Црна хроника
Божиновски тврди дека Минчо Јорданов му дал доброволно 30.500 евра, на 9 декември ќе се соочат во судница
Сметам дека предметот против мене е политички прогон, нарачан од Никола Груевски, креатори се Сашо Мијалков и Тони Јакимовски, лица кои се осомничени и обвинети за најтешки дела против Република Македонија.
Ова е дел од одбраната на новинарот Зоран Божиновски кој е обвинет за шпионажа, уцена и злосторничко здружување како дел од случајот „Шпион“.
„Вклучен е и Љупчо Андоновски кој беше сменет од директорското место во Бирото за јавна безбедност поради соработка со Специјалното јавно обвинителство против Мијалков и Груевски. Извршители се Гордана Јанкулоска, Марко Зврлевски и Лиле Стефанова, обвинителката која избега и е скриена во СЈО. Креатор на сите збрки е истражната судијка Татјана Михајлова која сега треба да му суди на Груевски по казна“, рече Божиновски.
Тој два часа даваше одбрана, судницата ја нарече лудница, а судијката Ленка Давитковска ја нарече претставник на злосторничко здружение. Поради навредите упатени кон Судот, Божиновски во два наврата беше казнет со по 1.000 евра.
„Ќе снема струја во вашиот банкомат на 12-ти декември. Слободно казнете ме, ќе ви платат Обединетите нации“, рече Божиновски.
Новинарот кој е сопственик на весникот „Буревесник“ којшто излегуваше во електронска форма тврди дека нема ниеден доказ против него, освен изјавите на девет сведоци кои тврделе дека Божиновски ги уценувал за пари.
На следното рочиште на судењето треба да сведочи бизнисменот Минчо Јорданов, Ванчо Шехтански и Димитар Димовски. На 9-ти декември Божиновски ќе има можност да се соочи со Јорданов којшто рече дека е најконтроверзен сведок кој пред судот тврдел дека му дал од пет до 10.000 евра.
Но, Божиновски тврди дека Јорданов му дал доброволно 30.500 евра во пет наврати.
Според тврдењата на Божиновски, Јорданов му дал дел од парите во неговиот кабинет, каде Божиновски бил гостин со богата кетеринг услуга во просториите на „Макстил„. Возачот на Јорданов го вратил во Куманово и Јорданов бил пресреќен што Божиновски бил негов гостин.
Одбраната на Божиновски се темелеше на тоа дека немало ниеден доказ против него, кога, како каде и од која причина станал член на злосторничкото здружение и кој бил неговиот материјален интерес. Обвинителството, според Божиновски не дал ниеден цврст и несоборлив доказ дека поседува документи кои се класифицирани и некому ги продавал, односно дека тргувал со странски служби со тајни информации, до кои немал пристап.„Нема докази кого сум уценувал, изнудувал, на кој начин, нема фото и видео докази“, рече Божиноски.
Тврди дека ВМРО- ДПМНЕ се обиделе да го купат и во 1999 и во 2006 година кога дошле на власт. Првиот пат бил претепан, а сакале да го купат преку кумановскиот бизнисмен Драган Даравелски. Во 2006 година соработка му нудел Груевски, преку тогашниот портпарол на ВМРО-ДПМНЕ, Александар Бичиклиски.
На минатото рочиште беше прочитан обвинителниот акт во кој пишува дека Божиновски бил дел од случајот „Шпион“ и дека уценувал бизнисмени и други јавни личности, меѓу кои Драган Даравелски и Минчо Јорданов.
Божиновски беше дел од предметот „Шпион“, но постапката за него беше раздвоена бидејќи тој беше недостапен.
Во 2014 година беше донесена пресуда за овој случај во којшто се осудени главно сегашни и поранешни припадници на разузнавачката агенција, Управата за безбедност и контраразузнавање, како и Министерството за одбрана.
Осудените се товарат дека се занимавале со шпионажа, но и со уцена на влијателни личности во Македонија од кои барале пари за да не им објават детали во јавност од нивните приватни животи.
Во меѓувреме, надлежноста над предметот ја презеде Специјалното јавно обвинителство кое на јавната седница на Апелација ги отфрли сите жалби на обвинетите и единствено побара да им се намалат затворските казни на осудените. Апелациониот суд им ги намали казните на осудените, а ги пушти од притвор двајца обвинети во случајот, Миќо Насковски и Цветан Дамјановски./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.