Европа
Конгресот ја потврди Меркел за челник на CDU
Германската канцеларка Ангела Меркел повторно во вторникот е избрана на должноста претседателка на владејачката Христијанско-демократска унија (CDU) на партиската конвенција којашто се одржува во вторник и во среда во Келн.
Германската канцеларка Ангела Меркел повторно во вторникот е избрана на должноста претседателка на владејачката Христијанско-демократска унија (CDU) на партиската конвенција којашто се одржува во вторник и во среда во Келн.
За останување на Ангела Меркел на челната партиска функција гласале 96,7 отсто од учесниците на конвенцијата на Христијанско-демократска унија (CDU), што претставува втор најдобар резултат откако се наоѓа на чело на партијата. Пред две години за Меркел гласаа 97,9 отсто од партиските делегати. Со овој реизбор, германската канцеларка го освои осмиот двогодишен мандат на чело на партијата.
Во текот на обраќањето во вторникот пред учесниците на конвенцијата, Ангела Меркел ја поттикна својата парија на „повеќе храброст“ и преземање нови реформи. „Да бидеме храбри во новите напнати времиња“, изјави Меркел на конвенцијата. Канцеларката укажа и на ниската стапка на невработеноста во Германија особено меѓу младите, и нагласи дека CDU и во иднина ќе се залага за создавање поволни услови за развој на економијата.
На надворешнополитички план, Меркел, меѓу другото, ја бранеше политиката на санкциите воведени од страна на САД и Европската унија против Русија и острата осуда на, како што рече, нејзината агресија врз Украина.
Меѓутоа, германските медиуми истакнуваат дека Меркел најголем аплауз од сопартијците добила за нејзиниот директен напад врз својот коалициски партнер во власта –Социјалдемократската партија на Германија (SPD), инаку најстара политичка групација во земјата, поради нејзиното коалицирање во покраината Тирингија со партијата Левица (Linke), којашто се смета за наследничка на партијата SED, некогаш владејачката во поранешната комунистичка Демократска република (Источна) Германија, од каде што и самата потекнува актуелната германска канцеларка.
„Колку ниско всушност SPD сака да се спушти?“, запраша Меркел, алудирајќи на фактот дека социјалдемократите се согласија да бидат малцински партнер во покраинската влада којашто од минатиот петок ја предводи политичарот од партијата Левица, Бодо Рамелов, коалиција што ја сочинуваат Левица, Зелените и SPD. Меркел истакна дека „треба да се стори сé“ по парламентарните избори во 2017 година да не дојде до таква политичка констелација и на сојузно ниво.
Ангела Меркел се наоѓа на чело на CDU досега повеќе од 14 година, а нејзиниот претходник Хелмут Кол мина на чело на партијата цели 25 години, од 1973 до 1988 година. Првиот повоен германскиот канцелар Конрад Аденауер беше на чело на Христијанско-демократската унија од 1950 до 1966 година.
Во продолжение на дводневниот конгрес, кој започна во вторникот наутро со литургија во катедралата во Келн, учесниците на конвенцијата ќе го избираат и претседателството на партијата. Во текот на денот, е предвидено делегатите да ја прифатат и програмата за даночните олеснувања за вработените.
Политичките аналитичари проценуваат дека CDU во моментов се наоѓа во еден од најповолните периоди од својата историја. Поради економските подобрувања и фактот дека Германија релативно безболно ја мина глобалната финансиска криза, CDU и натаму ужива голема наклонетост од избирачкото тело. Слично како и на парламентарните избори минатата 2013 година, оваа партија според податоците на институтот Infratest Dimap ја поддржуваат 41 отсто од избирачите. Во парламентот – Бундестагот, партијата CDU, со баварската сестринска партија Христијанско-социјална унија (CSU) има речиси половина од мандатите, 311 од 631, додека социјалдемократите од SPD имаат 193 мандати.
Таканаречената голема коалиција меѓу Унијата CDU/CSU и SPD, којашто е на власт една година и во чија коалициска влада Ангела Меркел го извршува својот трет последователен канцеларски мандат, според податоците на јавниот медиумски сервис ARD, во моментов ја поддржуваат 53 отсто од избирачите.
И самата Меркел ужива голема популарност меѓу германските граѓани. Според истражувањето на јавното мнение на институтот Infratest Dimap од почетокот на декември, 67 отсто од граѓаните смета дека канцеларката добро ја извршува својата должност.
Меѓутоа, сепак, во Европската унија, особено во земјите кои се погодени со финансиската криза, Меркел напротив не ужива толку добар статус како во татковината, во прв ред поради политиките на штедење коишто ги застапува. Најновото остро негодување од своите традиционални европски сојузници, Франција и Италија, Меркел ги предизвика изминатиот викенд со изјавите дадени во интервјуто за весникот Die Welt, дека двете споменати земји не сториле доволно напори кога станува збор за буџетските и економските реформи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Терминал на лондонскиот Хитроу евакуиран поради „опасни материјали“
Терминалот 4 на аеродромот Хитроу беше евакуиран вечерва по инцидентот што пожарникарите првично го опишаа како „можен инцидент со опасни материјали“. По неколкучасовна интервенција на полицијата, пожарникарите и службите за итни случаи, терминалот беше прогласен за безбеден и повторно отворен.
Инцидентот беше пријавен околу 17 часот по локално време, а единици од Фелтам, Хитроу, Вембли и околните противпожарни станици беа испратени на местото на настанот. Патниците беа евакуирани од салата за пријавување на летот на растојание од околу 150 метри од зградата, а сведоци раскажаа како тимови во заштитни одела пристигнале на местото на настанот и биле поставени паравани за заштита на приватноста.
