Македонија
Анкетната не може да проработи без Никола Груевски
Анкетната комисија за прислушувањето не може да проработи без претходно да биде сослушан Никола Груевски, кој своето присуство го најави за 14 декември.
Членовите на комисијата од редовите на владејачката ВМРО-ДПМНЕ, најавија дека на утрешната седница, во петок, беспредметно е да присуствуваат затоа што ќе нема што да се работи.Имено, на седницата во четврток, на дневен ред беше сослушување на Мартин Протугер, шеф на кабинетот на премиерот, и на вицепремиерот и министер за финансии Зоран Ставрески, но откако пратениците членови на комисијата, процедурално се скараа за дневниот ред, беше предложен и усвоен дневен ред со 11 гласа „За“ и 4 „против“ без воздржани на денешната седница да се предложат работни групи за посета на институции инволвирани во скандалот.Но, по паузата од речиси еден час, претседателот на Комисијата, Петре Шилегов, ја одложи оваа седница за 16 декември, што претходно пред почетокот на седницата тој и го најави. Од неговата постапка се изнервира пратеничката од ВМРО-ДПМНЕ која му забележа дека не дал збор на никој, туку само ја одложил седницата, и побара од него повторно, да побара од институциите кои веќе спровеле внатрешна истрага за случајот со прислужување, да и ги достави тие извештаи, за според тие документи да формираат прашања за сведоците. Кавгата продожи и во ходникот пред салата на Собранието каде се одржуваше седницата, по што Шилегов и Павле Саздов од ВМРО-ДПМНЕ дадоа изјави.„Пратеницитите од ВМРО-ДПМНЕ одлучија да го сменат дневниот ред, без глед на тоа што таа седница е предвидена во планот за работа на Комисијата на 16 декември. Очигледен е фактот дека некој не може да се соочи со Анкетната комисијаво смисол на содржината на прислушуваните разговори. Денеска, требаше да бидат присутни тука Протугер и Ставрески и да разговараме за она што целата јавност го слушна, а тоа е за фрлањето луѓе во ендеци и за местењето избори во Охрид на пример кога беше Протугер во прашање. Или за чоколадите на Ставрески или за стан купен на определено суштество или определени други низи на факти којшто беа предочени пред целокупната јавност. Анкетната комисија не може да биде и нема да биде партиска испостава на ВМРО-ДПМНЕ. Ќе работиме согласно деловникот, и согласно тој деловник утре очекуваме да се одржи седница или ќе направиме обид да се одржи седница за сослушување на Сашо Мијалнков и во понеделник на Гордана Јанкулоска“, рече Шилегов.Додаде дека ќе го проследат и барањето на ВМРО-ДПМНЕ да биде сослушан Никола Груевски во понеделник. Тој не очекува во петок да се појави планираниот сведок, поранешниот шеф на УБК, Сашо Мијалков. На новинарско прашање зошто не продолжија по изгласаниот дневен ред, па така 16 декември ќе останеше ден за сослушување, Шилегов рече дека „очигледно за да не го јадат вчерашниот срам за непојавувањето на сведокот се обидоа да го сменат текот на денешната седница со воведување на дневен ред за седница која јавно пред почетокот ја најавив. Не, денеска беше денот за сослушување на Мартин Протугер и Зоран Ставрески, меѓутоа некој одбра да го смени дневниот ред, а тие одбраа да не се појават“. „Нашиот прв сведок, повикан од листата на ВМРО-ДПМНЕ, премиерот Никола Груевски, ќе дојде и ќе сведочи пред оваа комисија на 14 декември, согласно деловникот почнуваме со него а редоследот на другите сведоци ќе биде по неговото сведочење“, рече Павле Саздов од ВМРО-ДПМНЕ.Појасни дека од Шилегов бараат да се обрати до оние институции коишто се инволвирани во овој скандал да побара официјални извештаи од нивна страна каде се веќе усвоени интерните истраги за да може врз основа на овие документи да поставуваат прашања на сведоците, што не им било уважено.Инаку, според Планот за работа на Комисијата се предвидува сослушување сведоци да се одвива во периодот од 7 декември до 22 јануари, а роковите од 9 до 15 декември за прва група сведоци се рокови кои Шилегов сам си ги дал, сметаат од ВМРО-ДПМНЕ. На новинарско прашање зошто Протугер избегал од денешното сведочење, Саздов рече: „Мартин Протугер не избега од денешното сослушување. Не можеше да дојде бидејќи нема утврден дневен ред. Ќе дојде кога ќе му дојде ред по Никола Груевски. Така се договорија пратеничките групи“.Појасни дека ако на пример Груевски поради обврски не можел да дојде до 25 ти, никој друг нема да дојде.„Така е согласно деловникот. Ако дојдат, во ред, ако не, ќе констатираме дека не дошле“, рече Саздов. Тој немаше информации за другите функционери од ВМРО-ДПМНЕ, покрај Груевски и Ставрески кои доставија кога можат да се појават, дали ќе дојдат да сведочат пед комисијата или не.Инаку, за прашањето за поседување безбедносни сертификати, доколку сведоците откриваат доверливи информации при сведочењето, само двајца членови на комисијата немаат, и Шилегов ги упати до службите да прашаат до каде е процедурата, а информираше дека и Собранието има технички персонал кој поседува безбедносни сертификати и очекува листа следните денови./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.