Контакт

Екологија

Со истребувањето на растенија се загрозуваат сите живи организми

Објавено пред

Најмалку 600 видови растенија се истребени од дивината во последните 250 години, пренесе Би-би-си, повикувајќи се на скорешни истражувања на повеќе институти. Бројката се однесува на конкретни истребени видови, а не на проценки и изнесува двапати повеќе од сите истребени видови птици, цицачи и водоземци заедно.

Според научниците, изумирањето на растенијата се случува 500 пати побрзо отколку што е очекувано да случи според природниот тек.

Во еден извештај од ОН објавен во мај оваа година, се наведува дека 1 милион животински и растителни видови се на работ на одумирање. Според истражувачите, анализите од ова документирање на изумрените растенија може да помогне во понатамошното зачувување на други видови на флора.

Додека поголемиот дел од населението со сигурност може да каже барем едно животно кое е истребено во последните неколку векови, само неколкумина би можеле да набројат некои растенија, вели д-р Аелис Хамфрис од универзитетот во Стокхолм.

„Ова истражување за првпат покажува кои  видови растенија се истребени, каде и колку брзо сето тоа се случува“, додава Хамфрис.

Меѓу изумрените растенија се наоѓа чилеанското сандалово дрво, кое беше предмет на експлоатација поради неговото есенцијално масло, како и маслиновото дрво св. Елена.

Најголемите загуби се забележуваат на островите и тропските предели кои се дом на голем број огревни дрва. Овие предели се препознатливи по особено богатиот растителен диверзитет.

Научниците од Кралската ботаничка градина и универзитетот во Стокхолм откриваат дека во последните два и пол века изумреле 571 вид на растенија, односно повеќе од двојно од бројот на изумрени животински видови (217 видови птици, цицачи и водоземни животни).

Овие податоци предупредуваат дека природното изумирање на растенијата би се случувало околу 500 пати побавно доколку на планетата не би биле присутни луѓето.

Според научниците, овие бројки се и под вистинските вредности на изумирањето на растителните видови.

Сепак, по целото истражување, тие повторно откриле еден цвет за кој се сметало дека веќе е изумрен, а тоа е синиот чилеански крокус (Tecophilaea cyanocrocus).

Зошто се растенијата важни? Целокупниот жив свет на планетата Земја е тесно поврзан со растенијата, односно зависи од нив бидејќи тие го произведуваат кислородот што го дишеме и храната што ја јадеме.

Изумирањето на растенијата може да доведе до цела низа истребувања на други организми кои се зависни од нив, како на пример, инсектите кои ги користат растенијата како извор на храна и место каде положуваат јајца.

Изумирањето на растенија е лошо за сите живи суштества, вели д-р Еимеар Ник Лугада од Кралската ботаничка градина.

„Милиони живи суштества зависат од растенијата за да преживеат, а меѓу нив и луѓето, што значи дека добро е да знаеме кои точно растенија се загрозени за да ги конзервираме и заштитиме, а со нив да зачуваме и други организми“, објаснува професорката.

Д-р Роб Салгуеро-Гомез од Универзитетот во Оксфорд вели дека мора да разбереме зошто, како и каде изумираат овие растенија, не само еколозите, туку и општествата.

„Ние директно зависиме од растенијата за храна, сенка, како и градежни материјали, а индиректно, како дел од екосистемот, каде тие придонесуваат за трансформација на јаглероден диоксид во кислород, но и за подобро ментално здравје преку уживање во зелените површини“, вели професорот Гомез.

Екологија

Фотографија од Гренланд го обиколи светот – ледената покривка драматично се топи

Објавено пред

Метеорологот Штефен Олсен од данскиот метеоролошки завод бил на рутинска мисија на северозападот на Гренланд, во чии рамки требало да ги собере метеоролошките инструменти што ги поставиле неговите колеги кога наишол на сериозен проблем. Тој не можел да ги најде апаратите бидејќи наместо очекуваната бела прекривка, наишол на огромно количество вода. Сторијата за драматичното топење на ледената покривка на Гренланд ја пренесе Си-ен-ен.

Неговата фотографија, на која се гледа како кучињата што ја влечат санката стојат во длабока светлосина вода, ја пренесоа сите медиуми. Олсен фотографијата ја снимил на 13 јуни околу пладне по локално време. Тој на „Твитер“ напиша дека кучињата во тој момент се наоѓале на 1,2 метар длабок морски мраз, кој го преплавиле стопените површински води.

Олсон на „Твитер“ предупреди дека автохтоните заедници на Гренланд зависат од замрзнатото море за превоз, лов и риболов. Се смета дека нив први ќе ги погодат последиците од топењето на ледената прекривка, но дека обемот на катастрофата нема да биде ограничен само на Гренланд или на Северна Америка.

