Македонија
Рамковниот договор се користи за вработување во администрацијата
Охридскиот рамковен договор по петнаесет години од неговото потпишување за некои претставува само основа за вработување на Албанци во администрацијата, иако тоа со него треба да им се овозможи и на припадниците на другите етнички малцинства во Македонија, како Срби, Бошњаци, Роми и други, смета вицепремиерот Муса Џафери.
На презентацијата на анализата на Охридскиот рамковен договор на која присуствуваа и новата шефица на мисијата на ОБСЕ, Нина Соумалајнен и Питер Фејт од Институтот за мир, беше речено дека анализа на вакви договори се прави во сите држави во кои имало конфликт кој завршил со договор, а тоа треба да придонесе за побрза интеграција на Македонија во Европската унија. „ОРД не е нешто што е уникатно. Анализа на договори се прави и во други земји каде имало конфликти и завршиле со договор. Од корист на Македонија и е да се изврши една ваква анализа , за како во огледало да видиме што сме направиле“, рече Фејт. „Партиите не гледаат исто на Охридскиот рамковен договор и тие се поделени по етничка основа. Во различни политички партии делуват поединци, атие имаат различни ставови. Оние кои тврдат дека ОРД е мртов сакаат само да заработат политички поени“, рече Џафери. Појасни дека некои мислат дека имплементацијата на ОРД требало да заврши уште во 2004 година, кога и се формираа првите мултиетнички полициски патроли, но тој вели дека тоа билосамо почеток. Џафери вели дека не треба да се разбираме со слушалки, туку дека треба да го знаеме јазикот на другиот, затоа што тоа значи напредок во толеранцијата на различноста, а јазикот секако, ја претставува и културата и идентитеот на другиот. „Барем во рамки на администрацијата, треба да се знае јазикот на другиот“, рече Џафери. Тој призна дека не се знае точната бројка вработени во јавната и државната администрација, но дека во втората е многу полесно тоа да се менаџира. Сепак, рече, дека не може имплементацијата на ОРД да се сведе само на бројки. „Може да ги изброиме хигиеничарките, портирите и чуварите, и тоа не е вистинска имплементација“, додаде Џафери, кој потенцира дека не само Албанците се опфатени со овој договор туку и претставниците на другите малцински заедници во македонија. „Да се реши еден конфликт може, но да се имплементира договореното е работа на Владата, но и обврска на сите граѓани. ОРГ е договор поставен на многу добра основа и може да ја однесе земјата на патот на интеграцијата во ЕУ“, рече Соумалајнен.Сите учесници во дебатата се сложија дека спроведувањето на Охридксиот рамковен договор е еден од главните столбови на следниот Извештајот за напредокот на земјава на патот кон евроинтеграциите./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: Треба да одлучиме дали ќе чекориме по патот кон ЕУ, или ќе се вратиме назад во изолација и неизвесност
СДСМ е опција која носи надеж, обезбедува подобар и подостоинствен живот за сите, опција која не е откажува од европскиот пат, порача претседателот на Социјалдемократскиот сојуз на Македонија, Димитар Ковачевски, на вечерашното отворање на промотивниот штаб на СДСМ, во Куманово.
„Ние треба да одлучиме дали ќе чекориме по патот кон Европската Унија во која ќе биде подобро за сите или ќе се вратиме назад во изолација и неизвесност. Тоа ќе биде одлуката на претстојните избори, помеѓу „надеж со СДСМ“ и „безнадежност со ВМРО-ДПМНЕ“, помеѓу „просперитетна иднина со СДСМ“ и „враќање во темното минато со ДПМНЕ“. СДСМ е единствената партија која ја постави и која работи да се исполни визијата за европска иднина на нашата земја. Ние во СДСМ имаме јасна визија за иднината. Затоа јасно и гласно кажуваме одиме напред кон Европа, нема откажување од иднината. СДСМ ги исполнува ветувањата и даваме сѐ од себе да ги исполниме и очекувањата на граѓаните“, потенцираше Ковачевски.
Порача дека СДСМ ќе извојува победа и на претстојните претседателски и парламентарни избори, а победата ќе биде очигледна и во Куманово.
