Забава
Петиција против „љубовните катанци“ во Париз
Познатиот „Град на љубовта“ го одложи донесувањето на тешката одлука, но иницијативата против популарното „железно искажување на љубов“ добива сé поголема поддршка во Франција.
Туристка го врти клучот и триумфално го крева во висина. Нејзиното момче со мобилен телефон ја фотографира кога таа го фрла клучот во Сена. Нивната љубов сега наводно засекогаш е заклучена. Ова е само една во низата исти сцени кои секојдневно може да се видат во Париз.
Лиза Анселмо и Лиза Тејлор Хаф се Американки кои живеат во Париз и кои ја покренале иницијативата на Интернет против „љубовните катанци“. До сега петицијата ја потпишале седум илјади луѓе, а поттикнати од еден настан од почетокот на јуни кога се случи неизбежното – дел од оградата на познатиот мост Pont des arts се сруши од тежината на катанците. Со наслов „Товар на љубовта“ фотографијата брзо се прошири на Интернет.
Весникот Le Monde проценува дека на париските мостови има околу 700.000 катанци, а нивната тежина е 300 килограми по метар ограда.
Новата градоначалничка на Париз, Ана Хидалго, сега е под голем притисок – дали да го забрани „железното изјавување на љубов“ и така да ги заштити мостовите кои претставуваат културни споменици или треба да мисли на сите пари што ги носат туристите и да ги затвори очите пред нивното уништување?
„Треба да размислуваме за феноменот време, да понудиме алтернативи кои истовремено ќе бидат уметнички, солидарни и еколошки“, се наведува во образложението на градоначалничката.
Порано туристите дома се враќаа со сувенири, а сега повеќе сакаат да остават нешто во градот што го посетиле. Од „Град на љубовта“ Париз стана „Град на љубовните катанци“. На Pont des arts почна сé и оттогаш нема мост на Сена на кој има уште место за љубовни катанци. Сé почесто поради недостиг на место настануваат вистински гроздови од катанци. А и бројот на клучеви во Сена е голем па постои шега дека еден ден ќе се издигне остров од нив.
Париз не е осамен со овој проблем. Никој не знае каде настанал обичајот со катанците, се спомнуваат Источна Европа и Италија.
Во Германија, мостот Hohenzollern во Келн е преоптоварен, Берлин воведе забрана за закачување катанци на јавни места, Москва постави специјално дрво, а ако некој се осуди на познатиот мост Rialto во Венеција да заклучи катанец му следува дебела парична казна. На мостот Charles во Прага, пак, заклучените катанци се отстрануваат веднаш.
За сега Париз се обидува да го реши проблемот со совети: на сајтот на градското собрание се советува користење на виртуелни катанци или посета на ѕидот I Love You на Монмартр каде трите зборови се испишани на 300 јазици. Или сосема класично изразување љубов – со шише шампањско на врвот на Ајфеловата кула. Но, дури и таму љубовниците нашле згодно место – за катанци.
крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тешко се освојуваат: два хороскопски знаци кои имаат највисоки стандарди
Во светот на романтичните врски, постојат поединци кои се познати по тоа што се држат до високи стандарди и не прават компромиси кога е во прашање изборот на партнер. Високите стандарди можат да бидат знак на самодоверба и јасна свест за сопствените желби и потреби. Таквите луѓе често очекуваат дека нивниот партнер дели слични вредности, интереси и животни цели. Но, додека некои тоа го гледаат како предност, други веруваат дека таквите високи критериуми може да го отежнат наоѓањето вистинска љубов.
Кога станува збор за хороскопски знаци, два особено се издвојуваат по големите очекувања во љубовта, а тоа се Девицата и Јарецот. Овие знаци се познати по нивната прецизност, методичност и, понекогаш, немилосрдно стремење кон совршенство.
Девицата е земјен знак, познат по својот аналитички и методичен пристап кон животот. Родените во овој знак често се педантни и им придаваат големо значење на деталите. Во љубовните врски Девиците бараат партнер кој е чист, организиран и има висок интелект. Девиците не се склони кон избрзани романси или површни врски, наместо тоа, претпочитаат длабоки и значајни врски кои можат да ја задоволат нивната потреба за анализа и разбирање.
Девиците сакаат да поминуваат време анализирајќи ги потенцијалните партнери за да ги проценат нивните маани и доблести пред да се посветат на посериозна врска. Ова може да биде предизвик за оние кои сакаат да ги освојат, бидејќи треба да се докажат на многу различни нивоа.
Јарците се уште еден земјен знак познат по својата амбиција и дисциплина. Луѓето родени во овој знак се стремат кон стабилност и сигурност во сите аспекти од нивниот живот, вклучувајќи ги и романтичните врски. Јарците бараат партнери кои се емотивно зрели и финансиски стабилни, бидејќи веруваат дека тоа се клучните состојки за долготрајна и успешна врска.
Покрај тоа, Јарците често се претпазливи кога влегуваат во нови врски. Можеби на прв поглед изгледаат ладни или недостапни, но навистина, тие само сакаат да се погрижат нивниот иден партнер да биде сигурен и лојален. Јарците исто така ја ценат традицијата и често претпочитаат класични методи на додворување, што дополнително ја подигнува границата за оние кои се обидуваат да ги придобијат.
