Здравје
Играта „Sea Hero“ доведе до епохално откритие во однос на деменцијата
Воведена од Дојче Телеком во мај оваа година, играта за мобилни телефони „Sea Hero Quest“ поставува нови стандарди во истражувањето на деменцијата.
Играта е развиена во соработка со University College London, University of East Anglia, Центарот за истражување на Алцхајмеровата болест и дизајнерите на играта од Glitchers. До денеска, околу 2,5 милиони луѓе играле „Sea Hero Quest“, на тој начин креирајќи го првиот глобален стандард за човечката навигација во просторот. Тоа е признаено како клучен чекор во развојот на нови алатки за рано дијагностицирање на деменцијата. Играта Sea Hero Quest ги тестираше способностите за навигација во просторот на луѓето од сите возрасти и полови низ целиот свет. Истражувачкиот тим ги презентираше првичните наоди од анализата на комплетот податоци генерирани од играта на водечката глобална конференција, Neuroscience 2016 во Сан Диего.
И Македонски Телеком како дел од Групацијата Дојче Телеком има голем придонес во севкупните резултати на „Sea Hero Quest“. До сега, 20.508 граѓани од Македонија ја симнале играта.
Играта „Sea Hero Quest“ на Дојче Телеком е директен пример за културата на компанијата за дигитална одговорност и за лидерство во иновациите. „Милиони луѓе обезбедија податоци за да помогнат во борбата против деменцијата. Овој огромен број на податоци, од безбеден cloud, ни помогна да им обезбедиме на научниците материјали кои им се итно потребни за врвно истражување, изјави Тим Хотгес, ГИД на Дојче Телеком.
Првичните наоди од анализата укажуваат дека нашите способности за навигација во просторот почнуваат да опаѓаат од почетокот на зрелоста (анализата на примерокот започна со лица на возраст од 19 години) и дека тие продолжуваат по оваа траекторија во текот на целиот живот (на пример, оние на 19 годишна возраст имале 74% веројатност точно да ја погодат целта во текот на играта, додека оваа бројка се намалува на 46% кај оние на возраст од 75 години). Овој напредок е во целосна спротивност со претходните студии од помал обем (големина на примерокот од околу 100) кои претходно сугерираа дека такво опаѓање се очекува во подоцнежниот живот.
Наодите укажуваат дека оние области во мозокот кои се суштински за процесите на навигација можат да бидат поподложни на деменција од областите кои ја контролираат меморијата. Затоа, сега станува возможно да се дијагностицира почетокот на деменцијата кај пациентите многу порано пред тие да појават какви било знаци на губење на меморијата. Со тоа, ќе се овозможи дијагноза и третман на пациентите многу порано со идни фармаколошки и нефармаколошки терапии.
При анализата на завршените „нивоа со испукување ракети“ (способност за севкупен увид на патеката со која се оценува способноста на играчот да посочи каде е почетокот на новата рута) во играта, мажите и жените покажаа дека користат различни стратегии за навигација во просторот за да го завршат нивото. Исто така пронајдени се клучни разлики кај народите од нордиските земји (Финска, Шведска, Норвешка, Данска) кои имаат особено забележливи способности за навигација во просторот во групата од 193 народи во светот кои учествуваа во примерокот.
Оваа инцијатива, за само неколку месеци, обезбеди најголем збир на податоци од ваков вид кои некогаш биле собрани. Сложените дигитални податоци кои ги генерира играта се чуваат на cloud кој потоа обезбедува основа за подредување и анализирање на податоците. Од тој извор, податоците им се ставаат на располагање на научниците. Cloud технологиите и даваат моќ на дигитализацијата, а дигиталните технологии се многу ветувачки за здравствениот сектор.
„Нашето дигитално искуство, комбинирано со научното знаење и искуството на нашите партнери, овозможија да се направи голем чекор напред во истражувањето на деменцијата. Првичните резултати од овој проект потврдуваат дека одиме во вистинската насока. Истражувањето е најефикасно кога е овозможено од иновативна меѓусекторска соработка како што е оваа. Сега со задоволство објавуваме дека го направивме овој чекор напред и сега работиме со научниците за да го адаптираме Sea Hero Quest за употреба во клинички услови“, нагласи др. Аксел Вемајер, Извршен директор на Telekom Healthcare Solutions.
