Забава
Тргна по лоз за најголемата премија во историјата и пропадна в земја
Воопшто среќа немал еден тексашанец кој тргнал да купува лоз за американската лотарија Powerball на која главната добивка изнесува 1,5 милијарди долари, најголема во историјата којашто ќе се извлекува во средата навечер.
Мажот на возраст од 67 години од Форт Ворт тргнал во продавница надевајќи се дека ќе ја освои астрономската премија, но наместо тоа пропаднал во земја, завршувајќи во јама исполнета со вода на едно градилиште, објави локалната полицијата.
Загриженото семејство го пријавило неговото исчезнување кога паднала ноќта и во текот на потрагата еден полицаец забележал отвор во земјата и открил дека мажот по кого трагаат е на дното од јамата длабока два метра.
На мажот му е пружена помош и потоа е извлечен на површината. Неговиот идентитет не е објавен.
„Благодарејќи на брзата реакција мажот, може да се каже, дека навистина ја освои најголемата можна добивка“, објави на Facebook полицијата од Форт Ворт.
Главната добивка на лотаријата Powerball продолжи да расте и на денот на извлекувањето порасна на повеќе од 1,5 милијарди долари, што предизвика незапаметена возбуда ширум САД.
Добитната комбинација од бројки 5+1 никој не ја погоди повеќе од два месеца, од 4-ти ноември, иако извлекувањата се одржуваат двапати во седмицата, во среда и саботата Износот за џекпотот уште кон крајот на минатата седмица го обори светскиот рекорд, искачувајќи се на 950 милиони долари.
Иако можноста за добивка е извонредно ниска, 1 наспроти 292 милиона, веќе со седмици трае опсадата на местата на кои се продаваат лозовите, а неретко во непрегледните редови може да се видат и Канаѓани и Мексиканци, коишто во соседната држава дошле само за да ја уплатат својата лото комбинација.
Според стандардната методологија на американската лотарија, победникот, доколку побара еднократна исплата,ќе добие 930 милиони долари, а полниот износ би го примал доколку се одлучи на рати во следните 29 години.
Последен пад екстремно голема добивка на лотаријата Powerball се падна кон средината на февруари 2014 година и изнесуваше 425 милиони долари, а лозот беше уплатен во Сан Франциско, а добитникот сакаше да остане анонимен.
Во јуни 2013 година 84-годишна жена од малото гратче Зефирхилс на Флорида стана добитник на рекордната премија во историјата на оваа лотарија што ја освои едно лице во износ од 590,5 милиони долари но подигна 370,8 милиони долари.
Најголемиот џекпот на Powerball, инаку, во износ од 656 милиони долари се падна во март 2012 година, но тогаш оваа премија ја поделија три лица од сојузните држави Илиноис, Канзас и Мисури./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Кипар избра претставник за Евровизија: таа се натпреваруваше во популарно ријалити шоу
Кипар го откри својот претставник за претстојниот Евровизиски натпревар – тоа е 29-годишната Антигони Бакстон, британска пејачка со кипарско-грчки корени. Дел од публиката ја памети и од нејзиното учество во едно од најгледаните британски ријалити шоуа, „Love Island“.
Антигони ќе се претстави на Евровизискиот натпревар со песната „Jalla“, која веќе привлече големо внимание на социјалните мрежи.
Станува збор за брза, танцувачка композиција која ги комбинира традиционалните кипарски музички елементи со модерен, силен ритам и продукција. Самиот наслов на песната доаѓа од кипарскиот дијалект и значи „повеќе“, и токму оваа енергија – повеќе ритам и танц – ја провлекува целата песна.
Стиховите зборуваат за прослава и танцување „на масите“, поканувајќи ја публиката да се препушти на забавата.
Спотот снимен на Кипар, дополнително ја нагласува автентичноста на песната. Комбинира современа естетика со сцени што го истакнуваат карактерот на островот, неговиот секојдневен живот и неговиот темперамент.
Забава
(Видео) Емили Ратајковски позираше во чипкан градник
Познатата манекенка, Емили Ратајковски, повторно ја воодушеви својата армија обожаватели со провокативни снимки, исто како што тоа го прави со години.
Емили е една од ретките познати дами кои објавуваат различни снимки без двоумење, а обично е оскудно облечена во секоја објава, а понекогаш дури и гола.
Во пресрет на Денот на вљубените, излегува видео од прекрасната Емили, во соработка со брендот Lounge. Моделот позираше заводливо во градник од чипка, што дефинитивно не остави многу простор за имагинација.
Иако многумина очекуваа да видат подеднакво провокативна долна облека, со оглед на тоа што сите веќе знаат колку Емили ги сака тангите, овој пат таа беше во фармерки.
Нејзините очи нагласени со ајлајнер и природен кармин на усните комплетираа сè, а манекенката повторно им го одзеде здивот на мажите со ваквите изданија.
Забава
Велат дека изгледаат како „мајка и син“, но тие се сакаат лудо: „Беше многу болно“
Поранешната мисица Пријанка Чопра (43) ужива во хармоничен брак со Ник Џонас (33) осум години, барем така се мислеше претходно, а секој пат кога се појавуваа заедно беше вистински празник за очите. Сè додека гласините за проблеми во бракот и потенцијален развод не станаа почести.
Пријанка и Ник се родители на девојче, Малта, и ако може да се верува на најновото интервју дадено од една од најубавите жени на светот, сите гласини се само обични лаги.
„Заедно сме осум години. Ако луѓето сè уште сакаат да чекаат сè да се распадне, тоа е нивен избор. Веќе не размислувам за тоа“, изјави таа за Variety.
Со оглед на тоа што Пријанка е десет години постара од Ник, можно е ваквите гласини да започнале поради таа разлика, со оглед на тоа што понекогаш погрдно ги нарекуваат „мајка и син“ на социјалните мрежи.
„Мислам дека работата е во тоа што доаѓаме од различни култури, различни земји, различни религии, разлики во возраста. Беше многу болно. Не обрнувавме внимание на тоа што другите зборуваа, наместо тоа само се гледавме и си мислевме ‘не е важно’. Денес, никакви коментари не влијаат врз нас“, истакна кралицата на убавината.
Пријанка Чопра и Ник Џонас се венчаа по само шест месеци врска, што од оваа перспектива можеше да биде лош потег.
„Кога се омажив за него, не бев ни сигурна дали дел од него е вистински. Мислев дека е лудо и дека глуми, но Ник е целосно искрен и тоа ме инспирира секој ден. Тој е секогаш ист“, заклучи Пријанка.

