Регион
Дијселблом: Резултатот од грчките избори даваат мандат за продолжување на реформите
Челникот на Еврогрупата (министрите за финансии на земјите од еврозоната), холандскиот министер Јероен Дијселблом оцени дека резултатот од грчките вонредни парламентарни избори во неделата даваат „силен мандат“ за продолжување на реформскиот процес.
„Очекуваме брзо формирање на новата влада“, напиша Дијселблом на Twitter. Додаде дека е подготвен на блиска соработка со грчките власти и на тоа дека ја поддржува Грција во нејзините амбициозни реформски напори“.
Манфред Вебер, челникот на EPP, најголемата политичка групација во Европскиот парламент, порача, пак, дека Грција мора да остане доследна во спроведувањето на договорените реформски мерки и да ги прифати европските правила на игра и да го продолжи патот на реформите.
Според податоците од 95 отсто пребројани избирачки материјали, левичарската радикална партија Сириза, освоила 35,47 отсто од гласовите, што ѝ овозможува со бонусот од 50 мандати за победничката партија, да има 145 пратеници во грчкиот парламент. Конзервативната Нова демократија, пак, освоила 28,07 проценти од гласовите, или 75 мандати. На трето место останува неонацистичката Златна зора која освоила 6,98 отсто од гласовите и 18 места во парламентот, а крајно десната партија Независни Грци (Анел) влезе во парламентот со 3,69 отсто од гласовите, односно 10 пратеници.
Ваквиот резултат, особено надминувањето на трипроцентниот праг за влез во парламентот, овозможува Сириза да ја продолжи коалицијата со Независни Грци, и да формира влада која ќе има поддршка од 155 пратеници.
Претходно од Сириза објавија дека Алексис Ципрас контактирал со челникот на Независни Грци, Панос Каменос, и договориле да ја продолжат коалициската соработка во владата. Ципрас изјави дека владата ќе биде формирана во рок од три дена, а Каменос дека од понеделник ќе се работи на прецизирањето на составот без учество на трета партија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.