Црна хроника
Една жртва во сообраќајката на стариот пат Охрид- Струга
Едно лице го загуби животот, а уште најмалки седум се повредени, во тешката сообраќајна несреќа што се случи денеска околу 11 часот на стариот пат Охрид- Струга во која учествувало патничко моторно возило и мини – бус на „Галеб“.
Според првичните неофицијални информации коишто ги објави Ohridnews, дошло до директен судир на двете возила, при што со тешки телесни повреди се здобил возачот на патничкото моторно возило, 26-годишна жена од струшко, која на пат кон болницата „Св. Еразмо“ починала. Од болницата ја потврдија информацијата, посочувајќи дека повредената во моментот на пристигнување не давала знаци за живот. Направени биле обиди за реанимација, но безуспешно. Во специјалната болница „Св. Еразмо“ и во општата болница во Охрид примени се возачот и повеќе патници од минибусот, сите надвор од животна опасност. Дел од нив по укажаната лекарска помош биле пуштени на домашно лекување, а едно лице од превентивни причини било задржано во болница.На местото на настанот во увид вршат истражните органи, кои треба да ги утврдат причините за несреќата./крај/мф/ффс
Извор: фото и текст Ohridnews
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.