Едно возрасно лице е починато и предизвикани се значителни материјални штети во две одделни железнички несреќи кои се случија во петокот крај Скопје и Битола.

Во петокот во утринските часови на дел од пругата меѓу железничката станица „Ѓорче Петров“, во правец кон железничка станица „Скопје Север“, поточно на самиот мост на реката Лепенец, патнички воз кој сообраќал на релација Кичево – Скопје удрил во 72-годишниот Стоица П. од кочанското село Теранце. Од здобиените повреди лицето починало на самото место.

Од страна на увидна екипа од СВР Скопје извршен е увид на местото на настанот, а по наредба на јавен обвинител телото на починатиот е предадено во Институтот за судска медицина за обдукција.

Во петокот, исто така, околу 13 часот во Битола, на премин на пат преку железничка пруга, се случила железничка незгода меѓу возило „тојота рав 4“ со битолски регистарски ознаки, управувано од 69-годишниот од А.Х.Р. и патнички воз кој сообраќал на релација Битола – Скопје.

Од незгодата била оштетена рампа, сопственост на Македонски железници, а увид на местото на настанот извршила екипа од СВР Битола и се работи на целосно расчистување на случајот./крај/мф/ффс

Извор: Макфакс