Регион
(Видео) Пластичен пиштол во училиште ден по трагедијата, ученик го имитира вчерашниот настан
![](https://makfax.com.mk/wp-content/uploads/2023/05/хтх.jpg)
Во основното училиште „Јефимија“ во Обреновац, момчето М. Д., по едноминутното молчење, извадил пиштол и почнал да мавта со него во воздухот. Станува збор за пластичен пиштол. Веднаш било пријавено во полиција и во социјалните служби, пренесуваат српските медиуми. Видеото го побаравме и на Тик-Ток, но веројатно е избришано.
— Дамир Окановић (@DamirOkanovic) May 3, 2023
Веќе вчера е забележан еден случај на копирање на овој страшен настан, што на прес-конференција го потврди и претседателот на Србија, Александар Вучиќ. Тој рече дека вчера студент во Војводина веднаш почнал да се заканува.
„Веднаш реагиравме, го затворивме училиштето, го одведовме детето да разговараме со него. Секако, тоа беше сосема бесмислена закана“, рече Вучиќ во својот говор по повод трагедијата што се случи во основното училиште „Владислав Рибникар“ во Белград.
Осум деца и еден чувар биле убиени во средата наутро во вооружен напад на четиринаесетгодишен ученик во основното училиште „Владислав Рибникар“ во центарот на Белград. Шест ученици и еден наставник биле повредени, а напаѓачот уапсен. Тројца од четворицата ранети на Ургентниот центар во Белград се сосема добро, будни се и докторите разговараат со нив. Станува збор за двајца ученици и наставничката, изјавил директорот на универзитетскиот Клинички центар во Србија, професор доктор Милика Ашанин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Голем пожар во Атика во Грција, зафати куќи
![](https://makfax.com.mk/wp-content/uploads/2024/06/bfg.jpg)
Во пожарот што избувна денеска на истокот на Атика во градот Коропи, во Грција, изгореа неколку куќи, а пожарот го гаснат десетици пожарникари со помош на два авиона и четири хеликоптери.
Пожарот првин избувнал на паркингот за чамци во градот Коропи, а потоа се проширил, пренесува „Катимерини“.
Според Противпожарната служба, се работи за сериозен пожар додека противпожарната единица прави напори за негово локализирање.
Регион
Првата пресуда за масакрот во селата кај Младеновац: вујкото на Урош Блажиќ ослободен, братучедот осуден на 18 месеци
![](https://makfax.com.mk/wp-content/uploads/2023/05/mladenovac-uros-blazovic.jpg)
Борис Гавриловиќ, братучед на Урош Блажиќ, е осуден на 18 месеци затвор, а Горан Гавриловиќ, вујкото на убиецот, е ослободен.
Ним како соизвршители им судеше Вишиот суд во Крагуевац за кривично дело недозволено изработување, држење, носење и тргување со оружје и распрскувачки материи.
На Урош Блажиќ му се суди за убиство на девет и ранети 12 лица во Дубона и Мали Орашје во страшниот масакр што се случи на 4 мај минатата година. По извршувањето на делото, Блажиќ побегнал во викендицата на својот вујко во Крагуевац, каде што се криел додека не бил уапсен на 5 мај во утринските часови.
Судењето на Урош Блажиќ ќе продолжи во судницата на Централниот затвор во Белград бидејќи во мај годинава прелиминарното рочиште беше одложено по инцидентот што се случи кога родителите на убиените деца од овие две места го нападнаа убиецот кога тој влезе судницата.
Регион
Петковиќ: Приштина има тенденција да го преувеличува бројот на жртви на сексуално насилство
![](https://makfax.com.mk/wp-content/uploads/2024/06/јк-1.jpg)
Директорот на Канцеларијата за Косово, Петар Петковиќ, денеска, по повод Меѓународниот ден на борбата против сексуалното насилство во конфликти, соопшти дека политичарите во Приштина, на чело со Аљбин Курти, ги злоупотребуваат жртвите на сексуално насилство за време на конфликти на дневна основа за политички цели и имаат тенденција да го преувеличуваат бројот на жртвите повеќекратно.
„Курти и неговите соработници со години зборуваат за 20.000 жртви на сексуално насилство на Косово за време на конфликтот во 1999 година иако надлежната институција во Приштина го потврди статусот на жртви на сексуално насилство за помалку од илјада луѓе. Овие официјални податоци стојат и во извештајот на генералниот секретар на ОН од 1 октомври 2020 година“, забележува Петковиќ.
Директорот на Канцеларијата на Владата на Србија за Косово истакнува дека „истовремено никој не ги спомнува српските цивили, кои беа брутално малтретирани и силувани од припадниците на терористичката ОВК во Приштина, иако оваа појава беше масовна“.