Истражниот судија во загрепскиот Жупаниски суд ја прифати во четврток кауцијата за бранење од слобода којашто ја понуди одбраната на загрепскиот градоначалник, Милан Бандиќ и другите осомничени во аферата „Аграм“.

Обвинителката на Ускок, Ксенија Кризман изјави дека судијата го прифатил предлогот на Ускок на осомничените да им се одреди притвор во истражен затвор, но оставил можност сите да се бранат од слобода со кауција.Како што неофицијално јавуваат медиумите, на Бандиќ му е прифатена кауцијата во висина од околу 15 милиони куни во недвижности на негови пријатели, односно околу два милиона евра, што е највисока понуда за кауција по кауцијата која ја понуди Иво Санадер во висина од 12,4 милиони куни во недвижнини.Истрагата опфаќа вкупно 16 лица и две фирми, а Обвинителството најавува блокада на имотот и испитување на 270 сведоци за време на истрагата, што може да трае со месеци.Во сите случаи градоначалникот на Загреб се сомничи дека го оштетил градот со којшто управуваше 12 години, освен во случајот со претседателската изборна кампања каде поради неплатени даноци на донациите примени по изборите во 2010 година, наводно го оштетил државниот буџет.Вкупната штета на Обвинителството се проценува на околу 2,6 милиони евра./крај/мф/