Македонија
Мицов: Партијата „Погреб за Македонија“ го охрабрува албанскиот сепаратизам
Единствена Македонија одржа прес-конференција за стопирањето на изградбата на првата руска црква во Скопје. На прес-конференцијата заменик-претседателот на Единствена Македонија, Стефан Влахов Мицов, рече дека владејачката партија „Погреб за Македонија“, составена од СДСМ, ВМРО-ДПМНЕ и ДУИ продолжува со скандалозните и опасни активности со кои се загрозуваат највисоките национални и државни интереси на македонската држава и македонскиот народ.
„Веднаш да кажам, пред два дена партијата „Погреб за Македонија“ донесе одлука да се стопира изградбата на руската црква во Скопје. Иако и досега во континуитет од 4 години правеше проблеми за нејзината изградба. Внимавајте добро, ова се случува веднаш по заминувањето на Александар Дугин и Леонид Савин од Македонија, кои беа во тридневна посета по покана на нашата партија Единствена Македонија. Ваквиот чекор на партијата „Погреб за Македонија“ претставува опасна провокација, која силно го вознемирува македонскиот народ бидејќи власта удри врз првата руска црква во земјата“, рече Мицов.
Од друга страна, додаде тој, ќе потсетам дека поминаа 10 дена од нашата прес-конференција на која споделивме со јавноста правосилно решение и заклучок на надлежниот инспекторат за рушење на најголемата и најскапа џамија дивоградба во Скопје изградена со пари од една радикална исламска држава. Меѓутоа, за ова од партијата „Погреб за Македонија“ целосен молк. Во овој контекст треба да се спомне и за џамијата дивоградба, која се гради на Попова Шапка на овој скијачки центар. Треба ли да потсетиме и за споменикот – орелот на УЧК во Чаир, кој исто така е дивоградба, а градоначалникот Шилегов вулгарно изјави дека баш затоа дека е дивоградба не можел да го сруши. Или, пак, за новоизградените во цела Македонија повеќе од 350 џамии, голем дел од нив исто дивоградби“.
„Значи, во Скопје и во цела Македонија може да се градат џамии и споменици дивоградби на албанското малцинство, но не може изградба на легални цркви и крстови, како овој во Бутел, со сета потребна документација. Владејачката партија „Погреб за Македонија“ во сите свои дејствја го поставува албанското малцинство надвор од македонските закони, го охрабрува неговиот сепаратизам и дозволува создавање посебна албанска „држава“ во Република Македонија“, изјави Стефан Влахов Мицов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кадровски промени на Водно, правникот Божинов и новинарот Момировски ќе раководат со претседателскиот кабинет
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски.
Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски.
Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области.
Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство.
Македонија
Вработена во МВР наплатувала по 15.000 евра за лажно посредување за социјален стан
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело измама според член 247 став 4 во врска со став 1 од Кривичниот законик.
Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови.
На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација.
Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите.
Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа.
Македонија
Отфрлени се тужбите на „Европскиот фронт“ од Уставниот суд, ќе има прегласување
До доцна во ноќта Уставниот суд расправаше по тужбите на одлуките на Државната изборна комисија – ДИК за неколку избирачки места поднесени од коалицијата „Европски фронт“. Од судот соопштија за шест одлуки според кои тужбите се отфрлени како неосновани, а тоа значи, согласно одлуките на ДИК, дека ќе има прегласување на конкретни избирачки места.
„Европскиот фронт“ имаше поднесено седум тужби на одлуките на ДИК, а Управниот суд беше ограничен со роковите за нивно решавање.
Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.
Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.