Европа
Најголем број имигранти во Германија од 2005-та
Бројот на имигранти во Германија минатата 2014 година го достигнал највисокото ниво во последните десет години, а тоа најмногу се појаснува со доаѓањата од Европската унија.
Најголемата европска економија имала 10,9 отсто имигранти во 2014 година, на околу 81 милион население, или 10,6 отсто повеќе отколку во 2011 година, што е највисокото ниво од 2005 година, објави во понеделникот германското биро за статистика Destatis.
Без оглед на тоа дали поседуваат или не германски пасош, имигрантите коишто живеат во Германија минатата година сочинувале 13,4 отсто од германското население. Бројот на имигрантите непрекинато се зголемува до 2011 година, коментира во соопштението Destatis.
Тоа зголемување во прв ред го носи приливот (од +18 отсто од 2011 година) на лица од Европската унија. Во тој период значително се зголемил бројот на имигрантите од Полска, Романија, Италија, Бугарија и Унгарија. Надвор од ЕУ имигрантите пристигнуваат, исто така, според бројноста, од Кина, Сирија и Индија.
Статистиките кои ги објави Destatis покажуваат дека бројот на странците кои живеат во Германија достигнал 20,3 отсто од вкупното германско население во 2014 година, што значи секој петти жител или 16,4 милиони луѓе. Повеќето од половината од нив, или 56 отсто, имаат германски пасош.
Објавувањето на извештајот доаѓа во време на зголемените тензии во Германија поради зголемениот број бегалци и баратели на азил, чијшто број се очекува годинава двојно да биде зголемен на рекордните 450.000, од 200.000 во ланската 2014 година.
Една минатонеделна анкета покажа дека довербата во германската влада е опаднат, поради нејзината политика на примање и згрижување на беглаците.
Во првите шест месеци од 2015 година регистрирани се 150 напади, подметнувања на пожари или други оштетувања на центрите за прифаќање низ цела Германија, која е цел на бегалците од војните и насилствата во северна Африка, Блискиот исток и Азија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти, кои биле вработени во украинската државна гарда. Разузнавачките претставници велат дека руски агенти планирале да ги убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде подарок за Владимир Путин пред неговата денешна инаугурација.
СБУ на својот канал на „Телеграм“ објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планира да ги елиминира и шефот на Службата за безбедност на Украина, Васил Маљук, шефот на Воената разузнавачка служба на Украина, Кирил Буданов, и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.
Европа
Руски хеликоптери уништија дронови на украинската морнарица, следуваше одговор, пишува „Форбс“
Украински експлозивни автономни пловни објекти или поморски беспилотни летала напаѓаат и потонуваат руски воени бродови во Црното Море од минатата есен, а сега руската Црноморска флота одлучи да возврати, и тоа од воздух, пишува „Форбс“.
Руски бомбардери, летечки бродови и хеликоптери патролираа на рутите до пристаништата, каде што е закотвена Црноморската флота, барајќи знаци за приближување на автономните бродови, кои ги гаѓаа со ракети и куршуми. Меѓутоа, во војната – како и во физиката – секоја акција има своја реакција. И, така, сега украинските автономни бродови добија проектили „земја-воздух“, кои можеби веќе ги лансираат руските авиони.
Снимките од Црното Море направени во неделата или понеделникот покажуваат како хеликоптер „камов Ка-29“ кружи околу украинскиот брод и пука во него. Можно е овој напад да е поврзан со украинскиот напад на Црноморската флота на Крим овој викенд. Пловилата наводно потопиле руски патролен брод.
Ова не е првпат руско летало да уништи украински автономен брод (УСВ). Но, тој конкретен УСВ се издвојуваше затоа што беше опремен со ракетни фрлачи и инфрацрвена ракета „Р-73“. Се чини дека некои украински бродови сега имаат свои противвоздушни ракети.
Рускиот канал Fighterbomber на „Телеграм“ беше изненаден од ова: „Украинците некако успеаја да ја поврзат ракетата со системите за далечинско управување на УСВ“.
Проектилот „Р-73“ е чувствителен на извори на топлина како што се моторите на леталата. Не бара телеметрија за водење. Сепак, каналот Fighterbomber не греши кога се прашува како војниците што управуваат со УСВ може од далечина да ги нишанат и лансираат тие проектили.
Fighterbomber шпекулира дека украинските автономни пловила сè уште не ги лансирале своите проектили, но вреди да се напомене дека УСВ, што екипажот Камов го уништи во неделата или понеделникот, имал два ракетни фрлача, но само еден проектил.
Со опремувањето на УСВ со ракети „Р-73“ украинските сили додадоа уште една улога на нивните сè повеќе разновидни автономни пловила. Повеќето од нив се еднонасочни: тие се натоварени со експлозиви и удираат во руски воени бродови. Постои и верзија на поморскиот дрон Sea Baby, кој може да лансира ненаведувани проектили за напади со долг дострел, а можно е и најголемите УСВ во Украина да имаат и радиопопречувачи.
Постои шанса дека овие нови УСВ сепак веќе ги лансирале своите проектили. Најмалку еден, а можеби и два руски хеликоптера наидоа на неволја над Црното Море на 9 и 10 април. Портпаролот на украинската морнарица, Дмитро Плетенчук, тврди дека рускиот „камов ка-27“ бил соборен на 9 април, а повеќе извори потврдуваат дека еден ден подоцна бил соборен уште еден хеликоптер „мил ми-24“.
Падот на „камов“ не е потврден, но интересно е тврдењето на Плетенчук дека руското летало „барало нешто“ и „го нашло“. Ако Русите навистина го загубија „ка-27“ на 9 април и ако тој хеликоптер навистина бараше УСВ, дали е можно дека пронашол УСВ вооружен со ракети „земја-воздух“?