„Јас знам дека и овој пат ќе издвојуваме голема заедничка победа и ќе им покажеме дека лаги и манипулации не поминуваат во Куманово. Градот што се крена прв против фашизмот во време не НОБ знае што значи да си на вистинската страна на историјата. Куманово знае што значи борба за подобра иднина. Куманово секогаш било бастион на социјалдемократијата. На последните парламентарни избори, пред четири години, СДСМ и коалицијата во Куманово освоија три и пол илјади гласови повеќе од ДПМНЕ“, нагласи Ковачевски додавајќи дека граѓаните ги поддржуваат големите партии како СДСМ затоа што знаат дека можат да ја однесат државата напред во иднината, а не да ја вратат назад во минатото.
Македонија
Ковачевски: Поголеми плати и пензии, СДСМ направи многу за подобар живот, но мораме повеќе
На вечерашното отворање на промотивниот штаб на СДСМ во Куманово, претседателот на Социјалдемократскиот сојуз на Македонија, Димитар Ковачевски, порача дека со СДСМ сигурна е иднината во ЕУ, поголеми плати и пензии за европски животен стандард.
Ковачевски потенцираше дека во изминатите седум години СДСМ направи многу за подобар и подостоинствен живот во нашата Македонија, се зголемија просечната и минималната плата, а паралелно растеа и пензиите.
„Минималната плата денес е над 370 евра, просечната плата е над 650 евра. Иако ветивме 500 евра. Пензиите се за 6.400 денари повисоки од тоа што беа во 2016 година. Невработеноста ја преполовивме и ќе продолжиме да отвораме нови работни места, да ги стимулираме на домашните и странските инвестиции, бидејќи тоа е единствениот начин да имаме посилна, поконкурентна економија“, рече Ковачевски.
Во своето обраќање, Ковачевски порача дека СДСМ може и мора да направи повеќе и подобро за сите, и тоа ќе се исполни преку новата програма која обезбедува подобар животен стандард и економски раст.
Говорејќи за новата програма на СДСМ, Ковачевски посочи дека поддршката за компаниите ќе биде најмалку 50% повисока од сегашните рекордни 100 милиони евра и до 2028 година ќе се зголеми на 150 милиони евраа, земјоделците ќе може да сметаат на нови, зголемени 750 милиони евра субвенции.
Македонија
Ковачевски: Мицкоски само ќе продолжи каде застана Груевски, ДПМНЕ не може да донесе промена
Мицкоски само ќе продолжи каде застана Груевски, ДПМНЕ не може да донесе никаква промена, рече вечерва во Куманово претседателот на СДСМ, Димитар Ковачевски во обраќање при отворање на промотивен штаб на партијата.
-Никој од нас не заборавил како изгледаше кога менторот на Мицкоски, Груевски нѐ заглави и не донесе до дното. Мицкоски, само ќе продолжи таму каде што неговиот ментор застана, ќе продолжи да копа до ново дно, ќе нѐ закопа и ќе не заглави, само за своја лична цел. ДПМНЕ не ги интересира иднината на државата и граѓаните. Погледнете ги само нивните носители на листи и тоа ќе ви каже сè. Сакаат на голема врата да ги вратат поданиците на Никола Груевски. Ништо не е променето во ВМРО-ДПМНЕ, тоа е истата партија која не може да донесе никаква промена. Па има ли поголем доказ за тоа од целосното потфрлање на нивните градоначалници. Видете што се случува во Скопје, и ништо друго не ви треба. Мавтаа со програми пред локалните избори, а ништо не реализираа, рече Ковачевски.
Кога ќе ги прашате која е нивната визија и алтернатива за Македонија – тие нити знаат, нити кажуваат, нити имаат план, додаде тој.
-Тие нема да мрднат ни милиметар кон Европската Унија, и кога нема да има никаков прогрес, не само што нема да си ја признаат грешката, не само што нема да кажат дека лажеле, тие исто како Груевски ќе ги обвинуваат сите други, и ќе ја обвинуваат Европската Унија. Сите ќе им бидат виновни, освен тие самите! Тие едноставно сакаат да се вратиме во минатото, да ја закопаме иднината и да ја уништиме надежта за подобро утре, потенцираше Ковачевски.