Британска инвазија се случи на 71. доделување на наградите „Еми“ – американските телевизиски награди, кои се сметаат за телевизиски еквивалент на Оскарите.

На доделувањето во „Мајкрософт театарот“ во Лос Анџелес осмата сезона на култната „Игра на тронови“, која имаше вкупно 32 номинации, ја понесе главната награда, за најдобра телевизиска драма.

Серијата „Флибег“ со Фиби Волер Бриџ, пак, ги собра повеќето награди во делот за комични серии.

Покрај неа, најдобар актер во комедија е Бил Хедер („Бери“).

За најдобар актер во жанрот драма е прогласен Били Портер („Поус“), а за за најдобра актерка – Џоди Комер („Килинг Ив“).

Најдобра мини-серија е „Чернобил”.

Целосната листа на победници може да ја погледнете ја тука.

Човекот кој го обвини актерот Кевин Спејси за сексуален напад почина пред случајот да стигне на суд.

Иако идентитетот на лицето е непознат за јавноста, медиумите пренесуваат дека се работи за физиотерапевт кој тврдел дека Спејси без дозвола го допирал по телото во куќа во Малибу, Калифорнија, пред три години.

Физиотерапевтот го тужел актерот за сексуален напад, родово насилство, физичко насилство и намерно предизвикување емоционален стрес.

Спејси ги негираше овие обвиненија, а набргу потоа беше објавена и веста за смртта на тужителот откако адвокатите на Спејси доставиле документи на суд.

Идентитетот на физиотерапевтот не е наведен во случајот, а според документите доставени во судот, не е наведена ниту причината за смртта.

Адвокатот на лицето, Џини Харисон, го обвини правниот тим кој го застапува Спејси дека се обидува да го прикрие случајот.

„Известувањето кое беше испратено вчера беше непотребно и за презир. Но, не ме изненадува дека Спејси го испратил известувањето порано со цел да добие предност во случајот“, изјави Харисон.

Во изјавата на адвокатот, починатиот е опишан како достоинствен, добар, средовечен маж кој бил истрауматизиран од наводниот напад. Харисон додава дека покрај физиотерапевтот, таа примила жалби и од други лица кои го обвинуваат Спејси за сексуално насилство.

„Неговата борба за правда сè уште живее“, вели адвокатката.

Познатиот хрватски пејач Тони Цетински е ослободен денес од судот во Пазин од обвинението дека предизвикал сообраќајна несреќа во која почина Ибрахим Кевљанин (62) од Ровињ.

Несреќата се случила на 3 ноември 2017 година во Ровињ. Познатиот пејач со својот „мерцедес“ налетал на човек кој лежел на патот, го прегазил и сето тоа завршило со смртта на Кевљанин.

Двајца судски вештаци дадоа мислење на судењето и беше утврдено дека Тони не бил под дејство на алкохол или дрога во моментот на несреќата.

Речиси сите испитани сведоци потврдија дека улицата каде што се случила несреќата е многу тесна и непрегледна, особено завојот каде што се случила несреќата, дека во моментот на несреќата немало знак за ограничување на брзината и дека е инсталиран неодамна со ограничување на брзината од 20 километри на час.