Секој парфем носи порака: дали жената сака да биде незабележливо романтична, заводливо мистична или самоуверено присутна. Мирисот се нанесува таму каде што срцето чука – зад увото, на вратот, на зглобовите – за да го следи телото низ денот. Тој е невидлив за очите, но длабоко присутен во сечие искуство.
Кога сите овие детали се усогласени, стилот станува нешто многу повеќе од изглед. Тоа е јазик без зборови, начинот на кој жената се претставува пред светот и го изразува она што е внатре во неа. Преку накитот, шминката, мирисот, фризурата и торбата, се создава комплетна слика – топла, силна, автентична. Стилот не е она што го носиш – стилот е како го носиш тоа што си.
ПР