Македонија
Нема информации од СЈО кој и зошто е повикан на распит
Специјалното јавно обвинителство не дава никакви информации за распитите кои се водат во ова Обвинителство за објавените и необјавени прислушувани разговори, каде деновиве се појавија сегашни и поранешни министри, поранешни претеници, бизнимени и други јавни личности.
„Ве известуваме дека како што беше соопштено во овој момент нема да соопштуваме податоци за предистражните постапки кои се водат во ова јавно обвинителство“, одговараат од Специјалното јавно обвинителство на новинарските прашања дали ќе има распити, кој ќе се појави во Обвинителството, за кој случај и во кое својство.Ниту функционерите кои новинарите ги чекаат по цел ден да излезат од Обвинителството не кажуваат детали за постапката со образложение дека предистражните постапки се тајни. Специјалната јавна обвинителка, Катица Јанева во понеделникот во разговор со новинарите едиствено потврди дека и неделава ќе има распити во Обвинителството и дека се очекува неделава таму да се појават и функционери кои биле повикани претходно, но не се одзвале на поканата.Меѓу нив се споменуваше поранешниот министер за финансии, Зоран Ставрески, но нема официјална потврда дали тој ќе се појави во СЈО. Во текот на вчерашниот ден на распит во СЈО, речиси четири часа беше Министеката за култура, Елизабета Канческа – Милевска која единствено откри дека била повикана како сведок и дека била многу задоволна од поканата на СЈО за да може да потенцира законското работење на Министерството за култура. Пред нејзе од СЈО излезе бизнименот, Орце Камчев, но и за него нема информации во кое својство бил во СЈО и за кој случај. Во понеделникот се шпекулираше дека во СЈО треба да се појави поранешниот Министер за транспорт и врски, Миле Јанакиески, но не дојде. Токму Јанакиески и поранешната министерка за внатрешни работи, Гордана Јанкулоска беа помилувани за најголем број кривични дела. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маскиран со „фантомка“ влегол во казино во Лешок, репетирал автоматската пушка и украл 329.780 денари: притвор за 28-годишник
Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за разбојништво и поседување автоматска пушка.
На 24 април, осомничениот, маскиран со „фантомка“, влегол во казино во Лешок и со автоматска пушка која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.
На овој начин осомничениот сторил кривично дело – Разбојништво по член 237 став 4 во врска со став 1, како и кривично дело – Неовластено изработување, држење, посредување и тргување со оружје или распрскувачки материи по член 396 став 2 во врска со став 1 од Кривичниот законик, соопшти Обвинителството.
Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност од бегство, можност тој да влијае врз сведоците и да го повтори делото. Судот го прифати предлогот и определи притвор во траење од 30 дена.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.