Свет
Еврогрупата го поздравува напредокот на Грција,бара дополнителни напори
Министрите за финансии на земјите од еврозоната (Еврогрупата) ја повика во понеделникот Грција да вложи дополнителни напори за да се постигне договорот за преостанатите отворени прашања што би го овозможило продолжувањето на надворешната финансиска помош.
„Го поздравуваме напредокот кој досега е постигнат, во преговорите меѓу Грција и нејзините меѓународни доверители (ЕУ и ММФ). Истовремено, признаваме дека е потребно уште време и напори за да се премостат разликите во преостанатите прашања. Оттаму, ја поздравуваме намерата на грчките власти да ја забрзаат соработката со институциите, со цел успешно и навремено да биде заклучен договорот“, се вели во писмената изјава одобрена од министрите за финансии на земјите од еврозоната.
Грција претходно во понеделникот ја започна постапката за исплатата на ратата од кредитот кон Меѓународниот монетарен фонд (ММФ) во износ од речиси 750 милиони евра, а исплатата треба да биде извршена во вторник.
Меѓутоа, грчкиот министер за финансии Јанис Варуфакис предупреди дека неговата земја би можела да остане без ликвидни средства за две седмици, во периодот додека преговара со доверителите околу условите коишто мора да ги исполни за да ја добие новата транша од помошта во износ од 7,2 милијарди евра.
Еврокомесарот за економски и финансиски работи Пјер Московиси изјави дека договорот мора да биде постигнат до крајот на јуни, пред новата средба на Еврогрупата. Шефот на Еврогрупата, Јероен Дијсеблом, пак, изјави дека министрите за финансии на еврозоната можат да се состанат во кој и да е момент, штом меѓународните доверители ги одобрат реформите коишто Грција мора да ги спроведе.
Грчкиот премиер Алексис Цирпас неодамна го промени преговарачкиот тим, што беше протолкувано како маргинализирање на министерот за финансии Варуфакис, а во еврозоната истакнуваат де од тогаш преговорите се поефикасни и поконструктивни.
Досега е постигнат напредок во приближување на ставовите околу реформите за системот на данокот за додадена вредност (ДДВ) и формирање невладина владина агенција за собирање на даноците, но останаа уште многу предлози за усвојување, во прв ред околу реформите на пензискиот систем и на пазарот на трудот./крај/мф/сн
Извор: AFP/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.