Контакт

Hitech

Прв интерконтинентален камп и тренинг за мобилни апликации во Македонија

Објавено пред

Umix од Хонг Конг, Studentist од Романија и Mtabe од Танзанија се тројцата победници на првиот „Интерконтинентален камп за развој на мобилни апликации“, кој се одржа во период од 17 до 24 септември во Охрид, Македонија во рамки на проектот „Мобилни млади 2.0“, поддржан од програмата „Еразмус плус“.

dobivaj vesti na viber

На настанот, прв од ваков карактер во нашата земја, присуствуваа претставници од 12 земји кои во три групи според континентот Азија, Африка и Европа дојдоа да ги презентираат своите мобилни решенија кои имаат за дел да донесат позитивни промени и подобрување на општеството.

Тројцата победници со оваа победа го резервираа своето присуство на претстојните Европски младински награди (European Youth Awards) кои ќе се одржат во Грац, Австрија, од 28 ноември до 1 декември годинава.

„Навистина научив многу преку овој проект, уште за време на азискиот камп, но и сега во Македонија. Среќен сум што ја добив можноста да одам на Европските младински награди, но и сите вие го заслужувате ова бидејќи сите навистина имавте одлични проекти и апликации, кои решаваат одреден социјален проблем во секоја земја“, изјави Кенет Ау, креаторот на мобилната апликација Umix од Хонг Конг, која овозможува преку гласовни пораки да се создаде мелодија.

Победничката од Танзанија, Ирене Ниока, која работи на апликацијата Mtabe и овозможува помош во училишните задачи на младите Танзанијци се заблагодари на сите, особено на новите пријатели кои ги стекна за време на овој проект и додаде дека целиот проект за неа претставува позитивно искуство.

Покрај натпреварот, во истиот период во рамки на проектот HYPERLINK “http://myouth.eu/” mYouth 2.0 се одржа тренинг на тема бизнис и маркетинг преку кој учесниците ги проширија своите знаења како да направат подобар бизнис-модел и маркетинг-стратегија. Жирито кое беше присутно во состав од 16 членови, а секој од нив беше експерт од сферата на информациски технологии, дизајн, бизнис, маркетинг и комуникација интензивно работеа да ги изберат најдобрите 3 мобилни апликации. Истовремено, тие споделуваа знаење и искуство со учесниците преку интерактивни сесии, работилници, вежби и едукативни кампови
Организацијата Асоцијација за едукација „Младиинфо интернационал“ го спроведува проектот во рамки на програмата „Еразмус плус“, заедно со партнери од 13 земји. На овој настан му претходеа локални кампови во секоја од партнерските држави, а потоа и континентални кампови во Гана, Хонг Конг и Салзбург, а финалното случување ќе се одржи во Грац, Австрија, во периодот од 29 ноември до 1 декември 2018 каде тројцата победници ќе се натпреваруваат на Европските младински награди (European Youth Awards) и ќе ги претстават своите апликации пред експерти и потенцијални инвеститори.

„Ова е одлична можност за учесниците од Европа, Азија и Африка не само да научат нови вештини и да ги подобрат своите мобилни апликации, туку да израснат во одговорни граѓани на своите земји. Дополнително сме горди што токму Македонија беше домаќин на едно вакво меѓународно натпреварување и што имавме можност да им ја прикажеме нашата култура и традиција, дотолку што за добар дел од учесниците ова беше прво патување во Европа. Несомнено, интеркултурното учење и меѓународните пријателства се најголема придобивка од ваквите проекти“, изјави Марјан Ицоски, проектен координатор во „Младиинфо интернационал“.
Ова е втор проект на тема мобилно учење на „Младиинфо интернационал“, по успешната реализација на првиот mYouth кој се спроведуваше од 2015 до 2017 година, и преку кој повеќе од 15000 млади од светот беа информирани и запознаени со мобилни решенија во сферата на младите, образованието и вработливоста.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech

Шефот на „Епл“ најави нов производ: „Запознајте го новиот член на семејството“

Објавено пред

Извршниот директор на „Епл“ откри дека технолошкиот гигант набргу ќе претстави нов уред. Обично треба да почекаме до пролет за да ги слушнеме големите најави на „Епл“, но изгледа дека тие доаѓаат порано овој пат.

dobivaj vesti na viber

Исто така, се чини дека нешто сосема ново се појавува на хоризонтот.