Високите стандарди на Девиците и Јарците не се само израз на нивните лични преференци, туку и одраз на нивната длабока желба за квалитет и трајност во односите. Иако е тешко да се победат, откако ќе се отворат и се обврзат, тие се исклучително лојални и посветени партнери. За оние кои се подготвени да се потрудат, освојувањето на Девица или Јарец може да резултира во исклучително богата врска.
Забава
Кралот Чарлс нема да го види својот син Хари бидејќи е премногу зафатен
Принцот Хари нема да го види својот татко, кралот Чарлс, за време на посетата на Велика Британија, каде што пристигна на игрите Invictus, бидејќи кралот ќе биде премногу зафатен, изјави портпаролот на Хари.
В среда 39-годишниот Хари ќе ја прослави десетгодишнината од меѓународниот спортски настан Invictus Games, кој тој го основал, во катедралата „Свети Павле“ во Лондон, кој е мултидисциплинарен спортски настан за ранети и болни воени ветерани.
„Како одговор на многуте прашања и шпекулации за тоа дали војводата ќе се сретне со својот татко за време на посетата на ОК оваа недела, за жал, тоа нема да биде можно поради презафатениот распоред на неговото височество“, рече портпаролот на принцот Хари. „Војводата од Сасекс разбира дека татко му има обврски и разни други приоритети и се надева дека набргу ќе го види“, додаде тој.
Помладиот син на кралот Чарлс ја посетил Британија само неколкупати откако тој и неговата сопруга Меган се преселиле во Лос Анџелес во 2020 година, каде што живеат со двете мали деца. Тие претходно се откажаа од службените кралски должности. Хари присуствуваше на погребот на својата баба, кралицата Елизабета Втора, во 2022 година, а присуствуваше и на крунисувањето на татко му во мај 2023 година.
Последен пат беше виден во Велика Британија во февруари оваа година кога накратко се сретна со својот татко откако 75-годишниот монарх објави дека му бил дијагностициран рак. Хари е отуѓен од кралското семејство и се вели дека едвај зборува со својот постар брат и престолонаследник, принцот Вилијам.
Кралот Чарлс минатата недела се врати на своите јавни должности со оглед на тоа што неговото лекување беше успешно и тој добро закрепнува, соопшти Бакингемската палата. Палатата исто така соопшти дека нема да коментира за прашања поврзани со Хари. По заминувањето од Британија, Хари со сопругата ќе ја посети Нигерија.
Забава
Непредвидливи хороскопски знаци: не знаете што да очекувате од нив
Секогаш е непријатно кога не знаете што да очекувате од другата личност во која било смисла. Ова се непредвидливи хороскопски знаци кои сигурно ќе ве натераат да се намачите.
Чудните и неочекувани промени на расположението се многу карактеристични за овие луѓе. Тие можат да се предомислат во секунда и да донесат неочекувана одлука која ќе ги збуни сите, а тоа е особено незгодно ако сте во блиски односи со нив. Од друга страна, понекогаш знаат да изненадат на убав начин.
Непредвидливи хороскопски знаци
Овен
Овенот е управуван од Марс, па тоа е доволен показател зошто овој знак е непредвидлив. Бидејќи се под влијание на таква страсна и експлозивна планета, Овните ретко се во состојба на стабилност и се подложни на нивните моментални импулси. Покрај тоа, претставниците на овој знак знаат да испробуваат нови работи и често одат на тоа без многу размислување. Сепак, ова е проблематично кога станува збор за расправии бидејќи некои зборови навистина можат да ги навредат нивните најблиски.
Близнаци
Двојната природа на Близнаците истовремено наидува на одобрување, но и на отворено непријателство меѓу луѓето. Поентата е дека непостојаноста на Близнаците понекогаш им годи и ги наградува другите со позитивна енергија, принудувајќи ги да се движат наместо пасивно да останат на место. Меѓутоа, често таквата спонтаност е сосема несоодветна. Не секој е подготвен да ги промени своите планови со молскавична брзина, прилагодувајќи се на новото расположение на Близнаците.
Шкорпија
Вродената таинственост на Шкорпиите понекогаш ниту на нив не им оди од рака, а камоли на луѓето околу нив. Иако внимателно ги кријат своите чувства од другите луѓе, во последен момент ќе ги изненадат своите сакани со неочекувани промени, принудувајќи ги да играат по ново сценарио. Можеби претставниците на овој знак треба повеќе да се отвораат кон другите и да ги изразат своите емоции за да биде поразбирливо и поочигледно во очите на другите.
Водолија
Дури и Водолиите сами по себе не знаат што има во главата на главниот револуционер од зодијачкиот круг. Претставниците на овој знак се свесни дека им предизвикуваат непријатности на луѓето со нивното променливо расположение, но тоа само ги забавува и ги прави горди на сопственото изненадување. Понекогаш се однесуваат како тинејџери кои протестираат, но се подготвени да направат се што е по нивно и од принцип да ги променат одлуките во последен момент.