Забава
Судот пресуди: ‘Среќен ти роденден’ им припаѓа на сите
Најпознатата и најраширена славеничка песна „Среќен ти роденден“, сепак, им припаѓа на сите, одлучи судот во Лос Анџелес отфрлајќи го барањето на компанијата „Warner Music“ и натаму да ѝ биде признаваат авторските права на оваа композиција.
Песната „Среќен ти роденден“ е неизоставен дел од роденденските забави ширум светот, и ја има својата верзија на речиси сите јазици, од англискиот и францускиот до арапскиот и јапонскиот, па дури е преведена и на „клингонски“.
Но доколку и да песната „Happy Birthday to You“ беше сеприсутна, сепак, таа беше приватна сопственост. На неа правата ги полагаше дискографската компанија „Warner Music“, сé додека тројца американски уметници кои сметаат дека песната му припаѓа на целиот свет, а не на корпорација, не одлучија тоа да го разрешат по судски пат.
Пеењето на песната на приватните роденденски веселби беше бесплатно, но за нејзино јавно изведување требаше да се платат авторски права. Компанијата годишно на неа заработувала до два милиона долара, што „Happy Birthday to You“ ја прави една од највносните песни на сите времиња. Произведувачите на играчки, програмери на мелодиите за мобилните телефони, синџирите ресторани и детски игротеки, сите плаќаат за користење на песната од 500 до неколку десетици илјади долари. Многумина филмски или театарски уметници поради тоа ја одбегнуваа.
Режисерката Џенифер Нелсон, која работела на документарен филм за потеклото на оваа песна морала да плати 1.500 долари за да ја користи, па одлучи „Warner Music“ да го даде на суд. Ѝ се придружија уште двајца уметници, музичар кој ја објавил „Happy Birthday to You“ на албум и режисер кој бил непријатно изненаден од фактура од 3.000 долари затоа што песната ја користел на филм. „Таа песна претставува голем дел од нашите животи. Не е чесно што мораме да ја плаќаме“, изјави Нелсон.
Компанијата „Warner Music“ ги стекнала авторските права во 1935 година и го обновила во 1963 година. Обвинителите сметаа дека тоа незаконски. Нелсон неодамна „непобитен“ доказ – песнарка објавена во 1922 година во којашто се наоѓа „Happy Birthday to You“ без „copyright“, што според американскиот закон ги анулира сите подоцнежни барања за авторски права. А тие, и онака, важат 70 години, па песната објавена во 1922 година би требало да биде јавно достапна веќе повеќе од две децении.
Федералниот суд во американската сојузна држава Калифорнија одлучи во вторникот во полза на тужителите. Окружниот суд Џорџ Кинг донел одлука дека песната му припаѓа на светот. Со тоа е ставен крај на оваа двегодишна правна битка меѓу грст филмаџии и мегакомпанијата, пишува The Los Angeles Times.
„’Happy Birthday to You’ најпосле е слободна Конечно оваа шарада заврши“, изјави адвокатот Рендал Њумен, кој ги затапуваше тужителите на судот и ја сметаше оваа битка како судир на Давид и Голијат. Од „Warner Music“, пак, соопштија дека ќе ја разгледаат можноста за натамошна правна битка за авторските права.
Инаку се смета дека корените на песната се стари повеќе од еден век. Во 1893 година, композиторката од американската сојузна држава Кентаки, Мидред Хил и нејзината сестра Пети, учителка во детска градина, заедно ја компонирале песната изворно насловена „Good Morning to You“м како експериментално наставно средство – едноставна мелодија којашто децата би требало лесно да ја запаметат и да ја повторат.
Песната со малку зборови лесно можела да се прилагоди и за други потреби, па ја пееле во разни прилики. Така, на една роденденска забава во Кентаки и настанала верзијата „Happy Birthday to You“ којашто се децении подоцна стана составен дел од американската поп култура. Тоа е првата песна користена на музичка телеграма и првата песна отпеана во Вселената. Мисионерите од Кентаки прво ја донеле во Европа и така започнала да се шири по светот.
„Ја слават сите култури ширум светот и им припаѓа на сите. Тоа е народна песна“, смета Нелсон./крај/мф/сн
Извор: The Los Angeles Times
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Лејди Гага на Супербоул, но сосема поинаква: „Оземпик го направи своето“
Контроверзната пејачка Лејди Гага се појави во Санта Клара на Супербоул, каде што настапи за време на полувремето со ѕвездата на вечерта, Бед Бани, кој ги воодушеви сите со својот избор и ја отпеа песната „Die With A Smile“.
Свои пет минути имаше и познатиот Рики Мартин, кој импресионираше со својот изглед многу повеќе отколку со својата песна, но ова не е ништо ново за него.