Според Тим Кук, шефот на „Епл“, најновиот член на семејството на „Епл“ пристигнува в среда, 19 февруари. Тој објави видео на „Икс“ со холографско лого на „Епл“ со натпис: „Подгответе се да го запознаете најновиот член на семејството. Среда, 19 февруари. #AppleLaunch“.

Иако не откри за каков уред станува збор, се појавија шпекулации дека тоа би можело да биде ажурирана верзија на серијата iPhone SE. Иако тоа е само шпекулација, сѐ почна со изјавата на Марк Гурман, кој сугерира дека може да се појави iPhone SE 4 – и има добар аргумент за тоа.

Пишувајќи за „Блумберг“, Гурман рече: „iPhone SE 4 ќе го модернизира моделот со пониска цена за да поттикне раст и да ги привлече корисниците да се префрлат од други брендови на ‘Епл’“.

Тој тврди дека информацијата му била пренесена од луѓе што побарале да останат анонимни бидејќи објавувањето на „Епл“ е приватно.

Но, тоа не е сѐ бидејќи тој исто така верува дека во 2025 година ќе бидат претставени и други производи, вклучувајќи MacBook со чип M4 и надградби на моделите iPad Air, како и уредите на Apple Watch и новите модели на iPhone.

Луѓето на „Икс“ ја коментираат објавата на Тим Кук очајно барајќи трага.

Некој праша: „Можете ли да ни дадете поконкретни информации?“, „Едвај чекам да видам што е тоа!“, напишал друг корисник, а трет коментирал: „Возбудливо! Можеби е Apple Vision? Изгледа ќе треба да почекаме до 19 февруари за да дознаеме“.

Прикажи повеќе...

Hitech

Вештачката интелигенција покажува како ќе изгледаат луѓето за 1.000 години

Објавено пред

Науката никогаш не престанува да ги поместува границите, а сега, со помош на вештачката интелигенција, понуден е поглед во иднината кој го зачуди светот. Иако сме навикнати да гледаме футуристички филмови кои прикажуваат како би можело да изгледа човештвото во далечната иднина, сега имаме конкретни визуелни претстави кои се засноваат на научни претпоставки.

dobivaj vesti na viber

Вештачката интелигенција, користејќи Google ImageFX и предвидувања од водечките научници, создаде слики кои покажуваат како би можеле да изгледаат луѓето за 1.000 години, а резултатите предизвикаа многу контроверзии. Експертите веруваат дека неколку клучни фактори ќе влијаат на еволуцијата на човечката раса: технолошкиот напредок, климатските промени, мешањето на населението и можноста за живот во вселената.

  • Како ќе се променат луѓето за 1.000 години?
    Пониска височина
  • Потемна кожа
  • Повеќе изедначени црти на лицето
  • Помалку генетска разновидност
  • Поголема технолошка интеграција
  • Помал мозок
  • Пониски стапки на промени во расположението
  • Потенцијална адаптација за живот во вселената

Луѓето ќе станат пониски
Професорот Марк Томас, генетичар на Универзитетскиот колеџ во Лондон (UCL), истакна дека постои можност луѓето во иднина да станат пониски. Тој објаснува дека раниот пубертет и помалата висина може да се поврзани, па ако луѓето кои порано созреваат имаат повеќе деца, таквите гени би можеле да станат доминантни кај популацијата.

Луѓето ќе станат попривлечни.
Научниците веруваат дека во следните 1.000 години би можело да дојде до промени во особините кои се сметаат за привлечни.

„Влегуваме во свет во кој жените ги избираат и ќе избираат мажи што им се допаѓаат – дали за интелигенцијата, успехот, физичкиот изглед или мускулестото тело. Како што расте женската селекција, се очекува овие особини да се зголемуваат“. Долгорочно, ова може да доведе до тоа просечниот човек да стане „малку поубав отколку што е денес“, вели професорот Томас.

Потемна кожа и порамномерен изглед
Се очекуваат големи промени и во однос на етничката различност. Научниците предвидуваат дека луѓето во иднина ќе имаат потемна кожа и порамномерни црти на лицето, бидејќи етничките групи се повеќе се мешаат. Д-р Џејсон Хоџсон, предавач по биоинформатика на Универзитетот Англиа Раскин, рече: „Една од работите што би можеле да ги видиме во иднина е рушење на границите меѓу популациите. Ако продолжат сегашните трендови, ќе видиме помала генетска структура на популациите“.

