Црна хроника
Фрленото дете со скршеници на главата, мајката на интензивна нега
Шестгодишното дете коешто неговата мајка утрово го фрли од четвртиот кат на семејниот дом во Хиподром имало скршеници на главата, а мајката која потоа се фрли се наоѓа на интензивна нега.
Од Ургентниот центар информираат дека шестгодишното дете е во постабилна состојба, но под постојан надзор на лекарите. Лекарите го следат детето, бидејќи во вакви случаи постoи можност пoдоцна да се појават и други повреди. Мајката има скршеници на повеќе ребра од двете страни и се наоѓа на интензивна нега. Според полицијата, утрово околу 9:30 часот најверојатно по семејна расправија мајка го фрли својот шестгодишен син од четврти кат, а потоа и самата скокнала. При падот, детето удрило во метална шипка, а потоа било дочекано од пожарникарите и полицајци. И покрај преговорите со мајката, подоцна и сама се фрлила и со здобила со тешки повреди. Се утврдуваат точните причини за трагедијата што се случи утрово во Хиподром./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.