Легендарниот Мајк Тајсон и јутјуберот Џејк Пол се измерени пред мечот во Арлингтон, Тексас.

Тајсон (58) тежеше 103,6 килограми, додека 27-годишниот Пол беше нешто полесен со 103,056.

Во текот на соочувањето, инфлуенсерот го згазна поранешниот светски шампион по што доби шлаканица.

„Приказната е завршена“, изјави Тајсон кој последната борба ја имал пред 19 години.

„Тој е луто мало луто елфче. Сега е лично, ќе мора да умре“, објави Пол во сензационалистичка изјава дека има намера да го „уништи“ поранешниот апсолутен шампион, чиј професионален скор е 50-6, 44 победи се со нокаут.

Очекувано, мечот на борбата меѓу Тајсон и речиси три децении помладиот Пол наидува на голем број критики.

„Оваа борба е опасна, неодговорна и не го почитува боксот“, изјави британскиот промотер Еди Херн.

😲😱😱

Whose side are you on tomorrow night? @jakepaul x @MikeTyson

🎥: @jakepaul #PaulTyson pic.twitter.com/uO57bnglC5

— PFL (@PFLMMA) November 15, 2024

Фото/ ffm.mk

Фудбалската репрезентација на Македонија го потврди пласманот во Б-дивизијата во Лигата на нации. Во претпоследното коло, во Ц-дивизијата во групата 4, Македонија ја победи Летонија со 1:0.

Никола Серафимов го постигна единствениот гол на натпреварот во 57.минута. Избраниците на Благоја Милевски ја продолжија успешната серија, по ремито кај Фарските Острови во првото коло, забележаа четири победи без примен гол.

“Им честитам на фудбалерите за трпението и решителноста, стигнавме до тешка, но сепак заслужена победа. Ја остваривме најважната цел, а тоа е пласман во Б дивизијата. Знаев дека ова ќе биде поразличен натпревар од тој во Рига, но стигнавме до победата, иако можеби требаше да постигнеме уште некој гол, за порано да ја потврдиме. Тешко е напаѓачите да дојдат до израз кога играте против екипа со толку густа одбрана, рече селекторот Милевски.

Во недела (15 часот), во последното коло, во Скопје ќе гостува репрезентацијата на Фарските Острови.

Италија и Франција си обезбедија место во четвртфиналето, во А дивизијата во Лигата на нации. Во групата 2, во претпоследното коло Италија во Брисел ја победи Белгија, а Франција ремизираше со Израел.

Италија на гостувањето во Белгија победи со голот на Сандро Тонали во 11. минута од натпреварот. Во манир на напаѓач, Тонали беше на вистинското место во вистинско време кога одбиената топка од непосредна близина ја смести во празениот гол.

Во истата група Франција во Париз одигра без голови со Израел. Ова е прв бод за Израел во овој циклус, во Лигата на нации. Извесно е дека Израел ќе се врати во Б дивизијата.

Французите и на овој натпревар играа без Килијан Мбапе. Во Франција се уште се шпекулира за причините зошто напаѓачот на Реал го нема во националниот тим.

Мбапе моментално е под истрага за наводно силување, а наводно е во конфликт и со селекторот Дидие Дешамп.

Натпреварот против Израел го следеа само околу 15 илјади навивачи на „Стад де Франс“, кој има капацитет од 80 илјади седишта.

Причина е бојкотот на голем дел од навивачите во Франција во знак на протест против израелската војна во Газа. Овој натпревар беше проследен со засилени безбедносни мерки поради ризикот од конфликт меѓу израелските навивачи и локалното муслиманско население.

Во следното коло, в недела на 17 ноември, Италија на „Сан Сиро“ ќе ја пречека Франција во меч кој ќе го реши победникот во групата.