Европа
Полската премиерка Копач доби поддршка од парламентот
Нова полска премиерка Ева Копач доби во средата навечер поддршка од пратениците во парламентот, и во својот говор пред нив најави дека Полска ќе влезе во еврозоната кога таа ќе зајакне и дека ќе биде прагматична во врска со Украина.
Ева Копач и нејзиниот владин кабинет добија поддршка од 259 пратеници во долниот дом на парламентот, 183 беа против а седум се воздржаа од гласањето. Гласањето за довербата е според уставот на Полска последниот чекор во стапувањето на новиот премиер на должност.Копач, 57-годишната педијатар која до минатиот месец беше претседателка на парламентот од својот политички покровител Доналд Туск кој заминува во Брисел да ја преземе должноста претседател на Европскиот совет.Во својот говор во Сејмот во кој ги изнесе главните точки од својата програма, Копач рече дека Полска ќе влезе во еврозоната кога таа ќе зајакне. „Пред да одговорам на прашањето за временската рамка за влегување во еврозоната, морам да поставам едно друго прашање: во каква состојба е еврозоната и на каде оди“, запраша новата полска премиерка. Доколку ееворзоната „зајакне“, Полска ќе ги исполни сите барања за пристапување, „што секако е биде добро за економијата“, истакна Копач.Новата премиерка по гласањето во парламентот најави дека за свое прво патување во странство ќе го избере Брисел, каде што ќе престојува во понеделник, а потоа на 9-ти октомври патува за Берлина каде што ќе се сретне со германската канцеларка Ангела Меркел.Во говорот за општата политика побара од сите партии консензус во врска со надворешната политика, во прв ред во врска со украинската криза којашто во Полска ја поттикне и загриженоста за сопствената безбедност.„Прагматичната политика кон настаните во Украина ќе биде едена од целите на мојата влада. Го поддржуваме проевропскиот правец на Украина, но нема да ги замениме Украинците кои мора да ја преземат одговорноста за реформите во својата земја“, изјави Копач повикувајќи ја меѓународната заедница на солидарност.Полска сака посилни врски на САД и Европската унија, ќе го поддржи договорот за слободна трговија и ќе побара „поголемо американско воено присуство“ на полска територија, истакна Копач. Во говорот меѓу своите приоритети ја спомена и енергетската сигурност на европско ниво. Покрај тоа се обврза дека ќе ги зголеми вложувањата во инфраструктурата и ќе ја зголеми помошта за семејствата./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.