Свет
Сириските Курди тргнуваат во офанзива на Рака, владините сили напредуваат во Алепо
Милицијата на сириските Курди Единици за заштита на народот (YPG) објави соопштение во средата дека ги повлекувал своите сили од градот Манбиџ за да ги вклучи во офанзивата за ослободување на градот Рака, кој е упориште на екстремната сунитска групација Исламска држава на сириска територија, а истовремено армијата на владата во Дамаск објави дека води жестоки борби со милитантите во кои напредува за контрола над областа Бустан ал-Паша на северот од Алепо.
Специјалниот американски претставник Брет Мекгарк за Reuters ја опишува офанзивата на Рака како „пресвртница“ а на Twitter објави дека единиците YPG ќе го напуштат Манбиџ штом ќе заврши тренингот на локалните војници за да ја преземат одговорноста за одбрана на градот од џихадистете на Исламската држава.
Турција, меѓутоа, повторно повика единците на YPG, да се повлечат источно од реката Еуфрат. Официјална Анкара ја смета милицијата на сириските Курди за блиска на забранетата во Турција Работничка партија на Курдистан (PKK), прогласена за терористичка организација и од ЕУ и од САД, и против која повеќе од три децении води борби на југоистокот од земјата.
Турција жестоко се противи YPG да учествува во борбите за Рака, и нејзината интервенција на сириска територија беше всушност делумно со цел и да се спречат сириските Курди да ја прошират територијата под своја контрола по должина на турската граница.
Армиски извори за агенцијата РИА рекле дека во средата владините сили преземале напад врз позициите на милитантите, кои држат под своја контрола значителна дел од градот. Жестоките судири избувнале истовремено во неколку квартови, вклучително и во централната населба ал-Џамаија, каде што пред неколку седмици исламистите го нападнаа универзитетскиот кампус со проектили.
Активна поддршка на војската ѝ даваат локалните милиции наклонети на владата во Дамаск, а на напредувањето му претходела артилериски оган врз утврдувањата и артилериските батерии на милитантите, рекол изворот. Според него, информациите од теренот говореле дека, бунтовниците претрпеле тешки загуби во жива сила и борбена техника. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.