Еден патник, Пол Скот, изјави за Скај њуз дека штотуку се пријавил кога започнала евакуацијата. „Атмосферата беше мирна, но сите бевме збунети бидејќи никој не знаеше што се случува. На луѓето им беа дадени алуминиумски ќебиња бидејќи стануваше ладно“, рече тој.
Лондонската служба за брза помош потврди дека на местото на настанот била укажана лекарска помош на околу 20 лица поради пријавени здравствени проблеми. Сепак, Метрополитен полицијата соопшти дека „не е пронајдена никаква трага од штетна супстанца“.
„Вкупно 20 лица пријавија здравствени проблеми, но ниту една од повредите не е опасна по живот, ниту има трајни последици. Истрагата е во тек“, соопшти полицијата.
Аеродромот Хитроу потврди околу 18:40 часот дека салата за пријавување во Терминал 4 е затворена, а кратко по 20 часот терминалот е прогласен за безбеден и повторно отворен.
„Многу ни е жал за предизвиканиот прекин, безбедноста на патниците и персоналот е секогаш наш врвен приоритет. Правиме сè што можеме за да осигуриме дека вечервашните летови ќе полетаат според планот“, соопшти аеродромот, додавајќи дека другите терминали не биле погодени за време на инцидентот.
фото: принтскрин
Европа
Ќе се обидеме сами да произведеме патнички авион со широк труп, велат Русите
Русија планира да развие сопствен патнички авион со широк труп, бидејќи плановите за заедничко производство со Кина сè уште не се спроведени, изјави шефот на Ростек, Сергеј Чемезов.
„Кинезите одлучија дека засега ќе го произведуваат сами. Ќе се обидеме и ние да произведуваме наш сопствен авион. Откако ќе го произведеме моторот PD-35, ќе изградиме наш сопствен авион со широк труп“, им рече Чемезов на новинарите во Самара.
Русија и Кина разговараа за заедничкиот развој на руско-кинескиот широкотрупен патнички авион CR929 и во 2014 година потпишаа договор за соработка. Основана е Кинеско-руската меѓународна корпорација за комерцијални авиони (CRAIC), која стана главен оператор на проектот.
Комерцијалните испораки требаше да започнат по 2025 година, но пандемијата на Ковид ги принуди партнерите да го одложат рокот за 2028 или 2029 година. Нова пречка беа западните санкции врз Русија, кои го променија форматот на соработка. Кина го презеде проектот, а Русија стана договорен производител само на одредени делови од авионот.
„Го променивме форматот на учество во проектот, па затоа се потребни соодветни промени и во меѓувладините документи. Со други зборови, приближно како во проектот за хеликоптери, односот ги вклучува клиентот и подизведувачот“, објасни првиот вицепремиер на Русија Денис Мантуров пред новинарите во мај 2024 година.
фото: принтскрин
Европа
Ердоган сака да ја замолчи опозицијата: демонстрантите се судрија со полицијата, фрлен е солзавец
Турската полиција се судри со поддржувачите на турската опозициска партија пред седиштето на Републиканската народна партија (ЦХП) денеска, користејќи солзавец за комесарот, назначен од судот, да може да влезе во зградата.
Властите го блокираа пристапот до канцеларијата на партијата во неделата вечерта откако десетици пратеници и членови на ЦХП се забарикадираа таму за да го спречат комесарот да ја преземе контролата со своите соработници.
Судот минатата недела пресуди да го отстрани раководството на партијата во Истанбул поради наводни нерегуларности на конгресот на партијата во 2023 година.
Поранешниот пратеник на ЦХП, Ѓурсел Текин, официјално ја презеде контролата врз партискиот огранок попладнето. Текин, кој се судри со лидерот на ЦХП, Озгур Озел, ја бранеше пресудата, нарекувајќи ја непристрасна и дека „не е дел од проблемот“.
ЦХП ја обвинува владата на претседателот Таип Ердоган за организирање политичка кампања против нив. Озел го замени долгогодишниот лидер на партијата, Кемал Киличдароглу, пред две години и ја предводеше партијата до неочекувана победа на локалните избори минатата година, обезбедувајќи контрола врз поголемиот дел од градските совети во земјата.
Оттогаш неколку градоначалници од опозицијата се уапсени под обвинение за корупција, вклучувајќи го и градоначалникот на Истанбул, Екрем Имамоглу, клучен ривал на Ердоган.
Озел би можел да биде отстранет со судска наредба на 15 септември. Владата негира дека врши притисок врз судството.
фото: принтскрин
(Видео) Расте бројот на жртви во судирот на воз и автобус во Мексико: десетици повредени
Најмалку десет лица загинаа, а 61 се повредени откако товарен воз удри во двокатен автобус северозападно од Мексико Сити, соопштија...
(Видео) Падна француската влада
Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...
(Видео) Полицискиот хеликоптер денеска фрли повеќе од 30 тони вода врз дел од пожарите
Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата
Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...
Се судрија четири возила и четири мотоцикли, петмина повредени: прекинат сообраќајот на патот Мавровска крстосница-Гостивар
Денеска во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во...
Едно и полгодишно дете од Радовиш пренесено во Клиничката болница Штип, според таткото испило таблета
Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
Ахмети: Никаква опасност, на ниту еден Македонец, а уште помалку на нашата држава, не и се заканува од еднаквоста со Албанците
„Годишнината од прогласувањето на независноста на Северна Македонија е секогаш повод да рефлектираме за тоа како беше, како е и...
(Фото) Започна увидот во опожарената фабрика во Виница
Јавен обвинител од Основното јавно обвинителство Кочани го започна увидот по настанатиот пожар во фабриката „Макпрогрес-Винчини“ во Виница. Увидните дејствија...
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
