Свет
Убиен напаѓачот, тројца заложници спасени од Discovery Channel

Американската полиција го убила вооружениот напаѓач кој во средата ги држеше во заложништвот тројцата заложници во седиштето на телевизискиот канал Discovery Channel во Силвер Спринг во близина на Вашингтон
Напаѓачот кој на себе имал прцврстено експлозивана направа, починал по ранувањето, пренесува Reuters. Според процените на полицијата, сите тројца заложници, двајца вработени во Discovery и лице од обезбедувањето во текот на заложничката дрма абиле во животна опасност. Тие при полицискат аинтервенција неповредени се изедени од зградата во коај инаку работа околу1.9000 луѓе. Како што е соопштено, нив во заложништво ги држеше Џејмс Ли, еколошки борец кој учествувал во серијата протест против активностите на медиумската кампања на Discovery. „Преговорите треаја неколку часови. Ли беше многу возбуден, очигледно сметаше дека има некои нерасчистени работи со Discovery Channel“, изјавил шефот на локалната полиција, Томас Мејнџер. Пред заложничката драма, Ли се јави на интернет страницата SaveThePlanetProtest.com, барајќи од Discovery да „престане да го поттикнува раѓањето деца, бидејќи се поголемиот број луѓе на планетата Земја ќе го уништи и загади и она малку што ни преостана“, пренесуваат амерички медиуми. Наведената интернет страница доцна ноќеска во средата кон четврток беше блокирана. Discovery Channel е една од телевизиските канали во сопственост на американската компанија „Discovery Communications“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: Зеленски ќе трпи долгорочни последици

Унгарскиот премиер Виктор Орбан изјави дека украинскиот претседател Володимир Зеленски ќе ги сноси последиците за неодамнешните напади врз гасоводот „Дружба“, кој ги снабдува Унгарија и Словачка.
Во објава на Фејсбук, Орбан истакна дека „Зеленски отворено ѝ се закани на Унгарија“ и призна дека нападот врз нафтоводот бил одговор на противењето на Будимпешта на членството на Украина во Европската Унија.
„Зеленски отворено ѝ се закани на Унгарија. Тој призна дека го гранатираат нафтоводот „Дружба“ затоа што не го поддржуваме нивното членство во ЕУ. Оттука следува дека Унгарците донеле правилна одлука. Зеленски ќе има долгорочни последици за зборовите што ги изговорил“, рече Орбан.
Фото: принтскрин
Свет
Германија попушти под притисокот, ќе продолжи да прифаќа бегалци од Авганистан

Германија наскоро ќе ја укине повеќемесечната суспензија за прием на ранливи авганистански државјани што вети дека ќе ги прифати, објави денес весникот „Велт“, повикувајќи се на владини извори, објави „Ројтерс“.
Околу 2.000 Авганистанци, на кои им е одобрено преселување во Германија во рамките на програмата за луѓе во ризик под власта на Талибанците, се заробени во соседен Пакистан со месеци откако Берлин ја замрзна програмата како дел од ветувањето за запирање на миграцискиот бран.
Групите за човекови права и десетици погодени Авганистанци ја оспорија суспензијата на суд, а некои добија судски пресуди што дополнително го зголемија притисокот врз Берлин да дејствува.
Прашањето стана уште поитно бидејќи Пакистан презема чекори за протерување на документирани авганистански бегалци, вклучително и оние кои се дел од германската програма за преселување, до крајниот рок на 1 септември.
Според весникот „Велт“, семејствата на засегнатите лица веќе се информирани за продолжувањето на програмата, а првите семејства на Авганистанци се очекуваат во наредните денови.
Германската влада планира дискретно да ги преселува авганистанските бегалци со редовни комерцијални летови со застанувања во Дубаи или Истанбул пред да пристигнат во Германија, а точниот број на лица на кои моментално им е одобрено заминување сè уште не е познат, објави весникот.
Министерството за надворешни работи само потврди дека процедурите за верификација продолжуваат и дека вработени се испратени во Пакистан за да продолжат со обработката на случаите.
Свет
Турски аналитичар: САД би можеле да ја жртвуваат Украина

Соединетите Американски Држави би можеле да ја жртвуваат Украина во обид да се спротивстават на сè поцврстиот сојуз меѓу Русија и Кина, процени турскиот аналитичар Мехмет Али Бал, пренесува „Хабер“.
Тој нагласи дека територијалните отстапки од страна на Киев нема да претставуваат закана за Вашингтон, додека губењето на територијата би било егзистенцијално прашање исклучиво за самата Украина.
Американскиот претседател Доналд Трамп неодамна изјави дека европските лидери покажуваат разбирање за потребата од територијални отстапки за Украина. Според медиумите, се очекува американскиот лидер да реагира остро на наводното трошење на воена помош и да го принуди украинскиот претседател Володимир Зеленски да ги прифати условите на Москва.
„САД, особено Трамп, мора да обезбедат мир во Украина за да го докажат своето глобално лидерство. Сепак, губењето на територијата за Украина не е егзистенцијална закана за САД. Дури и за Европа, оваа загуба повеќе не е стратешки значајна. САД, особено Трамп, во конфликт со сојузот на Русија и Кина, можат да ја жртвуваат Украина, ако не целосно, тогаш во значителна мера“, оцени Али Бал.
Според него, САД нема да претрпат сериозни загуби доколку се случи такво сценарио, додека Кина ќе продолжи да се соочува со предизвиците на својата „агресивна извозна политика“ поради регионалните и глобалните тензии.
Но, Бал заклучи дека Украина е таа што нема алтернатива во оваа ситуација, бидејќи за неа тоа е „прашање на егзистенција“.
Фото: принтскрин