Европа
Во Украина и натаму се крши примирјето
Артилериски плотуни и истрели од пешадиско оружје се слушаат и натаму на истокот од Украина, една недела по започнувањето на примирјето, а прозападните власти во Киев и рускојазичните бунтовници се обвинуваат меѓусебно, пренесуваат агенциите.
Тројца цивили загинале гранатирање во Авдовска, село коешто е под контрола на украинските владини сили, на десетина километри од центарот на рускојазичните бунтовници Донецк, изјави во саботата Вајачеслав Аброскин, началник на локалната прокиевска милиција. Еден украински војни загинал а 40 се ранети изминатото деноноќие, изјавил воениот украински портпарол, Андриј Лисенко.
Истовремено, властите на самопрогласената ткн „народна република“ Донецк објавија дека изминатава седмица почетокот на примирјето кое стапи на сила на полноќ на 15-ти февруари, биле убиени над 140 цивили. Тие прецизираа дека од 14-ти до 20-ти февруари како резултат на нападите од страна на украинската армија биле убиени 145 луѓе, и тоа едно 9-годишно дете, 133 мажи и 11 жени. Покрај тоа, иле хоспитализирани 58 луѓе со прострелни рани и повреди од шрапнели. Во извештајот се наведува дека се откриени и повеќе цивилни жртви во „ослободеното“ Дебалцево, чии тела „не се најдени само на бојното поле, туку и во нивните домови“.
Претходно во петокот заменикот главен командант на НАТО, генералот Адриан Бредшоу изјави дека стравува оти Русија би можела да заземе територии од земјите од Алијансата. „Русија би можела да помисли дека конвенционалните сили од големи размери коишто успеа да ги мобилизира за кусо време… во иднина би можела да ги искористи не само за заплашување и за принуда над некоја земја, туку и за освојување на територии на НАТО“, оцени генералот.
Рускиот претседател Владимир Путин, пак, во петокот навечер за време на одбележувањето на претстојниот Ден на бранителите на татковината, кој се слави во чест на оние кои служеле во војска, порача дека „Никој не би требало да негува какви и да се илузии дека е можно да се постигне воена надмоќ над Русија или таа да се изложи на некаков притисок. Како и секогаш, ние имаме адекватен одговор на таквите непромислени акти“.
Киев во петокот ја одбележа првата годишнина од бунтот на прозападната опозиција со кој го собори претседателот Виктор Јанукович и дотогаш владејачката Партија на регионите, која потоа беше распуштена, бунт кој го нарекува „проевропска револуција“ но која доведе до поделба на земјата, откако во еуфоријата од преземањето на власта прозападните сили прво ги сменија дотогашните избрани регионални администрации и го укинаа законот за јазиците со што рускиот го загуби статусот на државен, што беше повод регионите населени со доминантно руско и рускојазично население на југоистокот од Украина да се побунат. Така, уште во март минатата година црноморскиот полуостров Крим одржа референдум за враќање на автономијата укината во 1990-те по осамостојувањето на Украина и се присоедини на Руската Федерација, што Западот го смета за нелегално руско анектирање на украинска територија. Потоа и жителите на источните региони Донецк и Луганск, по примерот на прозападната опозиција во Киев, ги зазедоа зградите на административните згради, а откако украинската армија во април поведе акција којашто Киев ја нарекува „антитерористичка операција“, започна воениот конфликт во кој според ОН досега загинале над 5.700 луѓе.
„Оваа револуција беше (…) победничка битка за нашата независност“, рече украинскиот претседател Петро Проошенко пред масата собрана на киевскиот Плоштад на независноста (Мајдан) од каде што почна соборувањето на неговиот претходни Јанукович, обвинет дека ја свртува земјата кон Русија.
Во Москва, пак, во саботата се одржа ткн „Антимајдан“, собир на кој се собраа 35.000 илјади луѓе. „Поучени од украинскиот пример нема да дозволиме Мајдан во нашата земја“, порачаа припадниците на „Движењето против Мајдани“, алудирајќи на наводното учество на западните влади во минатогодишните настани во Киев.
Во сабота се очекува до крајот на денот да биде извршена размената на повеќе десетици заробени борци од двете страни по принципот „сите за сите“, врз основа на договорот од Минск од 12-ти февруари, според кој по воспоставувањето на прекинот на огнот и повлекувањето на тешкото оружје, што инаку не е уште докрај почитувано, треба да се разменат сите заробеници. Во Луганск се’ уште се очекува да се разменат по 40 војници од двете страни, што е првиот ваков потег последните неколку седмици. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.