Летната сезона на топењето на мразот на Гренланд обично трае од јуни до август, со тоа што најголем дел од ледената покривка привремено исчезнува во јули кога е најтопло. Но, годинава Гренланд уште во почетокот на јуни изгуби масивен дел од својата ледена покривка, околу 40 отсто. Се проценува дека се стопиле повеќе од 2 милијарди тони мраз само минатата недела.

Научниците со месеци предупредуваат дека годинава може да дојде до рекордно ниво на топење на мразот на најголемиот остров во светот, а првите набљудувања укажуваат дека биле во право. Тоа може да влијае на појавата на една од најголемите опасности од глобалното загревање – значителен пораст на нивото на морето. Ако тоа се случи, милиони луѓе што живеат на крајбрежните региони ќе мора да ги напуштат своите домови.

Според неодамнешно истражување, поради топењето на мразот на Гренланд, од 1972 година до денес глобалното ниво на морето се покачило 13,7 милиметри. Ледената прекривка на овој остров е најголемиот извор на вода што секоја година им се додава на океаните.

Во мај Џејсон Бокс, климатолог од Данска, предвидел дека 2019 година ќе биде голема година за топење на Гренланд. Бокс нагласил дека оваа година имало многу рана сезона на топење и дека тоа почнало три недели порано од обично, па дури и порано отколку во рекордната 2012. И снежната покривка е веќе многу пониска од просечната на западен Гренланд, а кога сите тие фактори ќе се соберат, најверојатно оваа година ќе биде година на големо топење и ќе ја надмине 2012.

Прикажи повеќе...

Екологија

Во јапонска населба отпадот се сортира во дури 45 категории

Објавено пред

Пластика, хартија, метал? Ова е најчестата класификација, но во јапонската населба Камикацу, која до 2020 сака да стане населба без отпад, сортирањето на ѓубрето не е толку едноставно. Имено, локалните жители се соочени со збунувачки 45 категории за сортирање отпад.

„Да, комплицирано е“, вели 39-годишната жителка Наоко Јокојама, но додава и дека ваквите правила ја направиле еколошки посвесна од порано.

Категориите покриваат сè – од четки за заби до перници. Гратчето планира од в година да го рециклира целиот свој отпад и да ја затвори печката за ѓубре.

Процесот навистина може да биде мачен не само поради тоа што има куп категории, туку и затоа што предмети, како пластични шишиња, треба да се измијат и да се исушат пред рециклирањето. Доколку предметот е составен од неколку делови и материјали, од жителите се очекува да го разделат и да го сортираат секое парче во соодветен контејнер.

Многу делови од Јапонија бараат од жителите да го класифицираат отпадот, но повеќето од нив имаат само неколку категории. Огромна количина ѓубре и натаму се пали.

Меѓутоа, Камикацу била многу поинаква до 2000 година. Тогаш градот морал да затвори една од неговите две печки за согорување отпад бидејќи не ги задоволувала еколошките стандарди. Другата била со премногу мал капацитет за целиот градски отпад, а за нова општината немала пари.

„Си рековме, ако веќе не можеме да гориме отпад во градот – ќе го рециклираме. Всушност, рециклирањето е многу поевтино“, изјавил градскиот претставник Мидори Суга.

Прикажи повеќе...

Екологија

Каде има најчиста вода за капење во Европа – Грчката е добра, а во Италија држете се до копното

Објавено пред

Во својот годишен извештај за квалитет на водата за капење Европската агенција за животна средина објави дека најчиста вода за капење има на Кипар.

Грција со 97 отсто од водата во пливачките зони, кои се оценети како незагадени, се наоѓа на четвртото место, а Италија на последното.

Според податоците, 97 проценти од водата во пливачките зони во море, оценето е како исклучителна и тоа според строги критериуми на Европската агенција за животна средина, додека 1,1 отсто е прогласена за „добра“.

За време на изработката на извештајот е проценуван квалитетот на плажите за капење низ Европа, вклучително и речните и езерските. Само во Грција минатата година имало 1.598, што чини 7,2 отсто од водата за капење во Европа.

Во ЕУ 85 проценти од водата на плажите за капење е оценета за чиста, додека 95,4 отсто од 21.831 локација, во 28 земји членки, колку што биле набљудувани, го задоволиле минимумот стандарди за квалитет според правилата на ЕУ.

Според квалитетот на плажи со исклучително чиста вода за капење, на прво место е Кипар со 99,1 отсто, на второто место е Малта со 98,9 проценти, додека на третото местто е Австрија со 97,3 проценти од плажите со вода со висока квалитет. Со своите 97 проценти Грција го заеде 4. место на оваа листа.

Прикажи повеќе...

Најново

Македонија11 час

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет11 час

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ13 часа

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија14 часа

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа15 часа

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија17 часа

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија18 часа

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет18 часа

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион18 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија20 часа

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт21 час

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет21 час

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет22 часа

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија22 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија22 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech1 ден

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток2 дена

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија2 дена

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија2 дена

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија2 дена

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Досие