Црна хроника
Мајката која го фрли синот од тераса била психички растроена
Мајката која во понеделникот го фрли своето дете од тераса во скопската населба Хиподром, а потоа и самата се фрли, била психички растроена и со сопругот имале семејни недоразбирање, соопштуваат од Министерството за внатрешни работи од каде излегоа со официјална информација за овој случај.
Случајот во полиција го пријавил сопругот во 8.47 часот и побарал интервенција од полицијата да ја однесе сопругата во соодветна институција, бидејќи се заканувала дека ќе го фрли нивниот син и себеси.Десетина минути подоцна истиот случај во полиција го пријавила сосетка која раскажала дека триесет иседумгодишната Ема се заканува дека ќе го фрли своето дете и дека самата ќе се фрли. По добиената пријава на местото на настанот била упатена групата за интервенции, која по пристигнувањето ја констатирале фактичката состојба и побарале да дојдат екипи на итна медицинска помош и бригадата за противпожарна заштита и да донесат воздушен душек. Противпожарната бригада со возило пристигнала од задната страна на зградата каде бил подобар пристапот за поставување на воздушниот душек. Таткото, заедно со сосед, стоеле под терасата и разговарале со жената со намера да разубедат во намерата. Околу 09.50 часот мајката го качила нивното шестгодишно дете на прозорецот од западниот дел на терасата и со раце го турнала. Паѓајќи, детето со глава удрило на метална шипка за поставување жица за сушење алишта, а неговиот татко и соседот успеале да го прифатат со раце и да го ублажат падот.Детето со возило на итна медицинска помош било однесено во Ургентен центар за укажување на медицинска помош. За тоа време мајката разговарала на телефон и фрлила два мобилни телефони и лист хартија – проштално писмо.Од страна на Противпожарната бригада душекот бил поставен под терасата каде се наоѓала мајката, но таа откако ќе видела дека е поставен душекот, влегувала во станот и се појавувала на прозорците од западната и југоисточната страна, каде душекот бил преместуван.Во меѓувреме преку Единицата за известување и команда е побарано да се вклучи алпинистички тим и лица за преговарање од Единицата за специјални задачи, кои со три возила пристигнале на местото на настанот околу 10.05/10.10 часот. По согледување на состојбата кон влезната врата од станот, веднаш се упатени преговарачкиот тим и тимот за обезбедување со задача да воспостават вербална комуникација со жената и да го обезбедат просторот. Околу 10.15 часот, преговарачкиот тим успеал да воспостави вербален контакт со мајката при што таа одговарала во вид на исповед за се што направила и има намера да направи. И рекле да ја отвори вратата со намера да се оддалечи од прозорците (за да на алпинистичкиот тим му овозможи да се спушти и ги блокира прозорците од станот), но таа не прифатила.Направен е и обид со давање информација за добра здравствена состојба на нејзиниот син да се одврати од намерата. За цело време додека траела комуникацијата Ема седела на рамката од прозорецот. Околу 10.20 часот прекинала комуникацијата, а мајката која била свртена со грбот кон надвор, ја тргнала раката од рамката на прозорецот и со наклонување наназад паднала.Во тој момент алпинистот се спуштил обидувајќи се да ја спаси, но не успеал во намерата. Со возило на итна медицинска помош била однесена во ургентен центар.Од извршените проверки во ургентниот центар од медицинските лица е заклучено дека мајката се здобила со повреди на градниот кош, додека нејзиниот син се здобил со повреди на коските на главата. Таткото изјавил дека неговата сопруга имала здравствени проблеми (психички нарушувања) и дека имале семејни недоразбирања.Увидот е во фаза на изработка и истиот во наредните денови ќе биде процесиран до Основното Јавно обвинителство во Скопје. Мајката и детето се закрепнуваат во Клиничкиот центар./крај/мф/
Извор: Фото: Утрински весник
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.