Црна хроника
Тешка сообраќајка кај Ново Село, струмичко
Во петокот вечерта, тешка сообраќајка се случила на патот Струмица – Ново Село, во која еден се сдобил со тешки телесни повреди и е во животна опасност, а патниот сообраќај беше во прекин неколку часа, додека траеше увидот.
Имено, во петокот, во 22.15 часот на магистралниот пат А4 Струмица – Ново Село, на местото викано „Леонидова чешма“, се случила сообраќајна незгода помеѓу автомобил „Форд Ескорт“, управувано од Т.Т. (1971) од село Банско – Струмица, трактор „ИМТ 533“ без регистарски ознаки управуван од Т.С.(1947) од село Сушица и автомобил „Форд Мондео“ со чешки регистарски ознаки, управувано од Г.Д.(1983) од Струмица.
Во незгодата со тешки телесни повреди се здобил Т.Т., кој по укажаната лекарска помош во медицинскиот центар Струмица бил препратен во ургентен центар Скопје и се наоѓа во животна опасност, додека останатите двајца учесници се здобиле со телесни повреди и по укажаната лекарска помош се пуштени на домашно лекување.
Увид на лице место извршил јавен обвинител и екипа од полициската станица Струмица. Во времето од 22.50 до 03.00 часот сообраќајот на наведениот патен правец бил во прекин за товарни моторни возила, додека автомобилите биле пренасочени преку алтернативни патишта./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.