Како дел од овој следен чекор, „Sea Hero Quest“ сега може да се користи како поддршка на раната дијагноза на деменција, како и за да влијае на третманот на пациентите со деменција. Во текот на процесот, играта за мобилни телефони исто така ќе се искористи за да се мерат потенцијалните подобрувања на способностите на пациентите за навигација во просторот. Воведувањето на „Sea Hero Quest“ во клинички услови овозможува мерење на потенцијалните подобрувања на способностите за навигација во просторот. Затоа, потенцијално може да се користи во тестирање на лекови за да се оцени ефективноста од третманите со лекови.
Треба уште да се направат понатамошни анализи кои се очекува да завршат за две години. Понатамошните анализи на истражувањето исто така ќе оценуваат шест други демографски податоци кои беа следени од играта, вклучувајќи ги нивото на образование, која рака повеќе се користи, само-оценетата способност за навигација во просторот, географското опкружување во кое пораснале играчите, колку часови спијат и времето кое го поминуваат во патување во текот на денот. Влијанието од ова истражување сега изгледа подготвено за да направи вистински напредок во борбата против деменцијата која е светска епидемија којашто е предвидено дека ќе погоди 135 милиони луѓе до 2050 година.
Играта и понатаму ќе биде достапна за преземање од App Store и Google Play, а податоците ќе се доставуваат до научниците кои ја истражуваат деменцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Дали водата пред јадење навистина помага во слабеењето?
Ако некогаш сте се обиделе да ослабите, веројатно сте го слушнале познатиот совет: „Испијте чаша вода пред оброк, на тој начин ќе јадете помалку“.
На прв поглед звучи логично – водата може делумно да го наполни желудникот, да создаде чувство на ситост и на тој начин да ни помогне да јадеме помалку храна. Но, дали е навистина ефикасна или е уште еден популарен мит?
Според д-р Роберт Х. Шмерлинг, професор на Медицинскиот факултет „Харвард“, иако тврдењето има смисла, научните докази се мешани – и најчесто се ограничени на мали краткорочни студии.
1. „Ако се чувствуваме сити, ќе јадеме помалку“
Да, водата може привремено да го прошири нашиот желудник и да испрати сигнал до нашиот мозок да го забави јадењето. Но, тоа не се претвора автоматски во губење на тежината. Според д-р Шмерлинг, „Водата пред оброк нема да ве натера да ослабите, но може да ви помогне да јадете повнимателно и да не се прејадувате. Можеби ќе седнете на масата веќе делумно сити“.
Дополнително, експертите за долговечност советуваат дека е подобро да се пие вода пред или по оброците, а не за време – за да не се разредат дигестивните ензими.
Забавен факт: Една студија покажа дека постарите испитаници, кои пиеле вода пред оброците, примале помалку калории. Други истражувања покажуваат дека луѓето на нискокалорична диета изгубиле повеќе тежина со вода пред оброците отколку без неа, но овие студии биле краткотрајни.
2. „Пиењето вода согорува калории“
Идејата е следна: кога пиеме ладна вода, телото мора да ја загрее до телесната температура – и за тоа користи енергија. Овој процес се нарекува термогенеза.
За жал, иако некои истражувања претходно го потврдија ова, поновите студии не пронајдоа силни докази дека водата (дури и ладната вода) значително го зголемува согорувањето калории. Значи, не, нема да ослабите само со пиење вода и лежење на каучот.
3. „Не сте гладни – жедни сте“
Оваа популарна теорија, особено на „Тик-ток“, тврди дека често ја мешаме жедта со глад. Наместо да посегнеме по ужина, можеби првин треба да испиеме чаша вода.
Сепак, како што вели д-р Шмерлинг: „Регулирањето на гладот и жедта е многу сложено и се менува со возраста. Кај постарите луѓе чувството за жед слабее, но нема убедливи докази дека луѓето често ги мешаат гладот и жедта“.
Значи, оваа теорија е повеќе симпатична идеја отколку научно докажан факт.
Заклучок
Да – водата може да помогне во губењето на тежината, но не како чудотворно решение. Ефектите се скромни и неодржливи ако не се комбинираат со здрава исхрана и физичка активност.
Како што заклучува д-р Шмерлинг: „Ако мислите дека пиењето вода пред оброците ви помага – слободно. Нема многу ризик, освен ако не се обидувате да се натерате да пиете кога не сте жедни“.
Нутриционистот д-р Монтсе Прадос додава уште една важна поента: Водата бргу се исфрла од желудникот и не го активира варењето на ист начин како храната, па затоа ефектот на ситост трае помалку отколку што мислат многу луѓе.
Во три реченици:
Водата пред оброците може малку да го намали апетитот, но не е гаранција за губење на тежината.
Не согорува значително калории, ниту ги менува вашите желби за храна.