Лејди Гага за својот настап избра асиметричен син фустан со набори, кој го комбинираше со црвени сандали и црвен детаљ на едното рамо. Нејзината препознатлива руса коса и тука беше нејзин заштитен знак, а нејзиното лице загрижи многумина.
И покрај сето ова, во центарот на вниманието беше тоа што е многу ослабена, па некои на мрежата ја нарекоа „Оземпик Лејди Гага“.
„Дали е ова AI Лејди Гага?“, „Што се случи со нејзиното лице?“, „Оземпик го направи своето“, беа некои од коментарите на мрежата.
Се чини дека, покрај сè, Лејди Гага се забавуваше одлично, иако многумина пишуваат дека Бед Бани наводно ја поканил да биде негов гостин на сцената само затоа што му снемало идеи.
Забава
(Видео) Има 54 години, а изгледа двојно помладо: Хирурзите се во шок – не користи ботокс, филери…
Не е тајна дека познатиот пејач Рики Мартин привлекува внимание со својот изглед. За време на полувремето од овогодинешниот Супербоул, тој создаде вистински музички спектакл кој остави многумина без зборови – вклучувајќи ги и луѓето од медицинската област кои почнаа да се интересираат за неговиот беспрекорен изглед.
Иако има 54 години, пејачот изгледа двојно помладо, а пластичниот хирург Шон Мекнали ја анализираше структурата на неговото лице за да дојде до вистината!
Тој нагласи дека Мартин никогаш не бил негов пациент и дека својата проценка ја базира исклучиво на фотографии и видеа од настапи, пишува „Дејли меил“.
„Не ми изгледа како да имал големи козметички операции како што се лифтинг на лице, лифтинг на вратот или веѓите, или блефаропластика“, рече Мекнали. Сепак, две области на лицето, како што вели тој, се „значително подобрени“.
„Прво, обликот и волуменот на централниот дел од лицето“, објасни тој, додавајќи дека ова може да се постигне со дермални филери или калемење на маснотии.
Второто е подобрување на тенот и текстурата на кожата, што може да биде резултат и на употреба на филери во пределот на образите и вилицата.
„Филерите можат да помогнат во одржувањето на младешкиот изглед на лицето“, истакна тој.
Изненадувачки, тој не користи ботокс…
„Со оглед на неговата возраст и тип на кожа, тој би бил склон кон хиперпигментација, како што се старечки дамки. Очигледно презема одредени мерки на претпазливост за да го спречи тоа“, рече козметичкиот хирург.
Заклучок: Тоа е комбинација од квалитетна нега на кожата и ласерски третмани за кожа.
„Тој најверојатно користи режим на хидрохинон и поблаги типови ласери за обновување на кожата, како што се Мокси или ербиум ласери, кои се посоодветни за чувствителна и реактивна кожа“, објасни тој.
Забава
(Видео) „Како близначки“: Погледнете внимателно, тоа не е Бијонсе
Спектакуларниот Супербоул оваа година не помина без Џеј Зи и неговите деца, што сега е нивна семејна традиција. Познатиот рапер пристигна на настанот со своите ќерки Блу Ајви и Руми Картер, а постарата ќерка привлече големо внимание со својот физички изглед.
Таа толку многу личи на својата позната мајка што многумина на прв поглед се прашуваа дали со Џеј Зи е всушност Бијонсе.
Таа пристигна во лежерен, спортски стил и го покажа својот префинет вкус, исто како Бијонсе, а луѓето најчесто пишуваат на социјалните мрежи дека изгледа како сестра близначка на својата мајка.
Таа го овековечи своето присуство на Супербоул со неколку впечатливи фотографии, на кои позира во преголема јакна на Off-White, чија цена е околу 3.895 долари, или 3.280 евра, според Index.hr.
Ја дополни дизајнерската јакна со бела маица со лого и темни фармерки со широки ногавици украсени со ланец, окер чизми и впечатлив накит – ѓердани, нараквици и прстени. Косата и беше пуштена и носеше очила за сонце, поради што беше тешко да се препознае и многумина помислија дека е Бијонсе.
Ова не е прв пат Блу Ајви да го оживее стариот стил на нејзината мајка, кој очигледно многу ѝ се допаѓа. Во нешто слично беше во декември на натпревар што го гледаше со својот татко од првиот ред, но и минатата година во финалето на Супербоул, кога се појави и на теренот во друштво на својот татко и помладата сестра.
(Видео) Објавена снимка од пронаоѓањето на телото на Џефри Епстин
Британскиот „Телеграф“ објави досега невидени снимки од надзорни камери кои го прикажуваат моментот кога затворските чувари го пронашле телото на...
