Извонреден пласман на македонските готвачи-шефови на кујни на 11-тиот гастрономски фестивал “Бисер мора“ 2016 што во организација на шефови на кујни на медитеранските и европските региони SKMER,  се одржа во Супетар на Брач, Хрватска.
 

Македонскиот национален тим се врати со пехарот „Куп Бисер мора” 2016 и освоени 13 медали, од кои седум златни медали, пет сребрени медали и еден бронзен медал.Тимот на Здружението на готвачи Гастро Мак се натпреваруваше во сениорска конкуренција во пет категории: подготвување на рижото, вегетаријанско јадење, пилешко, јагнешко и подготвување на риба. Никола Мишковски,  капитен на тимот на ГАСТРО МАК, шеф на кујна  во ресторан ”Камник”, освои златен медал во категорија подготвување на риба, златен медал за вегетаријанско јадење и сребрен медал за подготвување на рижото.

Бобан Симоновски шеф на кујна во ресторан „Скара бар”,  освои златен медал во категорија риба, златен медал за подготвување на јагнешко и диплома за подготвување на пилешко.Зоран Андонов, шеф на кујна во ресторан „Албис” Гостивар, освои златен медал во категорија подготвување на јагнешко и златен медал во категорија подготвување на пилешко.Дејан Карапеев, шеф на кујна во ресторан „Фрути ди маре”, освои златен медал во категоријата подготвување на риба, сребрен медал за подготвување на јагнешко и сребрен медал за подготвување на вегетаријанско јадење.Зоран Мајновски, шеф на кујна во ресторан „Естел”, освои сребрен медал во категорија подготвување на вегетаријанско јадење и бронзен медал за подготвување на пилешко.Бобан Билбиловски, шеф на кујна во ресторан „Електра гарден” од Тетово, освои сребрен медал во категорија подготвување на риба и диплома за подготвување на пилешкоМентор на тимот на Гастро Мак на натпреварот „Бисер мора 2016“ година беше Марк Де Јонг, шеф на кујна и интернационален консалтинг.Согласно правилата во финале за највисоката награда 2Куп Бисер мора” 2016, се натпреваруваат петте највисоко оценети натпреварувачи кои во претходните три категории на натпреварувањата освоиле најголем број на бодови. Во финалето натпреварувачите добиваат Black box – намирници што не им се познати однапред и од истите е потребно да подготват предјадење, главно јадење и десерт.Капитенот на тимот на Гастро Мак шеф Никола Мишковски во финалето влезе со најголем број на бодови и согласно оценката на интернационалното жири го освои првото место и пехарот 2Куп Бисер мора” 2016. Воедно, шеф Никола Мишковски ја доби титулата “Мајстор кувар” на SKMER. Ова признание се добива за исклучителните вештини, знаење и посветеност во унапредувањето на еногастрономската култура.

Македонскиот тим се натпреваруваше во конкуренција на готвачи и шефови на кујни од 20 земји учеснички на годинашниот натпревар и тоа од Хрватска, Босна и Херцеговина, Црна Гора, Србија, Македонија, Словенија, Грција, Словачка, Полска, Украина, Турцијa, Австрија, Русија, Исланд, Индија, Велика Британија, Италија, Белорусија, Јапонија, Албанија.Извонредниот настап на шефовите на кујни од Македонија беше заокружен со подготовка на македонската вечер, на која готвачите подготвија вечера за над 350 учесници на фестивалот. Гостите во духот на традицијата беа пречекани со домашна погача и сол, а на трпезата беа застапени многубројни традиционални јадења од познатото тавче гравче, мусака, турлитава, компир манџа, повеќе видови меса подготвени на традиционален начин како и познатите пинџур, ајвар, макало, македонски кашкавал и сирење. Во делот на десертите беа послужени слатко од смокви, кадаиф, баклава и раванлија. На воодушевување на гостите вкусната храна подготвена од врвните македонски готвачи беше надополнета со големиот избор на македонски вина од винариите Стоби, Далвина, Виналија визба Валандово и познатите вина и струмичка мастика на Грозд Струмица./крај/со/бб