Политика
Шилегов: СДСМ нема да дозволи изигрување на одредбите од политичкиот договор
Коментирајќи ја пораката на еврокомесарот Јоханес Хан, дека нема време за губење и нема време за одмор за институциите во Македонија, кои треба да ја подготват примената на политичкиот фоговор, портпаролот на СДСМ, Петре Шилегов вели дека опозициската партија нема да дозволи изигрување на договорот.
Коментирајќи ја пораката на еврокомесарот Јоханес Хан, дека нема време за губење и нема време за одмор за институциите во Македонија, кои треба да ја подготват примената на политичкиот фоговор, портпаролот на СДСМ, Петре Шилегов вели дека опозициската партија нема да дозволи изигрување на договорот.
„Онака како што СДСМ тврдеше дека нема да дозволи Никола Груевски да биде организатор на какви било избори во македонија, повторно тврдиме дека СДСМ нема да дозволи какво било изигрување на одредбите на политичкиот договор“, рече Шилегов, прашан за коменар на пораката на Хан, по состанокот на Советот за стабилизација и асоцијација, што се одржа во понеделник во Брисел. „Среќен сум што најдовме договор минатата недела. Треба да се каже дека сега нема време за губење и нема одмор барем не за институциите. Се разбира секој има право на одмор но нема одмор за институциите за да се подготви примената на договореното. На 15 септември треба да има специјален обвинител како што фиксиравме, рече Хан и додаде дека има работа за да се почитуваат сите договорени рокови од договорот од Пржино за да се подготват изборите на 24 април 2016 година.Порача дека не е негов стил да казнува некого, но „она што имаме се различни видови објекти за набљудување на импементацијата на извештајот на Прибе, како и европските препораки и работите што се договорени меѓу четирите главни политички партии“.Според Хан, целиот договор е сега во јавната сфера и секој може да ја следи неговата имплементацијата.„Нашата задача е повеќе да се грижиме за тие да почнат да имплементираат и подготвуваат работи во контролирано време пред крајниот рок. Крајниот рок е краен рок и не може да значи дека може да почнете да работите на одредено прашање на самиот ден, туку морате да почнете порано. Тоа е нашата главна задача, да ги придружуваме во напорите да постигнат и договорат крајни рокови на денот кога ќе се договорат. Значи, имаме меѓународни преговарачи во земјата, во Скопје, кои посредуваат во преговорите, го имаме и јавното внимание, па сум многу сигурен дека сите се целосно свесни за многу транспарентен процес,конкретен е еврокомесарот за преговори за проширување“, порача Хан.Според протоколот на 1 септември 2015, СДСМ ќе се врати во парламентот, а на 20 октомври 2015 година, ќе бидат назначени нов министер за внатрешни работи по предлог на СДСМ и во консултација со ВМРО-ДПМНЕ и ДУИ, како и нов министер за труд и социјална политика, по предлог на СДСМ.На 20 октомври ќе бидат назначени и дополнителни заменици-министри за Министерството за внатрешни работи и Министерството за труд и социјална политика, по предлог на ВМРО-ДПМНЕ и Министерството за финансии, Министерството за земјоделство, шумарство и водостопанство и Министерството за информатичко општество и администрација, по предлог на СДСМ со право на вето.Актуелната Влада ќе ја поднесе својата официјална оставка до Собранието во догледно време да овозможи, новата влада да биде инаугурирана на 15 јануари 2016 година, 100 дена пред парламентарните избори кои ќе се одржат на 24 април 2016 година. На чело на новата влада ќе биде новиот премиер номиниран од страна на ВМРО-ДПМНЕ. СДСМ ќе се врати во Собранието и ќе раководи со анкетната парламентарна комисија основана со скандалот со прислушувањето. Комисиите за откривање и интервенција во комуникациите исто така ќе се раководат од страна на СДСМ и ќе почнат со работа испитувајќи неуспесите во надзор и функционирање на државната разузнавачка служба.Првиот извештај на овие комисии ќе биде изготвен во ноември 2015 година.Со непосреден ефект, нема да има понатамошно објавување на било каков прислушкуван материјал. По враќањето на СДСМ во Собранието, сите материали кој ги поседува СДСМ или било кој друг, ќе бидат поднесени до Јавното Обвинителство за итна постапка.До 15 септември 2015 година, ќе има нов, специјален обвинител со целосна автономија да ја води истрагата околу разговорите кои произлегуваат од следењето на комуникациите. Специјалниот обвинител го именуваат долупотпишаните страни.Кон средината на јуни и крајот на август 2015 година, ЕУ ќе го олесни меѓупартискиот дијалог за постигнување договор за реформите што треба да се преземат во областа на поглавјата 23 и 24, застапување и независно функционирање на надлежните државни органи, поголема слобода на медиумите и целосна согласност со мислењата и препораките на Венецијанската Комисија.До 31 јули 2015, составот на Државната Изборна Комисија ќе се прегледа и модифицира. До 30 септември 2015 година, на Државната Изборна Комисија ќе и се дадат зголемени овластувања за да обезбеди слободни и фер избори како и исто ниво на игра за сите партии. Сите препораки на ОБСЕ / ОДИХР ќе се применуваат, вклучувајќи и испитување на листата на гласачи во согласност со новата методологија и договорена. Пред следните избори, Владата ќе побара зајакнување на долгорочен мониторинг и краткорочен од ОБСЕ / ОДИХР./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.