Свет
Тилерсон: Русија е опасна, американските сојузници и НАТО со право се загрижени
Рекс Тилерсон, именуван за нов државен секретар на САД од новоизбраниот претседател Доналд Трамп, изјави на сослушувањето во средата пред комисијата за надворешна политика на Сенатот, дека Русија е „опасна“ и оти сојузниците во НАТО „со право“ се загрижени поради нејзиното враќање на меѓународната политичка сцена, но изнесе и размислување за условите под кои САД можат црноморскиот полуостров Крим да го признаат како руска територијано изнесе и размислување за условите под кои САД можат црноморскиот полуостров Крим да го признаат како руска територија.
Поранешниот директор на голема нафтена компанија по сослушувањето се очекува да биде потврден на должноста шеф на американската дипломатија, а е близок на рускиот претседател Владимир Путин, со кого новиот американски претседател Доналд Трамп сака подобри односи, коментира AFP.
„Русија денес е опасна. Но не е непредвидлива. Зазема украинска територија, дофаќајќи го Крим и им даде помош на сириските сили кои силно грубо ги кршеле законите на војувањато“, истакна Рекс Тилерсон од кој американските сенатори токму сакаа да дознаат за неговите врски со Русија додека беше главен директор на „ExxonMobil“ од 2006 до 31-ви декември 2016 година.
На темата Украина во текот на сослушувањето Тилерсон беше прашан дали смета дека „САД никогаш не треба да ја признаат легитимноста на анексијата на Крим, како што беше со балтичките републики“.
„Единствен начин на кој тоа е возможно, е поширок договор, кој ќе ги уважува интересите на украинскиот народ. Без него ние никогаш не треба да го признаеме“, реле Тилерсон мислејќи на присоединувањето на Крим на Москва каде што населението, кое е мнозинско руско и рускојазично со референдум во март 2014 година изгласа враќање на автономијата укината во 1990-те од страна на властите во Киев и присоединување кон Руската Федерација, што Западот го смета за нелегална руска анексија на украинска територија.
„Нашите сојузници во НАТО со право се грижат поради враќањето на Русија“ на меѓународната сцена, рече Тилерсон, откако Трамп во предизборната кампања ги критикуваше сојузниците во НАТО и самата организација, во прв ред членот 5 од повелбата на Алијансата во случај на надворешна агресија.
Таа изјава предизвика вознемиреност кај американските сојузници во Европа. Меѓутоа, Трампи алудираше во прв ред на нивните недоволни вложувања во секторот на одбраната и трошоците на САД во врска со осигурувањето на нивната сигурност, поради намалувањата на нивните трошоци во буџетите за одбрана кои не се на ниво на договорениот процент.
Сослушувањето на Тилерсон се одвива во многу мачна атмосфера во Вашингтон. Трамп, имено во средата многу остро реагираше и ги демантираше наводните разузнавачки материјали дека Русија врз него вршела притисок кои се појавија во некои американски медиуми, како и дека Москва поседува компромитирачки материјали за него.
Тилерсон, исто така, изрази жалење што Кина „не беше веродостоен партнер и не го искористи своето влијание за да ја запре Северна Кореја“ и нејзините, како што оцени, според меѓународното право незаконски воени балистички и нуклеарни програми. На крајот заклучи дека кинеските интереси понекогаш биле „во спротивност со американските“.
Шеесет и четиригодишниот Рекс Тилерсон, дипломирал на Тексашкиот универзитет во Остин. Речиси четири децении работел во „ExxonMobil“, почнувајќи ја кариерата како обичен инженер, а во доцните 1990-те ги водел проектите на компанијата во Русија.
Тилерсон е на чело на „ExxonMobil“ од 2006 година. Во 2011 година тој го потпиша договорот со рускиот нафтен гигант „Роснефт“ за истражувања во Арктик. Во 2014 година „ExxonMobil“ мораше да ги суспендира своите активности во споменатиот проект, поради американските санкции против Русија поради нејзината наводна улога во украинската криза. Тилерсон, притоа ги критикуваше потегот на американскиот претседател на заминување Барак Обама, изразувајќи сомневање во ефикасноста од споменатите санкции.
Портпаролот на рускиот претседател, Дмитриј Песков, запрашан за коментар за именувањето на Тилерсон тогаш за агенцијата РИА изјави дека „Кремљ смета оти станува збор за професионалец./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.