Забава
Tом Харди е новиот Џејмс Бонд, тврдат медиумите

Том Харди, наводно, е избран како следен Џејмс Бонд кој ќе го замени Даниел Крејг по „Не е време за умирање“, објави весникот „Дејли експрес“ повикувајќи се на извор близок до продукцијата.
Тој во последните неколку години беше еден од главните фаворити во обложувалниците. А сега, британскиот таблоид цитира извор дека Том Харди ќе биде новиот 007, замена за Крејг, кој реши да се откаже од оваа улога. Сепак, ова не е официјална потврда и затоа таквото тврдење треба да се земе со мала резерва.
И други таблоиди тврдат дека уште во јуни се знаело дека Харди ќе ја добие улогата на славниот британски агент по успешната аудиција.
„Не е време за умирање“ првично требаше да почне да се прикажува во април, но, како и многу други високобуџетни филмови, премиерата беше одложена поради светската здравствена криза. Според последната најава, филмот ќе почне да се прикажува во киносалите во ноември, односно премиерата во Велика Британија е презакажана за 12 ноември, а онаа ширум светот за 25 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Почина Габи Новак

Легендарната хрватска пејачка Габи Новак почина на 89-годишна возраст, објавија хрватските медиуми.
По загубата на сопругот Арсен Дедиќ, кантавтор и композитор, со кого беше во брак повеќе од четири децении, на 17 август 2015 година, Габи Новак се соочи со уште една тешка лична трагедија на почетокот на јуни оваа година – смртта на нивниот син Матија Дедиќ, еден од најистакнатите хрватски џез-пијанисти, кој почина на 8 јуни во Загреб на 52-годишна возраст.
Таа целосно се повлече од јавниот живот пред смртта.
Во текот на богатата кариера таа снимила голем број албуми и синглови и соработувала со врвни композитори и музичари. Нејзините уметнички достигнувања се потврдени со многубројни награди, меѓу кои и неколку „Порин“ – во 2002 година за најдобра џез-изведба, во 2003 година за албум на годината, најдобар женски вокал, најдобар поп-албум и најдобра вокална соработка, а во 2006 година ја доби наградата „Порин“ за животно дело.
Габи Новак честопати е нарекувана прва дама на хрватската поп-музика, а нејзината интерпретација, емоционален израз и уметнички стандард оставија траен белег врз музичкото наследство на Хрватска и поширокиот регион.
фото: принтскрин
Забава
(Фото) Беше омилена пејачка во 2000-тите, а потоа исчезна: денес шокира со својот изглед

Пејачката Нели Фуртадо ја освои музичката сцена во 2000-тите. Хитовите како Maneater, Say It Right, Showtime и други ја одбележаа младоста на многу генерации.
Сепак, канадската пејачка одеднаш исчезна од сцената. Според странските медиуми, таа се посветила на своето семејство, но и на себеси. Се здебелила неколку килограми, но тоа не ја спречува, како што еднаш истакна, да биде среќна.
„Веќе не си одземам храна и вежбам за да останам здрава“, објасни таа признавајќи дека на почетокот на кариерата многу повеќе се грижела за својот изглед.
„Морав да бидам убава за другите, а не за себе. Фотографиите и видеата мораа да бидат совршени, а внатре буквално умирав“, рекла еднаш.
Денес, Нели Фуртадо ужива во животот, а неодамна настапи на фестивалот „Бордмастерс“ во Корнвол. Таа ја искористи можноста да отпее некои од своите најголеми хитови, но и да му покаже на светот колку се сака себеси.
За таа пригода таа носеше маслинесто-зелен комбинезон, кој ѝ ги истакнуваше сите облини на нејзиното тело. Додаде и крзнен детаљ, како и сребрени моменти. Косата ја стилизира на наједноставен начин.
Се чини дека вишокот килограми конечно ја ослободи Нели од оковите на перфекционизмот. Денес, таа изгледа посамоуверено, а овие фотографии на кои таа се смее се доказ за тоа.
фото: принтскрин
Забава
(Видео) Ана Ивановиќ не престанува да ги воодушевува обожавателите со својот изглед

Ана Ивановиќ не престанува да ги воодушевува своите следбеници на социјалните мрежи, а сега ѝ се придружи и нејзината кума Мирослава Најдановски.
View this post on Instagram
Прославената тенисерка Ана Ивановиќ неодамна и официјално стана слободна жена откогаа нејзиниот адвокат потврди дека разводот од Бастијан Швајнштајгер е конечен.
Во меѓувреме, поранешниот германски фудбалер ужива во животот со новата девојка, а нивните фотографии бргу станаа вирални.
View this post on Instagram
Од друга страна, Ана ужива со стил и се труди најмногу што може да ја задржи препознатливата насмевка на лицето.
Ана веќе некое време е поактивна од кога било на „Инстаграм“, но оваа најнова објава е можеби најубава од сите. Таа позира со својата кума, српската пливачка Мирослава (Миња) Најдановски, и буквално е невозможно да се каже која е поубава.
View this post on Instagram
Ана позира во долг бел фустан со резови на стомакот и од страните, а го надополни со очила за сонце и со едноставна огрлица. Уште еднаш ни го покажа совршениот летен фустан, кој е истовремено разигран и елегантен.
„Ана, блескаш како секоја жена по развод“, „Кукли“, „Прекрасна си“, беа некои од коментарите.
фото: принтскрин