Американски конгресмен: Аферата Епстин може да биде крај на монархијата
Член на американскиот конгресен комитет што ја истражува аферата Епстин изјави дека скандалот би можел да означи „крај на монархијата“....
(Видео) Насилни протести во Сиднеј: Демонстрантите се судрија со полицијата
Триесет лица се уапсени, а десетици демонстранти побарале медицинска помош во Сиднеј откако избувнаа судири со полицијата поради посетата на...
(Видео) Нови детали за филмскиот напад во Италија: Разбојниците се преправале дека се полицајци
Организиран и вооружен напад врз возило за трансфер на пари беше извршен вчера утрото на автопатот SS613 што ги поврзува...
Мета и Гугл обвинети за намерно предизвикување зависност кај млади корисници
Судењето против Мета и Гугл започна во понеделник во граѓанскиот суд во Лос Анџелес, а адвокатите на тужителите ги обвинија...
(Видео) Американската војска нападна уште еден брод во Пацификот, двајца мртви
Американската војска објави на социјалната мрежа X дека извршила напад врз брод во источниот Пацифик ноќеска по централноевропско време, при...
ВМРО-ДПМНЕ избра нови претседатели на повеќе партиски комисии
На првата редовна седница на новиот состав на Извршниот комитет на ВМРО-ДПМНЕ, донесени се одлуки за кадровски освежувања и распишување...
ЕУ забранува уништување на непродадена облека и обувки
Европската комисија денеска усвои мерки со кои се спречува уништување на непродадена облека, модни додатоци и обувки, со цел да...
Даниел не се замерил со никого, мотивот најверојатно е пари, рече адвокатот на Кајмакоски кој по киднапирањето е стабилен, но под стрес
Македонскиот пејач, Даниел Кајмакоски, беше киднапиран во Белград ноќта меѓу сабота и недела, а по трауматичниот настан моментално се опоравува,...
Четворица заболени од шуга во касарната во Велес, епидемиологот Оранска рече дека болеста е донесена однадвор
Кај четворица слушатели на курсот за професионални војници во велешката касарна е потврдена шуга. Тие се пуштени на домашно лекување...
„Сите сме под стрес“: сопругата на пејачот Даниел Кајмакоски разговараше со медиумите по киднапирањето
Сопругата на македонскиот пејач Даниел Кајмакоски, Марина, се огласи еден ден по неговото киднапирање . Имено, ноќта меѓу сабота и...
Гостиварец пронашол кинески гранати под карпа покрај река
Во ОВР Гостивар вчера во 16:20 часот В.В. од Гостивар пријави дека на потегот помеѓу с. Трново и с. Железна...
За една недела, 4.991 прекршок преку системот „Безбеден град“, најмногу за брзо возење
Во периодот од 02.02.2026 до 08.02.2026 од страна на системот „Безбеден град“ на подрачјата на градовите и Коридорите каде се...
Кривична пријава за сопственик на фирма од Охрид по смртта на негов вработен, не му обезбедил соодветна обука
СВР Охрид поднесе кривична пријава против С.М.(43) од Охрид и против правен субјект со седиште во Охрид, поради постоење основи...
ОЈО ГОКК: Се разменуваат информации со српското обвинителство за да се утврди евентуална поврзаност на двата случаи и потеклото на марихуаната
Во рамките на опсежната акција што се спроведува изминатиот период, а во која до сега се запленети над 40 тони...
Министри и градоначалници на средби со високи претставници на УНЕСКО во Париз, ќе се разговара за статусот на Охрид
Делегација на Владата во состав: заменик-претседателот на Владата и министер за транспорт, Александар Николоски, министерот за надворешни работи и надворешна...
Утре ССМ ќе го блокира Собранието: Најмалку 250 евра за пратениците, а ни 25 за работниците е срамно
Сојузот на Синдикатите на Македонија (ССМ) денес испрати уште еден повик до работниците утре во 9 часот да излезат на...
„Немирната совест го натера Заев на панични реакции“, велат од ВМРО-ДПМНЕ
„Заев, основачот на марихуана бизнисот во Македонија, не спие мирно. Немирната совест го натера Заев на панични реакции уште во...
Врските на Епстин со Силиконската долина биле многу повеќе од комуникација само со Гејтс и Маск
Најновото објавување на милиони документи од Министерството за правда на САД поврзани со осудениот педофил Џефри Епстин фрли нова светлина...
Празната украинска амбасада во Москва казнета поради неплаќање струја
Московскиот суд ѝ наложи на украинската амбасада во Русија, која е затворена од почетокот на руската инвазија во февруари 2022...
