Црна хроника
Тепачка поради девојка на концертот на Аца Лукас
Две момчиња биле нападнати и претепани поради девојка на концертот на Аца Лукас во Метрополс Арена во Скопје што се одржа во саботата вечерта.
Осуманесетгодишното момче кое го пријавило случајот во полиција, било на концерт со четворица другари и една другарка. Таму флертувал со девојка која била во друштво на неколку момчиња. Едно од нив на босански јазик го предупредило да не ја гледа девојката бидејќи му била сестра. По кратко време, братот на девојката го фатил за рамото го повлекол и го удрил со тупаница во пределот на десното око. Потоа му се приближиле и другите лица и почнале да го удираат во пределот на телото со стаклени шишиња и со тупаници, по што паднал на подот во бесознание. Додека го удирале забележал како еден од неговите другари лежи на земјата, а истите лица го удираат со клоци.Напаѓачите избегале, а нападнатите момчиња се упатиле во болницата „Св. Наум Охридски“ за укажување на лекарска помош. Напаѓачите биле на возраст од 20 до 22 години од село Батинци. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.