Црна хроника
Македонец и Бугарин затаиле данок во износ од 160.000 евра
Сопственикот и управителот на фирмата „Рефус Трејд“ затаиле данок во износ од 160.000 евра, соопштуваат од Управата за финансиска полиција.
Македонскиот и бугарскиот државјанин во текот на 2011 и 2012 година не пријавиле и упратиле ДДВ и персонален данок на доход во вкупен износ од 160.000 евра.Во периодот од овие две години, Македонецот до разни купувачи доставил 88 фактури за продажба на секунадарни суровини-отпад, за кои наплатил 18 отсто ДДВ. Свесен за направеното кривично дело, два дена пред истекот на поднесување на задолжителна пријава за ДДВ во Управата за јавни приход, Македонецот кој е и основач на фирмата, сопственоста ја пренел на Бугаринот.Доказ дека преносот на сопственоста на фирмата е само параван за затскривање на криминалот, е и фактот што Македонецот и откако формално-правно ја отстапил сопственоста на „Рефус Трејд“ на Бугаринот, тој и понатаму продолжил да работи со фирмата, односно во име на фирмата „Рефус Трејд“ кон повеќе фирми продолжил да испорачува отпад, а парите кои купувачите ги уплатиле, веднаш по трансферот ги подигнувал во кеш од сметката на фирмата на која се уште бил овластен потписник.Македонецот е уапсен, а по Бугаринот се трага./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Еден е повреден во пукање вечерва во Чаир
Едно лице е потешко повредено, и веднаш е пренесено во болница во пукањето кое вечерва се случи во скопската населба Чаир. Од МВР го потврдија настанот.
„На 05.10.2024 во 20.20 часот пријавено е дека на ул. Цветан Димов во Скопје има повредено лице од огнено оружје. Според пријавеното, во повредениот било пукано од возило „пасат“. Повредениот е пренесен во ГОБ Св.Наум Охридски за укажување помош. Се преземаат мерки за расчистување на случајот“, велат од МВР.
Црна хроника
63-годишен маж починал додека работел на нива
Вчера во 10.30 часот во полициската станица Струмица било пријавено дека е починат 63-годишниот Ж.Ј. од село Муртино.
Тој извршувал земјоделски работи со својот трактор во нива во место викано „Врловарник“, атар на село Муртино. Додека ги вршел работите со тракторот зафатил железна шипка од оранжеријата, која паднала и го повредила при што од здобиените повреди починал.
Смрт констатирал лекар Медицински центар Струмица додека Увид на местото извршиле јавен обвинител од Основното јавно обвинителство Струмица и екипа на СВР Струмица.
Црна хроника
Приведен крадец на голф, автомобилот е вратен на сопственикот
Полициски службеници од СВР Тетово синоќа во 19.40 часот во тетовското село Порој го лишиле од собода Е.М.(27) од Косово, поради тоа што противправно одзел патничко возило „голф“ со тетовски регистерски таблици, сопственост на лице од село Џепчиште, тетовско.
Како што соопшти денеска МВР, Е.М. е задржан во полициската станица Тетово за понатамошна постапка и против него ќе биде поднесена соодветна пријава, додека одземеното возило му било вратено на сопственикот.