Европа
ВИДЕО: Хакери објавија дека упаднале во рекламните билборди во Киев
Хакерската група која се именува „КиберБеркут“, според единиците на специјални намени на поранешната украинска полиција која новите прозападни власти ја расформираа и која се смета за блиска на проруски милиции во југоисточна Украина, на својата страница објави дека упаднала во рекламните екрани во Киев и тврди дека поставила видео материјали на кои се прикажани цивилните жртви од воената операција што од април ја спроведуваат силите лојални на новите киевски власти.
„Ние, ‘КиберБеркут’, имаме намера да ги искористиме сите можности за заштита на интересите на граѓаните на Украина од самоволието на националистичките маргиналци и олигархиската елита. Денеска ние искористивме неколку десетици рекламни паноа во Киев за народот на Украина да го потсетиме за бескорисноста од изборната фарса“, се наведува на интернет страницата на хакерската групаОваа група на 11-ти октомври објави таен извештај за истрагата во врска со падот на малезискиот авион во јули годинава во близина на источниот град Донецк седиштето на проруските бунтовници, и за чие наводно соборување меѓусебно се обвинуваат Киев и Москва, кој го подготвил началникот на воздухопловните сили на Украина, полковникот Игор Зорин за истрагата на падот чија содржина укажува на „специјален однос“ на комисијата за истражување на падот и украинската војска.Хакерите приложуваат видео од пробиените билборди во неколку локации на украинската престолнина. На видеото се прокажани премиерот Арсениј Јаценјук, спикерот на парламентот Александар Турчинов, челникот на министерството за внатрешни работи Арсен Аваков, челникот на националистичката партија Свобода Олег Тјагнибок, на Дмитриј Јарош, лидерот на Десниот сектор, ултранационалистичко движење кое се смета за воено крило на Свобода, како и на челникот на Радикалната партија Олег Лјашко. Преку нивните ликови стои натписот „воен злосторник“, а во заднина се покажуваат грозоморни слики од човечки жртви, кои според авторите потекнуваат од источните проруски региони каде украинската армија ја спроведува својата ткн „антитерористичка операција“ против побунетите доминантно русофонски региони.Во недела во Украина ќе се одржат парламентарни избори, откако со безредијата во февруари и март беше соборен тогашниот претседател Виктор Јанукович, обвинет дека земјата ја свртува кон Русија, а неговата дотогаш владејачка Партија на регионите практично го загуби мнозинството во Врховна Рада (парламентот) откако стотина пратеници не се појавуваа. Ќе се избираат 424 пратеници, од кои 199 во изборни единици кои даваат по еден мандат според мнозински изборен систем, и 225 на партиски листи за кои е потребно да се надмине прагот од 5 отсто. Во петокот на полноќ завршува предизборната кампања и во сабота е изборен молк кога се забранува партиската агитација./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.