Аргентина го доживеа вториот пораз во квалификациите за пласман на Светското првенство, а во исто време Бразил одигра нерешено во Венецуела.

По неуспехот против Колумбија во второто коло, „гаучосите“ во 11.коло загубија во Парагвај со 2:1.

Парагвај првпат по 2009 година успеа да слави во меч против Аргентина.

И покрај овој пораз, Аргентина останува на врвот на табелата со три бода повеќе и натпревар повеќе од Колумбија, која допрва треба да одигра натпревар во 11. коло, каде што ќе се сретне со Уругвај.

Аргентина поведе во 11. минута преку Лаутаро Мартинез, кој ја доведе својата репрезентација во водство со додавањето на Енцо Фернандез.

Но, само осум минути подоцна беше виден најубавиот момент на натпреварот, Густаво Веласкез нафрли од десната страна, а Антонио Санабрија фати ножички и од десетина метри го совлада официјално најдобриот светски голман Дибу Мартинез.

Победата Парагвај ја обезбеди во 47.минута, кога Омар Алдерете со глава ја упати топката во голот по центаршутот на Диего Гомеш.

Бразил не успеа д слави во Венецуела и остана втор на табелата со 17 поени.

Бразил имаше поконкретни можности, водство, дури и пенал за, победа, но Венецуела одолеа и му одзеде два бода на фаворитот.

Бразил поведе во 43. минута, кога Рафиња, кој првпат ја носеше „десетката“ со помош на стативата постигна феноменален гол од слободен удар.

Венецуела израмни уште во првата минута од продолжението, а голот го постигна Теласко Сеговија.

Бразил можеше да дојде до ново водство во 62. минута, но пеналот на Винисиус го одбрани Рафаел Ромо.

Капитенот на Манчестер Јунајтед, Бруно Фернандеш изјави дека новиот тренер Рубен Аморим доаѓа во вистонско време за да внесе нова енергија во клубот. .

Аморим официјално го презеде Јунајтед во понеделникот, претходно клубот го напушти Ерик тен Хаг поради лошите резултати.

„Направи нешто посебно во Спортинг. Ги гледав скоро сите натпревари на Спортинг, Аморим е некој кој ја врати возбудата во клубот, им донесе многу добри работи и се надевам дека ќе може да го направи истото и овде. По речиси 20 години ја освоија титулата“, изјави за Фернандеш на клупската телевизија.

Тој рече дека Манчестер има различни играчи и дека поради тоа може да игра на неколку начини.

„Сигурен сум дека идејата што ја има ќе ни донесе успех, без разлика на тоа како ќе играме. За мене е важна врската што ја има со играчите. Видовме како се простија од него, начинот на кој го третираат доволно зборува за тоа колку го почитуваат. Одеше на конференции и ги бранеше по лошите резултати“, изјави Фернандеш.

Португалскиот фудбалер не постигна гол на 13 натпревари оваа сезона во кои Тен Хаг го предводеше Манчестер, а потоа погоди четири пати во пет натпревари додека Руд ван Нистелрој привремено го водеше тимот.

Аморим на 24 ноември ќе дебитира на клупата на Манчестер Јунајтед во 12. коло од Премиер лигата против Ипсвич.

Манчестер се наоѓа на 13. место на табелата во Премиер лигата со 15 бодови, додека во Лига Европа е на 15. позиција со шест бодови.

Фудбалерите на Иран ја задржаа лидерската позиција во А групата, во квалификациите за пласман на Светското првенство откако ја совладаа Северна Кореја со 3:2 (3:0).

Централна фигура на натпреварот одигран во Лаос беше фудбалерот на Интер, Мехди Тареми, кој имаше хет-трик со асистенции, но за малку ќе се претвори од херој во трагичен.

Иран одигра совршеното прво полувреме и ужасно второ полувреме. Натпреварот долго ќе го памети Тареми.

Напаѓачот на Интер најпрвион му асистираше на Гаједи во 29.минута, а потоа забележа уште две асистенции во 41. и 45.минута кога стрелец беше Мохеби

Кошмарот за тареми и Иранците започна во 52. минута кога останаа без Кализаде, кој беше исклучен, а во 56. минута Тареми си постигна автогол и ги врати играчите од Северна Кореа во натпреварот.

Три минути подоцна веќе беше 2:3, стрелец беше Ким и победата на Иранците веќе беше сериозно загрозена.

Во 67. минута, беше досуден пенал за Иран, топката ја зеде Тареми и промаши.

Во преостанетите 25 минути одбраната на Иран успеа да издржи, ги одби сите налети на Северна Кореја.

Иран во групата е прв со 13 бода, Узбекистан со натпревар помалку има 10 бода, следуваат со по четири Обединетите Арапски Емирати и Катар.