Македонија
ГДОМ продолжи со контрапротестите, бојадисан споменикот „Свиткана кичма“
Граѓанското движење за одбрана на Македонија (ГДОМ), кое како противтежа на движењето опозициското движење Протестирам, во четвртокот навечер продолжи со своите поворки низ градовите во внатрешноста, додека во Скопје подмладокот на владејачката партија како одговор на бојадисување на спомениците од Скопје 2014, изведе своевиден перформанс „Боеше во чест на Шарената револуција“.
Приврзаниците на ГДОМ и на владејачката партија ВМРО-ДПМНЕ во четвртокот вечерта, кои бараат одржување на предвремените парламентарни избори на 5-ти јуни како излез од длабоката политичка криза во земјата, во поголем број се собраа Валандово каде на чело од поворката го истакнаа транспарентот „Вака се сака Македонија, ова е Валандово“.
Како и изминатите речиси месец дена, поворки на ГДОМ под мотото „За Македонија се работи“ се одржаа во Битола и во Велес.
Претходно во центарот на Скопје, членовите на Унијата на млади сили на ВМРО-ДПМНЕ, откако во средата го „промовираа“ споменикот „Едно евро за Вицето“, алудирајќи на инкриминирачка видео снимка за наводен поткуп на челникот на опозицискиот СДСМ, во четвртокот продолжија со своите пародични перформанси, како што ја нарекуваат, „промоција на спомениците изградени од СДСМ во периодот на нивното владеење“. Така беше поставен „споменикот Свиткана кичма“ на којашто беше претставен подгрбавен опозицискиот лидер Зоран Заев, кој беше испрскан со боја.
„Сведоци сме дека во период на нивното владеење СДСМ не изгради ниту еден државен објект од национален интерес, како и ниту еден споменик во чест на одреден македонски херој. Но, затоа за нив многу говори антидржавното однесување. Ваквиот срамен однос на СДСМ кон Македонија само не потсетува на промената на знамето, како и срамната референца БЈРМ, а воедно и договарањето на федерализацијата на Република Македонија“, изјави за телевизиските екипи Сузан Хасан, член на Извршниот комитет на УМС на ВМРО-ДПМНЕ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.
Македонија
(Видео) Ковачки: Со над 800 милиони евра владата од ВМРО-ДПМНЕ ќе ги решава проблемите на земјоделците
„Благодарност за поканата на нашиот градоначалник Виктор Паунов, тука сме заедно и со кандидатот за пратеник Гордана Барбашка. Како што нашиот градоначалник работи и покрај опструкциите од централната власт, гледате дека се развива и се гради. Во иднина ние планираме да дадеме 250 милиони евра за сите општини во Република Македонија без разлика кој е на власт. Само во Карбинци ќе доделиме 1,8 милиони евра за сообраќајна и комунална инфраструктура, значи дополнително општините ќе се градат и дополнително ќе се развиваат“, рече Драган Ковачки, член на ИК на ВМРО-ДПМНЕ и носител на Изборна единица 3.
„Како што работи нашиот градоначалник во Карбинци, така ќе работиме и ние на централно ниво. Дополнително за жителите од овој крај предвидуваме над 800 милиони евра во 4 годишен мандат за земјоделците што значи реконструкција на сите водоводни канали, да го решиме проблемот со водоснабдувањето, да го решиме проблемот со загарантираниот откуп, и да го решиме проблемот со загарантираната цена. Значи ќе отвораме и нови откупни центри.
Земјоделците од овој крај заслужуваат внимание, заслужуваат да си ја работат земјата тие, а не земјата да ја поседуваат феудалци како Љупчо Николовски и сличните на него.
Македонија е одлучна за промени, Македонија сака да биде горда, и Македонија заслужува да биде повторно твоја.
Затоа ги повикувам сите граѓани на 8 мај масовно да ни се приклучат да излеземе заеднички, да ставиме крај на овие црнила и овие сивила кои ги донесоа СДС и ДУИ“, изјави Драган Ковачки, член на ИК на ВМРО-ДПМНЕ и носител на Изборна единица 3.