Забава
Robin Robin: Џилијан Андерсон ја пронаоѓа својата внатрешна мачка

Џилијан Андерсон се согласува дека нејзината улога на застрашувачка мачка во божикниот анимиран филм Robin Robin има призвук на еден друг лик што таа го толкуваше – поранешната британска премиерка Маргарет Тачер.
„О, боже, ти не си првата личност што го кажува тоа“, вели актерката што доби „Еми“ за улогата на поранешната премиерка во најновата сезона на „Круна“ на прашањето од Би-би-си дали мисли оти постои сличност во тонот.
„Мислам дека сте во право, внатре има малку г-ѓа Т, не намерно, но да – додека влегував во темни, таинствени, здивни тонови, мислам дека таа почна да се враќа назад“.
Robin Robin е најновата креација на студиото од Бристол, во режија на Ден Оџари и Мајки Плис. Тоа е краток празничен филм за млада птица со криза на идентитетот по растењето во домаќинство на глувци.
Таа е главната ѕвезда на овој многу посебен анимиран божикен филм. Јајце што треба да се изведе испаѓа од гнездото и малата птичка е посвоена од весело и топло семејство на глувци. За да им докаже дека и таа може да биде добар глушец, Робин тргнува во голема авантура, во која дознава важна вистина за себе.
Актерката вели дека била изненадена кога на првиот ден од работата на гласот за ликот на мачка дознала дека продукцијата, всушност, била мјузикл – и дека од неа се очекувало да пее.
„Не знаев дека е мјузикл кога се пријавив, не го прочитав тој дел од е-поштата“, раскажува таа.
„Со анимацијата вие го користите само вашиот глас, така што сфаќате дека гласот треба да го вткаете во сите работи што не ги правите физички“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Eвропски град во кој туристите масовно крадат камени коцки од улиците

Во белгискиот Бриж, еден од најживописните градови во Европа, туристите се предупредени да не земаат камења од неговите историски улици како сувенири.
Градските власти известија дека секој месец исчезнуваат меѓу 50 и 70 коцки од камен од средновековното јадро заштитено од УНЕСКО, а тој број се зголемува за време на шпицот на сезоната. Замената и санирањето на штетата чини околу 200 евра по метар квадратен, изјави локалниот политичар Френки Демон за Си-Ен-Ен.
„Иако некому може да изгледа безопасно или симпатично, последиците се сериозни“, предупреди Демон.
„Отстранувањето на калдрмата претставува јасен безбедносен ризик за жителите и посетителите. Недостасувањето или распуштената калдрма може да предизвика пад, а градските служби мора често да интервенираат за да се поправат.
Тој додаде дека еден насилник дури и засадил цвет на местото каде што го отстранил каменот.
„Имагинативен потег, но покажува недостаток на почит кон нашето заедничко наследство“, рече тој.
„Ние едноставно бараме почит. Шетањето во Бриж значи одење низ вековите на историјата. Тие калдрми не се само камења – тие се дел од душата на нашиот град“, рече Демон.
„Ги покануваме посетителите да уживаат во Бриж, но да ја остават неговата убавина недопрена за другите“.
Како и многу други историски градови, како што се Венеција или Барселона, Бриж со години се обидува да се справи со притисокот на масовниот туризам. Уште во 2019 година, градските власти одлучија да го ограничат бројот на бродови за крстарење што се закотвуваат на блиското пристаниште.
За оние кои сè уште сакаат сувенир од одморот во Белгија, можеби кутија чоколади е подобра идеја од камен од улица.
Забава
Хаос во авион: Бритни Спирс пушела цигара и пиела за време на лет, ја пречекала полиција