Сепак, умереното внесување вода е здраво и корисено, само не очекувајте чуда.
Забава
Секогаш проверувајте го кремот за сончање пред да го купите: треба да побарате еден симбол
Секогаш проверувајте го кремот за сончање пред да го купите за подобро да се заштитите од штетните зраци што може да доведат до рак.
Изгореници, сончаница и дехидрација се само дел од ризиците од прекумерна изложеност на сонце без соодветна заштита. Престојот во сенка и пиењето многу вода може да помогне, но кремот за сончање со фактор за заштита од сонце, или СПФ, е сè уште најдобрата заштита, пишува „Мирор“.
Носењето СПФ е важно за заштита на вашата кожа од штетните УВ-зраци. Изложеноста на УВ-зраци без соодветна заштита од сонце може да доведе до изгореници од сонце, осип од топлина, предвремено стареење на кожата и хиперпигментација.
Во некои случаи, изложеноста на УВ-зраци го зголемува ризикот од развој на рак на кожата.
Кога купувате крем за сончање, секогаш треба да купите таков што го има симболот УВА или УВБ. Во кругот треба да има ѕвездички, а бројот на ѕвездички ќе ви го каже нивото на заштита.
Кремовите за сончање се оценуваат од една до пет ѕвездички врз основа на нивото на заштита што го нудат, при што пет, се разбира, се највисока заштита.
Што е СПФ?
СПФ е кратенка за степен на заштита од штетни зраци што предизвикуваат изгореници од сонце. Тој конкретно ја мери ефикасноста на производот во намалувањето на изгорениците од сонце на вашата кожа.
Што се УВА-зраци?
УВА-зраците се штетни и имаат способност да навлезат длабоко во дермисот, слојот на кожата што се наоѓа подлабоко во телото. Овие зраци се постојано присутни во текот на денот и, иако не се веднаш видливи, нивното влијание е значајно – може да продрат низ облаци, па дури и низ стакло.
Познато е дека УВА-зраците продираат подлабоко во кожата од УВБ-зраците, што доведува до долготрајни оштетувања, како што се разни форми на рак на кожата. Тие исто така може значително да придонесат за процесот на стареење, со тоа што предизвикуваат брчки и сончеви дамки.
Што се УВБ-зраци?
УВБ-зраците главно се апсорбираат од епидермисот и горните слоеви на дермисот на кожата. Овие зраци се одговорни за изгореници од сонце и црвенило на кожата. Иако не продираат толку длабоко како УВА-зраците, тие се еднакво штетни. УВБ-зраците значително придонесуваат за развој на рак на кожата, вклучувајќи меланом, а исто така го забрзуваат стареењето на кожата.
Важно е да се напомене дека перципираното ниво на заштита што го обезбедува еден производ може да биде погрешно. На пример, крем за сончање со низок СПФ може да има повеќе ѕвездички што укажуваат на високо ниво на УВА-заштита.
Сепак, ова не е толку точно како кремовите за сончање што имаат наведени и УВА и УВБ-фактори за заштита.
Забава
Нова летна диета: ги држи килограмите подалеку од вас и го зајакнува имунитетот
Летото нè потсетува дека претстојат многу топли денови, дека ќе носиме полесна облека и затоа е потребно нашите тела да бидат во добра форма.
Со новата летна диета ќе го изгубите вишокот килограми, ќе го зајакнете имунолошкиот систем и, најважно од сè, ќе заборавите на заморот. Оваа диета може да трае од една до три недели.
Се препорачува да пиете голема чаша вода наутро по станувањето и чаша млеко навечер пред спиење.
