Лекарите и другите здравствени работници во четврток излегоа на протест во кругот на Клиничкиот центар со транспаренти „Јас сум Љубомир Огњеновиќ“ и мети на себе за да го изразат револтот од инцидентот што се случи во понеелникот на Клиниката за дигестивна хирургија кога син на пациентка го застрела хирургот Оњеновиќ.

Лекарите се револтирани од понижувачкиот статус на здравствените работници и соработници кој е резултат на долгорочните политики во здравството кои доведоа до омаловажување и деградирање на здравствените работници.Тие се надеваат дека Министерството за здравство ќе почне да ги третира како рамноправен партнер и заеднички ќе создадат здравствен систем што ќе биде пред се добар за пациентите, а потоа и за лекарите.„Се собравме овде за да му оддадеме почит и поддршка на нашиот колега Љубомир Огненовиќ и да изразиме револт од статусот што го имаат здравствените работници во Република Македонија. Огорчени сме од целата ситуација и бараме итно да се променат работите“, рече Горан Беговиќ, претседател на Самостојниот синдикат на клиниките.Тој побара рамноправна и партнерска комуникација со институциите за да се направи функционален здравствен систем кој ќе биде добар и за пациентите и за здравствените работници.Емилија Стојановска од Клиниката за дигестивна хирургија рече дека се револтирани од понижувачкиот статус на здравствените работници кој според неа е резултат на долгорочните политики во здравството.„Револтирани сме од понижувачкиот статус на здравствените работници и соработници кој е резултат на долгорочните политики во здравството кои доведоа до омаловажување и деградирање на здравствените работници. Револтирани сме од невидената хајка против лекарите како недоволно едуцирани, корумпирани и неодговорни и непријателско настроени кон пациентите и директно вперување на прст кон нив како главни виновници за несаканиот исход од лекувањето на пациентот“, рече Стојановска.Овој немил настан само ја прелеа чашата и не сплоти сте заедно да кажеме „не, „доста е, ова повеќе не го прифаќаме“, рече Предраг Серафимовски, лекар на Клиниката за максилофацијална хирургија.„Кога ние предупредувавме, вие одбравте, кога велевме ‘не’ за проектот за плаќање по учинок, вие одбравте, кога ние велевме заедно да ја изготвуваме новата законска регулатива, вие одбравте, кога ние велевме дека не сакаме чип картички, вие одбравте, кога велевме да не ги уценувате специјализантите, вие одбравте, кога велевме директори не вршете мобинг, вие одбравте“, истакна Серафимовски.Здравствените работници бараат систем за заштита на достоинството и угледот на здравствените работници и соработници, квалитетна и професионална заштита, Синдикатот да биде рамноправен партнер во изготвувањето на законската регулатива уште од почетна фаза, бенефициран работен стаж на овие профили на кои им следува./крај/мф/

Извор: Плус инфо