Македонија
Муслиу: ДУИ не ги повлече министрите за изборите да се одржат на 5 јуни
Повлекувањето на министрите од редовите на Демократската унија за интеграција, албанскиот партнер во власта, е нејасно, смета политичкиот аналитичар Алберт Муслиу, и не мисли дека тоа се прави за да се зацврсти 5-ти јуни како сигурен датум за избори, туку повеќе, за да се донесе законот за свиркачи.
„Кога се напушта владата, се бираат нови министри, а не парламент… Овој потег не повлекува автоматски нови избори… друг е механизмот. Се очекува седница на парламентот“, вели Муслиу.Појаснува дека, од искуството од првиото пролонгирање на рокот за одржување предвремени парламентарни избори, што произлегуваше од договорот во Пржино, ДУИ и Али Ахмети не би направиле вкво нешто со цел да го утврдат сега датумот.„Ова е внатрешно партиско решение. Може ќе се стават други министри. Може ќе се сменат само некои, но ова не се прави за да се надмине кризата. Што ако владата не се распушти? Не се распишуваат избори за менување влада, туку за менување состав на парламент. Ова се прави за да се заменат министри, неколку или сите и да се свика парламентарна седница за ставање на дневен ред на оваа точка“, вели Муслиу за Макфакс.Смета дека е поверојатно тоа да се направило, испровоцирано од пуштањето на снимки од прислушуваните разговори на функионери на ДУИ, што се случуваше во последниов период, и тоа снимки кои се исклучително приватни, а со цел да се охрабрат коалициските партнери да се донесе законот за свиркачи, да се послушаат препораките на Венецијанската комисија. „Исто така, деновиве имавме отворање истрага за уништување на опремата. Се бара да се дознае кој ги пушта тие снимки. Веројатно се оди на сценарио пред паламентот да се распушти, (што треба да се случи на 7-ми април, ако изборите се на 5-ти јуни), да се донесе законот за свиркачи, со кој се дефинира приватноста“, смета Муслиу.Сепак, нагласува аналитичарот, од ДУИ треба да објаснат кои им се намерите со ваквата постапка, за да не се шпекулира само.Во медиумите, во петок, дента кога министрите на ДУИ веќе ги депонираат своите оставки во Владата, се шпекулира дека ваква одлука е донесена е да се обезбеди со сигурност дека парламентарните избори ќе се одржат на 5-ти јуни. Потсетуваат дека министрите на ДУИ сочинуваат една третина од членовите на Владата, а според Уставот, ако премиерот предложи промена на најмалку една третина членови од Владата, тогаш Собранието одлучува за избор на нова влада. Бидејќи за тоа нема време, со оглед дека парламентот треба да се распушти на 7-ми април, оваа одлука на ДУИ ја толкуваат како нејзино бетонирање на датумот за избори – 5 јуни.Според други шпекулации, ДУИ е свесна дека нема услови за избори и дека на повидок е отворање можност за создавање широка влада во која ќе учествуваат четирите партии. Создавањето ново парламентарно мнозинство без ВМРО-ДПМНЕ се смета за невозможно. Она што сега е неизвесно, дали можеби постои поширок договор на ДУИ и со други партиски субјекти, преку создавање ново парламентарно мнозинство да се излезе од кризата.Павле Трајанов, пак, коалициски партнер во власта, смета дека, без да ги знае точните намери на ДУИ, сепак, добро би било доколку интенцијата би била да се формира политичко-експертска влада којашто ќе спроведе реформи неопходни за стабилизирање на состојбите во Република Македонија за деблокада на институциите во државата се со цел да се создаде позитивен амбиент за одржување фер и демократски избори.За повеќе медиуми, коментира дека има дел од обврските преземени со договорот од Пржино кои не се исполнети со што нема услови да се организираат избори на 5-ти јуни годинава.„Од тој аспект гледано сметам дека е добро доколку политичките партии започнат разговори евентуално да договорат формирање на експертска влада која ќе спроведе длабоки реформи во судскиот систем, службите за безбедност и во други сегменти вклучувајќи ги и медиумите доколку сакаме да обезбедиме кредибилни услови за фер, демократски, легитимни избори“, вели Трајанов.Артан Груби, од ДУИ, во петок, најави дека во текот на денот, со соопштение ќе бидат образложени причините поради кои албанскиот партнер во власта ги повлече своите министри.Доцна во четвртокот, Централното раководство на Демократската унија за интеграција (ДУИ) одлучи да ги повлече своите актуелни претставници од извршната власт на Република Македонија.Претседателството, исто така, ги потврди статутарните права и ги делегира сите извршни права и овластувања за донесување одлуки на претседателот Али Ахмети за да одлучи за следните чекори на партијата.ДУИ, исто така, ја информира локалната и меѓународната јавност дека ќе ги преиспита своите политики во наредните денови./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Да излеземе да гласаме, за да не можат да не’ уценуваат никогаш повеќе
Претседателот на ВМРО-ДПМНЕ, Христијан Мицкоски вечерва порача дека изборите се финална одлука за тоа дали Македонија ќе биде вратена назад на народот или ќе остане киданапирана во рацете на стотина луѓе.
„Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност. Пријатели, браќа и сестри, Нашата победа е на дофат. Но, не е доволно само да веруваме во подобро утре. Мора да дејствуваме. Мора да се мобилизираме. Мора да гласаме. За да немаат можност да нѐ уценуваат никогаш повеќе! Ве повикувам да излезете на избори со гордост и со одлучност“, порача Мицкоски.
Како што додаде, сите сме свесни во каква состојба е државата и што се случува околу нас. Оправдано, вели Мицкоски, многумина од вас велат ја изгубивме државата, затоа што гледаат дека институциите не функционираат, ја препознаваат корупцијата која е широко распространета, знаат дека политичарите не мислат на нив, туку само на себе.
„Тоа мора да престане. Мора да престанат разочарувањата и поделбите.Затоа што, има само една Македонија. Нема социјал-демократски планини, и вмро-вски реки, нема градови и села на дуи, или на алијанса и беса, или алтернатива, нема езера на левица или на Знам, тоа е една единствена Македонија. Нема социал-демократска или вмровска Македонија. Има само една Македонија. И ова е говорено многупати претходно но никој ништо не превзел. И се додека тоа не го сфатиме сите, и одговорно се однесуваме кон тоа, затоа што е крајно време, и ова е ми се чини и нашата последна шанса, се до тогаш, не е можен просперитет. Мора да сфатиме дека има само една Македонија и сите сме нејзин составен дел и дека таа не е ништо без нас и ние без нејзе, и дека од тоа каква е и каква ќе биде, зависат нашите животи и животите на идните генерации“, порача Мицкоски.
Македонија
Сиљановска-Давкова до младите: Не бегајте од Македонија, на 9 мај ќе почне нова демократска македонска историја
На 8 мај мора да ја повторите лекцијата од 24 април. Да научат како се однесува народот. Мора да им одржиме лекција дека народот легитимира, народот делегитимира. На овие избори се случува чудо, не доаѓаат само реки од народ од Македонија, туку и нашите Македонци од странство. На младите им порачувам, не бегајте од Македонија, не одете си! На 9 мај ќе почне нова демократска македонска историја. Ќе имаме нова одговорна власт, порача на митингот во Прилеп, кандидатката за претседателка поддржана од ВМРО-ДПМНЕ, Гордана Сиљановска-Давкова.
„Немојте да дозволите оние кои повикуваат на бојкот да ви го суспендираат избирачкото право. Тоа е ваше! Излезете и гласајте! Така ставате камче во новиот темел на демократска Македонија! Надежта ја гледам секој ден на лицата на младите, кај возрасните! Знаат дека се ближи ново време, ново македонско доба во која улога ќе имаат сите без оглед на припадноста. Времето на знаење, ум, креација доаѓа! Вие го направивте правиот избор на 24 април. Не се сомневам дека нема да го бојкотирате она што е ваше, избирачкото право. Сигурна сум дека ќе го направите вистинскиот избор на 8 мај. А потоа, заедно ќе го славиме Денот на победата над фашизмот. Тој ден ги обедини сите и повторно сите ќе не обедини. Ама сега за повисоки цели. За право и правда! За држава каква што заслужувате! Ве молам размислете, ние немаме друг избор. Македонија! Македонија вечна! Македонија сме ја наследиле, ќе ја оставиме на идните поколенија! Македонија горда! Како што се гордеам јас на Ченто, да се гордеете вие на вистинските чекори што сте ги направиле на 24 април и на 8 мај“, порача Давкова.
Македонија
Таравари: Ветувам дека кога ќе ја формираме Владата ќе трчаме уште посилно отколку во кампањата
„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите.
Таравари нагласи дека иако имал многу понуди од Али Ахмети, тој избрал да биде со народот.
„Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари.
Убеден во победата, Таравари рече дека Историската промена ќе остане запаметена како Револуција на светлата.
„Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово.