Црна хроника
Фатен крадец кој ги ограбувал таксистите во Скопје
Фатен дваесет и осумгодишен прилепчанец кој од март до декември годинава ограбувал таксисти во Скопје и украл вкупно 14.000 денари.
Крадецот во периодот од крајот на месец март до 17-ти овој месец сторил четири кривични дела „разбојништво“ во кои објект на напад му биле таксисти со кои се возел на релација населба Гази Баба – Бутел – Радишани, при што откако ќе бил донесен до посочената адреса, со закани по животот и сигурноста на таксистите, во два случаи со употреба на нож, во еден случај со употреба на огнено оружје и во еден случај со употреба на физичка сила во што му помогнале две засега непознати мажи, се стекнал со противправна имотна корист од околу 11.000 денари.Кривичното дело „тешка кражба на особено дрзок начин“ го извршил на 17-ти овој месец, исто така над таксист, кога побарал превоз од хотел лоциран на булеварот „Партизански одреди“ до казино на Бит пазар и кога стигнале на посочената локација пријавениот побарал од таксистот да му позајми 900 денари и да го причека пред казиното по што ќе продолжи со превозот. За кусо време се вратил и побарал да продолжат кон населба Автокоманда и побарал уште 2.100 денари, со ветување дека кога ќе го однесе на посочената адреса ќе му врати 50 евра.Кога стигнале на улицата „Ташко Караџа“, крадецот излегол од возилото и се упатил кон еден од влезовите на зградата, по што таксистот се посомневал дека ќе биде измамен и тргнал по него. Во моментот кога пријавениот го видел таксистот, почнал да му се заканува дека ќе извади нож и ќе го прободе, по што се дал во бегство, при што бил стигнат од таксистот, но бегалецот со удар со рака во пределот навратот го совладал.Пријавениот се сокрил во една од околните згради, а нападнатиот таксист телефонски го пријавил случајот во Центарот за информирање и команда на СВР Скопје, по што за кратко време пристигнале припадниците на полициската единица „Алфа“, кои го пронашле и го привеле крадецот./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Повторно насилство во „Идризово“: затвореник со тешки повреди заврши во болница
Нов случај на насилство помеѓу затвореници е забележан вчера во Казнено-поправната установа Затвор Идризово.
Од полицијата велат дека се работи за физичка пресметка меѓу две групи на затвореници, а едно лице е тешко повредено.
„Осуденикот Х.Ф.(29) од Студеничани, Скопско, се здобил со тешки телесни повреди, констатирани во Градската општа болница ‘8 Септември’ во Скопје“, велат од МВР, додавајќи дека се преземаат мерки за расчистување на случајот.
Насилство во затворот имаше и пред два дена, кога осуденикот Ѓ.М.(43) од Скопје бил физички нападнат од осуденикот К.Ф.(40) од Гостивар.
Црна хроника
Син го нападнал својот татко во Карпош
Педесет и петгодишен маж бил нападнат од својот син во домот на подрачјето на Карпош.
Случајот бил пријавен во МВР во текот на вчерашниот ден.
Се преземаат мерки за негово расчистување.
Црна хроника
Maж најден починат во напуштен објект во центарот на Скопје
Во напуштен објект на подрачјето на Центар во Скопје било пронајдено починато машко лице, објави МВР.
Од страна на лекар од Итната медицинска помош била констатирана смрт и извршен е увид.
Засега нема информации за идентитетот на мажот, ниту дали смртта е насилна. Телото на починатиот е дадено на обдукција.