Поп-ѕвездата Бритни Спирс (43) се огласи на Инстаграм откако американските медиуми објавија дека добила официјално предупредување за несоодветно однесување на приватен лет од Кабо Сан Лукас, Мексико, до Лос Анџелес во четвртокот.
Според „Пипл“ и „ТМЗ“, пејачката за време на летот конзумирала алкохол и запалила цигара, што предизвикало загриженост кај членовите на екипажот. Стјуардесите ја предупредиле да ја изгаси цигарата – што и го направила – но за време на летот биле контактирани властите, кои ја чекале по слетувањето во Лос Анџелес.
Потоа на пејачката и било изречено официјално предупредување, по што била пуштена на слобода без дополнителни последици.
На Инстаграм, пејачката се обиде да ја објасни својата страна на приказната.
„Признавам, првпат во животот пиев вотка!!! Се колнам, се чувствував толку паметно!! Бев во фазон: ‘Вау, што е ова?!’ Се чувствував бистро и паметно! И реков: ‘Толку многу ми се пуши цигара!!!’ Пријател ми стави цигара в уста и ја запали, па си помислив: ‘Аха, ова е оној авион во кој сме да се пуши!’“
View this post on Instagram
Бритни потоа се извини доколку некого навредила.
Таа откри и дека е убедена оти службениците на аеродромот ја пречекале како „поддршка“, бидејќи, како што вели, „се чувствувала посебно“.
„Стјуардесата ги повика официјалните лица затоа што запалив цигара!!! Непотребно ме посрамоти. Не и се допаѓав од моментот кога влегов во авионот! Никој не беше во авионот во првите 20 минути и не ми дозволуваше да станам! Сакав да ги истегнам нозете, но таа ме натера да седнам. Таа се однесуваше чудно – не ми се допадна ккао ми го стави појасот, како да го нарушува мојот личен простор!”
Britney Spears Defends Odd Plane Behaviorhttps://t.co/eA5JJjgsxj pic.twitter.com/ltEwJ9FztS
— JOJO METHOD (@SlimMethod) May 24, 2025
Заедно со својата објава, Бритни сподели и видео на кое држи шише алкохол додека седи во авион.
Забава
Холивудскиот актер призна дека е зависник, мајка му починала од дрога кога имал 12 години

Еден од најпопуларните холивудски актери Бери Коган раскажа сè за својата долгорочна зависност.
Актерот Бери Коган (32) во интервју за Hollywood Authentic изјави дека неговата мајка починала од зависност од хероин кога тој имал 12 години.
Се присети дека тој и неговиот брат ги поминале следните години од своето детство во и надвор од згрижувачките домови во Даблин.
Актерот, кој го промовираше филмот „Saltburn“, се присети на страшните детали од неговото детство во проблематичната населба Самерхил во Даблин: „Се сеќавам дека ја слушнав мајка ми како вреска и ни вика додека се бореше со зависноста, додека бараше пари за да купи хероин. А само ни беше кажано да останеме во креветот. Не можевме да отидеме да ја прегрнеме“.
„И татко ми умре од дрога. Изгубив двајца чичковци и братучеди поради дрога. Но, љубопитноста е моќна работа“, призна тој, а потоа додаде:
„Понекогаш е корисно, а понекогаш е штетно. За мене беше штетно. Дури и доаѓањето на мојот сопствен син на овој свет не ме спречи да бидам љубопитен“.
Коган е татко на двегодишниот Брандо, кој го имаше со својата поранешна партнерка Алисон во август 2022 година.
„Веќе не негирам. Разбирам дека имам зависност и јас сум зависник. Знаете, кога ќе го прифатите, конечно можете да продолжите понатаму и да научите да се справувате со тоа“.
За време на појавувањето во подкастот „This Life of Mine“ на Џејмс Корден минатата година, актерот разговараше за тоа како системот за згрижување „почнува да влијае на вас додека растете“.
„Имав многу проблеми со довербата, никогаш не верував во љубов, никогаш не верував дека некој сака да ме запознае, или, да речеме, да бидеме пријатели. Вие не верувате во ништо“, продолжи Коган.
„Имате проблем со лојалноста и напуштањето и јас работев на сите тие работи со неколку терапевти во текот на годините“.
Во 2023 година, Коган доби номинација за Оскар за најдобра споредна машка улога.