Македонија
Одложена Анкетната комисија, Ванхауте не се појави
Седницата на Анкетната комисија за скандалот со прислушувањете, повторно е одложена поради потребата за координација на членовите, затоа што белгискиот посредник Питер Ванхауте, не дојде иако беше најавен за да го прецизира гласањето на претседателот на Комисијата – една од спорните точки за членовите од ВМРО-ДПМНЕ.
Антонио Милошоски, како член на Комисијата од ВМРО- ДПМНЕ, праша дали отсуството на Ванхауте се должи на недоволната комуникација со претседателот на комисијата Петре Шилегов, или е резултат на поинакво толкување на ставовите од негова страна. Шилегов објасни дека Ванхауте не е присутен, бидејќи постои напредок во усогласувањата на ставовите на членовите на Комисијата во однос на спорните точки.„Во текот на вчерашниот ден и изутринава дојде до значителен напредок во усогласување на ставовите за одредбите од Деловникот и бидејќи е потребен уште еден извесен период за да ги надминеме во целост разликите околу содржината на Деловникот, меѓу пратеничките групи се јави потреба од дополнително време“, рече Шилегов.Спорни точки околу кои членовите на Анкетната комисија за скандалот со прислушувањето не можат да постигнат согласност се дали Комисијата може да почне да работи без присуство на мнозинството членови.Исто така, членовите на комисијата од парламентарното мнозинство стравуваат претседателот Шилегов да не ја злоупотреби положбата и нерегуларно да повика сведоци на седницата, без претходно да ги извести членовите.Парламентарното мнозинство бара да се дефинира колку пати еден сведок или експерт може да се појави, а најспорната точка е зошто претседателот на Комисијата да гласа два пати, поточно доколку за некое решение гласовите се изедначени, претседателот на Комисијата да претегне кон едно решение.Шилегов објасни дека тој како претседател на Комисијата нема да гласа два пати, туку, доколку се случи за некоја одлука членовите на Комисијата да гласаат со еднаков број гласови, тогаш последен гласа претседателот на Комисијата и неговиот глас тежнее на одлуката. Тој истакна дека неосновани се сомнежите декаќе ги злоупотребил сведоците и ќе ги повика без да знаат останатите членови на Комисијата, а во однос на тоа колку пати може да се појави некој сведок или експерт, ќе се дефинира во координациите кои членовите ќе ги имаат до понеделник. Според Милошоски, ако СДСМ има потреба од консултации, дополнителна правна помош и стручни служби може да консултира кого сака, но за одлуките на Комисијата ќе одлучуваат само избраните членови. Шилегов ја прекина седница и не дозволи понатаму пратениците од парламентарното мнозинство да реплицираат. Следната седница е закажана за понеделник./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: СДС коваат две сценарија – 1. Бојкот на избори, 2. Влада со ДУИ, и Али да одлучува кој кое министерство ќе го има
СДС знаат дека ќе изгубат катастрофално во вториот изборен круг, и наместо чесно да го прифатат поразот, тие мислат ќе го изманипулираат народот. СДС деновиве коваат две сценарија кои во суштина се завера против Македонија, велат во утринското соопштение од ВМРО-ДПМНЕ.
„Првото е сценарио на бојкот. Европјаните и демократите од СДС кои се утепаа од крадење, сакаат да бојкотираат зошто народот не ги сака и ќе доживеат тежок дебакл. Со ова сценарио сакаат свесно да предизвикаат уставна криза. Второто сценарио е пазарџиска делба со ДУИ на ресори и министерства, каде Ковачевски му оставил на Ахмети сам да одреди колку министерства ќе му даде на СДС и кои. Толку е голем очајот, што Ковачевски прифаќа се, па и сите министерства да ги води ДУИ, не сфаќајќи дека поразот е и поради тоа што партијата го изгуби идентитетот трчајќи по тоа да му се угоди на Ахмети“, велат од партијата.
„И двете сценарија кои се во план во СДС се губитнички за Македонија и удираат по нејзините темели. Решението е масовна излезност. Мобилизација и масовна излезност. Решението и за бојкотот и за пазарџиската поделба на ресори е масовно гласање на избори. Колку поголема излезност толку поголема ќе биде победата над СДС и ДУИ. И СДС и ДУИ мора да знаат две работи, првата е дека ДУИ заедно со СДС оди во опозиција. А втората е дека ќе одговораат за криминалот. Промените и победата е во рацете на народот. За да се запрат СДС и ДУИ и да нема уцени потребна е масовна излезност. За Македонија повторно да биде твоја“, се наведува во соопштението.
Македонија
Нови 27 случаи на голема кашлица, најмногу во Скопје
Нови 27 случаи на голема кашлица се евидентирани од 19 до 25 април, покажува најновиот извештај на Институтот за јавно здравје.
Според извештајот, најголем дел од случаите се пријавени во рамките на епидемијата во Скопје – 20, а пријавени се заболени и во Битола – три, Куманово – две лица и по еден случај во Тетово и Демир Хисар.
„Возраста на заболените се движи од еден месец до 54 години, а најголем број случаи се од возрасната група од 10 до 14 години. Во однос на вакциналниот статус на заболените, 15 лица се некомплетно вакцинирани, невакцинирани или имаат непознат вакцинален статус, 11 се комплетно вакцинирани и еден случај е вакциниран согласно возраст“, пишува во извештајот.
Заклучно со 25 април, во државава се регистрирани вкупно 516 случаи на голема кашлица, со инциденца од 28,1/100 000 жители. Тоа претставува неколкукратно зголемување на бројот на заболени во однос на изминатиот петгодишен период – 2019-2023 година, кога се регистрирани вкупно 10 случаи. Најголем број лица живеат во Скопје – 412 или 79,8 отсто, со зафаќање на седумнаесет различни општини. Во рамките на епидемијата во Куманово, пријавени се 29 заболени лица или 5,6 проценти, а случаи се пријавени и во други 16 градови низ државата.
254 лица се од машки, а 262 од женски пол.
„Епидемиската крива укажува дека појавувањето на нови случаи на голема кашлица започнува во првата недела од 2024 година. Согласно податоците од евиденцијата на пријавувањето – за седмодневен период од понеделник-недела, се забележува континуиран пораст на бројот случаи на неделно ниво, до 12-та недела. Од 12-та недела, со мали варијации, бројот на пријавени случаи се намалува“, се додава во извештајот на ИЈЗ.
Од заболените, хоспитализирани се 73 лица. Од нив, 59 на возраст до четири години. Најголем број од случаите – 51 или 69,9 проценти, се хоспитализирани во УК за белодробни заболувања кај деца во Козле. Од вкупниот број хоспитализирани лица, 67 се испишани. Во просек, заболените биле хоспитализирани по девет дена, покажуваат податоците на Институтот.
Од 18 јануари до 25 април годинава, дадени се вкупно 42.857 дози вакцина што содржи компонента против голема кашлица.
Македонија
ЦУК: 1.764 повици на бројот за итни случаи 112 во последното деноноќие
Центарот за управување со кризи (ЦУК) информира дека имало вкупно 1 764 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 52,44%, а 47,56% биле за други потреби на граѓаните што не биле итни. Кон Полиција биле упатени 62,93%, кон Итната медицинска помош 33,59%, а кон пожарникарите 2,32% од реалните повици кон 112 во ЦУК. Инаку, имало 842 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (1,16%) и на тие што се именувани како „неитни повици“(47,56%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
Во последното деноноќие немаше евидентирани пожари на отворен простор. Имало само урбани.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.