Технолошки подобрувања
Генетската модификација би можела да стане клучен фактор во еволуцијата. Д-р Хоџсон објаснува: „Ние веќе ја имаме технологијата за да овозможиме прецизно уредување на гени со помош на алатката CRISPR-Cas9“. Некои футуристи веруваат дека идните генерации ќе можат да селектираат специфични генетски особини – како што е поголема отпорност на УВ зрачење или подобрена физичка издржливост.

Смалување на мозокот!
Научниците предвидуваат и намалување на човечкиот мозок поради зависноста од технологијата. Професорот Роберт Брукс од Универзитетот во Нов Јужен Велс тврди дека компјутерите преземаат повеќе задачи, што ја прави предноста на поголем мозок помалку изразена. Д-р Николас Лонгрич, палеонтолог од Универзитетот во Бат, ги споредува луѓето со „самообучени мајмуни“, сугерирајќи дека тие би можеле да станат помалку когнитивно независни.

Еволуција за живот во вселената
Ако луѓето еден ден ја колонизираат вселената, би можеле да развијат сосема нова форма на телото. На планетите со мала гравитација, луѓето би можеле да станат повисоки, да имаат подолги раце и поголеми очи. НАСА веќе евидентира дека астронаутите растат за 3% за време на нивното време во вселената поради истегнување на ‘рбетот. Доколку дел од човештвото трајно се насели на Марс, не е исклучено тој да еволуира во нов вид – различен од луѓето на Земјата.

Иако е невозможно со сигурност да се предвиди како ќе изгледа човештвото за 1.000 години, едно е сигурно – еволуцијата не запира. Со брзиот технолошки напредок и промени во општеството, светот на иднината може да изгледа сосема поинаков од она што можеме да го замислиме денес.

Прикажи повеќе...

Hitech

(Видео) Најследената Хрватка на „Тик-ток“ плачеше поради забраната во Америка: „Губам пријатели“

Објавено пред

Мирта Милер, најследената Хрватка на „Тик ток“ со повеќе од 18 милиони следбеници, проговори за забраната на платформата во Америка. Оваа одлука ја растажи и се расплака на видеото.

dobivaj vesti na viber
@mimiermakeup

fyi: I’m in Europe and I’m staying 🧚🏻 love you American besties and see you soon! For the rest of us, in the clurb we all fam

♬ original sound – Mirta Miler

„Мразам да плачам на интернет. Луѓето кои ме познаваат знаат дека никогаш не плачам. Но, за мене, оваа забрана за „Тик ток“ во Америка значи дека губам пријатели. Навистина никогаш не сум ги гледала луѓето кои ме следат како само следбеници, не ги гледам како бројки, туку како заедница“.

„Јас, како некој од Хрватска, мала земја, добив можност да разговарам со сите вас во Америка и да ги создадам сите овие спомени. Ме видовте како пораснав, видовте многу од мојот живот. Нема да ти кажам каде да ме следите, навистина не ми е гајле за бројки, се грижам за тебе како личност и сега ќе те изгубам. Ќе ја изгубам нашата врска и тоа е многу болно за мене“, рече таа во видеото објавено на „Тик ток“.

Таа на своите следбеници од целиот свет им кажа дека ги сака, но дека има многу пријатели од Америка на „Тик ток“.

„Тука првпат станав вирална. Навистина сакам да ви се заблагодарам од се срце, тоа многу ми значи“, рече таа.

Прикажи повеќе...

Најново

Свет4 часа

Посетата на Зеленски е прекината: Трамп: Тој ги навреди САД

Посетата на украинскиот претседател Володимир Зеленски на американскиот претседател Доналд Трамп во Белата куќа е прекината. Извор од Белата куќа...

Македонија6 часа

Мир преку разговор во Украина, решение „две држави“ за Израел и Палестина – Мицкоски и Ердоган разговарале и за глобалните предизвици

За Северна Македонија и Турција клучно е  конфликтот во Украина да се реши по пат на разговори. За ситуацијата во...

Македонија7 часа

Мицкоски и Ердоган во Турција договорија основање на Совет за соработка на високо ниво

Советот за соработка на високо ниво е значаен чекор за односите меѓу двете држави чија цел е продлабочување и интензивирање...

Топ7 часа

Родител пријавил наставничка дека натепала повеќе ученички во соблекувална во скопско училиште

Родител пријавил во МВР напад извршен од страна наставничка во скопско основно училиште. Според пријавата, таа во текот на вчерашниот...

Економија9 часа

Од 1 март поскапува парното

Регулаторната комисија за енергетика донесе одлука со која од 1 март цената за потрошувачите на топлинска енергија за „ЕСМ енергетика“...

Македонија9 часа

Судот определи мерки на претпазливост за Филип Андов-Сокол и за другите осомничени по акцијата во затворот во Шуто Оризари

За ескдиректорот на затворот во Шуто Оризари, Филип Андов-Сокол, и за другите осомничени судот денес определи мерки на претпазливост по акцијата...

Економија10 часа

Казни од 500 до 10.000 евра, па и затворање на маркетите: Дурмиши најави контрола на над 1.000 трговски објекти

Министерот за економија и труд, Бесар Дурмиши, денеска одржа прес-конференција, на која информира за мерките што ги донесе Министерството за...

Македонија11 часа

Место на шалтер, уверение за остварен доход отсега се вади електронски, автоматскиот систем ќе замени 29 службеници во УЈП

Граѓаните што имаат потреба од уверение за остварен приход, за да го извадат документот, повеќе не мора да одат на...

Македонија11 часа

Кочоска да си даде оставка, министерка која понижува граѓанка не заслужува да води министерство, бара СДСМ

Пратеничката група на Социјалдемократскиот сојуз на Македонија и коалицијата, на денешената прес-конференција пред Министерството за финансии, побараа оставка од министреката...

Македонија13 часа

Вработените во Македонската филхармонија најавуваат нов протест

Вработените во Македонската филхармонија во понеделник со почеток во 13 часот ќе одржат нов протест пред Министерството за култура и...

Македонија13 часа

„ДУИ прави терен за бојкот на локалните избори“, велат од „Влен“

„За да избегне програмска и кадровска реформа, на ДУИ очајно му треба политичка криза. Затоа веќе подолг временски период креираат...

Свет14 часа

Зеленски пристигна во Вашингтон, ќе потпише клучен договор

Украинскиот претседател Володимир Зеленски пристигна во Вашингтон, каде што се очекува да потпише важен договор за минерали со американскиот претседател...

Македонија15 часа

Мицкоски патува во Турција, ќе се сретне со Ердоган

Денеска претседателот на Владата на Република Северна Македонија, Христијан Мицкоски патува во посета на Република Турција. Претседателот на Владата ќе...

Топ15 часа

Кривична против директорот на Центарот за култура „Григор Прличев“ во Охрид за злоупотреба на службената положба

СВР Охрид поднесе кривична пријава против Г. С. (48), директор на Националната установа Центар за култура „Григор Прличев“ во Охрид,...

Свет15 часа

Израел првпат призна сериозни воени неуспеси на денот кога Хамас изврши масакр

Израелската војска го објави првиот официјален извештај за грешките што доведоа до неуспех за време на нападот на Хамас на...

Свет17 часа

Објавени документите за Епстејн; Обвинителката: Има илјадници, ФБИ не ги испрати

Јавниот обвинител Пем Бонди објави документи за Џефри Епстејн. Како што претходно беше најавено, во документите нема нови информации или...

Свет17 часа

Ким Џонг-ун нареди целосна подготвеност за користење на капацитетите за нуклеарни напади

Севернокорејскиот лидер Ким Џонг Ун нареди целосна подготвеност за користење на капацитетите за нуклеарни напади, објавија денеска државните медиуми. Џонг...

Македонија1 ден

Кривична пријава за 10 лица: Поранешен директор и затворски полицајци обвинети за бегство на осудени лица

На 24.02.2025 Одделот за сузбивање на организиран и сериозен криминал поднесе кривична пријава до ОЈО за ГОКК против десет лица...

Македонија1 ден

Јас имам два сина и знам колку троши 4-члено семејство: Димитриеска-Кочоска со навреди до Петровска

Министерката за финансии, Гордана Димитриеска-Кочоска, денеска ја навреди пратеничката од СДСМ, Славјанка Петровска, велејќи дека нема право да зборува за...

Македонија1 ден

Мицкоски: Коцевски доби шанса, но освен внатрешни пресметки во Обвинителството и браник на минатата власт, друго не видовме

Претседателот на Владата, Христијан Мицкоски на денешната собраниска седница за пратеничка прашања истакна дека на јавниот обвинител Љупчо Коцевски му...