Летно диетално мени
Понеделник:
Појадок: сезонска овошна салата, јогурт со ниска масленост, овес и мед
Ужина: 1 интегрален тост со сирење
Ручек: сезонска зеленчукова салата
Ужина: 1 чаша јогурт со ниска масленост, 1 јаболко
Вечера: 1 варено јајце, 100 г сирење, 1 чаша зелен чај
Вторник:
Појадок: 1 чаша билен чај, 1 интегрален тост со сирење
Ужина: 1 чаша јогурт со ниска масленост со лажичка мед
Ручек: салата од сезонски зеленчук, 2 варени компири
Ужина: 1 чаша зелен чај
Вечера: 300 г говедско месо, 200 г варен зеленчук
Среда:
Појадок: 1 чаша билен чај, тост
Ужина: 1 варено јајце
Ручек: 1 чаша крем супа од печурки
Ужина: сезонска овошна салата, јогурт со ниска масленост, овес и мед
Вечера: салата од сезонски зеленчук, 1 чаша сок од портокал
Четврток:
Појадок: сезонска овошна салата, јогурт со ниска масленост, овес и мед
Ужина: 1 чаша јогурт со ниска масленост
Ручек: сезонска зеленчукова салата, 1 варено јајце
Ужина: 1 чаша зелен чај
Вечера: 300 г печена риба, 1 чаша сок од јаболка
Петок:
Појадок: 1 чаша билен чај, интегрален тост со сирење
Ужина: 2 варени компири
Ручек: сезонска зеленчукова салата
Ужина: 30 грама ореви
Вечера: 100 грама варен ориз, 200 грама печено пилешко
Сабота:
Појадок: 50 г сирење, 1 рендан морков
Ужина: 1 шолја зелен чај
Ручек: сезонска овошна салата, јогурт со ниска масленост, овес и мед
Ужина: 1 јаболко
Вечера: 200 г варен зеленчук
Недела:
Појадок: 1 чаша билен чај, 1 интегрален тост со сирење
Ужина: 2 варени компири
Ручек: 300 г говедско месо, варено јајце
Ужина: 1 чаша сок од портокал
Вечера: сезонска овошна салата, јогурт со ниска масленост, овес и мед.
Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник
Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...
Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава
Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...
Трамп остро му одговори на Маск: Без субвенции, би се вратил дома, во Јужна Африка
Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...
Маск жестоко го нападна законот на Трамп: „Ќе изгубат, дури и ако ми е последно“
По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...
Трамп потпиша укинување на санкциите против Сирија
Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се...
Палестинците во Газа протестираа со фотографии од убиени израелски деца
Група Палестинци во Појасот Газа покажаа слики од израелски деца убиени од Хамас на 7 октомври 2023 година, за време...
Мицкоски-Кос: нагласена определбата на Владата за интеграција во ЕУ, достоинствено и преку спроведување на суштински реформи
Премиерот Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во...
Достапни се лековите за третман на онколошки заболувања, сите пациенти ја добиваат потребната терапија, вели директорот
Од Клиниката за радиотерапија и онкологија информираат дека сите пациенти ја добиваат потребната терапија и дека се достапни лековите за...
Нема повредени лица во запалениот глисер во Охридското Езеро
Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...
(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина
СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...
Директор и вработени во Општината и во Министерството пустошеле во Националниот парк Маврово, заработиле над 3 милиони денари
Полицијата поднесе кривична пријава за вработен во Општина Маврово Ростуше, директор во ЈУ Национален парк Маврово, раководител на одделение за одржливо...
Пожар на глисер во Охрид
Утрово се запали глисер во Студенчишкиот Канал во Охрид. Според првичните информации, пламенот се појавил кога сопственикот го стартувал моторот,...
Муртезани: 150 институции и над 800 експерти ќе учествуваат во подготовката на преговарачките позиции со ЕУ
Пред една година започнавме со јасна цел: да ѝ дадеме нов импулс на европската агенда на земјава. Денес, по 12...
Опасен пожар во близина на границата со Грција: се слуша пукање од муниција, постои опасност од неоткопани гранати
Пожар се шири во близина на границата со Грција. Од Центарот за управување со кризи велат дека пожарот се развива на...
Латас го спомена таткото на Костадин Костадинов, па доби закана: „Цела фамилија те чекаме, со наш суд“
Навреди и закани помеѓу Драган Павловиќ-Латас и струмичкиот градоначалник од СДСМ, Костдин Костадинов, откога новинарот во јавно излагање на поткаст...
Десетгодишно девојче од Македонија се удави во Италија
Десетгодишно девојче од Македонија се удави во реката Пјаве, во близина на Тревизо. Како што јавуваат италијанскитее медиуми, девојчето се...
Полицијата во Белград ги отстрани блокадите: оштетено полициско возило, повеќе уапсени
Српското Министерство за внатрешни работи објави дека полицијата ги отстранила сите блокади на патиштата во Белград во текот на ноќта....
(Видео) Маж намерно запалил пожар во Ајдахо, па убил двајца пожарникари: пронајден мртов
Двајца пожарникари беа застрелани и убиени додека се бореа со шумски пожар во северниот дел на Ајдахо, соопшти канцеларијата на...
Кремљ: Брзината на преговорите за завршување на војната во Украина зависи од ставот на Киев
„Брзината на преговорите за завршување на војната во Украина зависи од позицијата на Киев, ефикасноста на американското посредништво и ситуацијата...
Зголемена фреквенција на возила на граничните премини Табановце и Богородица
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
