Македонија
Никој не може да влијае врз работата на Специјалниот обвинител
Ниту еден јавен обвинител во Јавното обвинителство, вклучувајќи го и Јавниот обвинител на Република Македонија, не може да влијае на работата на Специјалниот обвинител, предвидува Законот за Специјалниот обвинител кој треба да го изгласаат пратениците во Собранието.
Специјалниот јавен обвинител ќе има целосна автономија и ќе работи на кривични дела поврзани и кои произлегуваат од содржината на незаконското следење на комуникациите. Обвинителката од Гевгелија, Катица Јанева, ќе треба да ги расветли случаите со прислушуваните разговори коишто ги објавуваше опозицијата, а во кои наводно се вмешани високи функционери од власта.„Јавниот обвинител има целосна автономија во истражувањето и гонењето на кривични дела поврзани и кои произлегуваат од содржината на неовластено следење на комуникациите. Ниту еден јавен обвинител во Јавното обвинителство на Република Македонија, вклучувајќи го и Јавниот обвинител на Република Македонија, не може да влијае на неговата работа, или да бара извештаи поврзани со предмети од Јавниот обвинител или јавните обвинители во рамките на Јавното обвинителство“, предвидува предлог законот.Специјалната обвинителка сама ќе ги избере своите соработници, а за функционирањето на обвинителот и неговите соработници ќе бидат одделени средства од буџетот. „Јавниот обвинител ќе предложи листа на кандидати до Советот на Јавни обвинители од редот на постојните јавни обвинители за избор во Јавното обвинителство. Советот ќе ги избере јавните обвинители во Јавното обвинителство на седница на која се присутни најмалку 2/3 од вкупниот број на членови, при што има мнозинство од гласови од членови кои припаѓаат на заедниците кои не се мнозинство“, се вели во Законот.Специјалниот обвинител ќе поднесува извештај секои шест месеци за активностите, за напредокот во која било истрага или гонење и ќе има обврска редовно да ја информира јавноста. Предлог законот предвидува обвинителката да има можност да бара меѓународна правна помош. Специјалната обвинителка, како што предвидува предлог-законот, ќе има за 10 отсто помала плата од Републичкиот јавен обвинител.Таа може да покрене обвинение или да нареди запирање на истражна постапка во период не подолго од 18 месеци од денот на преземањето на предметите и материјалите во негова надлежност.Новоизбраната обвинителка за која четирите најголеми политички партии постигнаа договор во последен момент, е шеф на Основното јавно обвинителство Гевгелија.Таа е едукатор во Академијата за судии и јавни обвинители „Павел Шатев“, а има завршено повеќе обуки, меѓу кои висока обука за борба против мафијата, корупцијата и организираниот криминал во Италија. На веб страницата на Антикорупциската комисија е објавен нејзиниот анкетен лист, во којшто на нејзино име има пријавено само возило „5ено 5 кампус“ вредно 4.000 евра, и две трансакциски сметки на кој вкупно има околу 500 евра.Другиот имот е на име на нејзините родители и нејзиниот сопруг. Според неофицијалните информации коишто ги објавија медиумите, Јанева била избрана за специјален обвинител на предлог на меѓународните посредници. Нејзиниот татко бил претседател на Гевгелискиот суд, а од медиумски експонираните случаи таа работела на случајот „Спаска Митрова“./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери