Скопје
Скопската гимназија „Јосип Броз Тито“ стана енергетски ефикасно училиште
Во рамките на Деновите на енергетска ефикасност на Град Скопје, во четвртокот се одржи промоција на реконструкцијата на покривот и на фасадата на СУГС „Јосип Броз –Тито“, со што ова училиште стана енергетски ефикасен објект, на промоцијата присуствуваа скопскиот градоначалник, Коце Трајановски, Ханс-Хелге Сандер, заменик-амбасадор на Германија во Македонија, Александро Фракасети, заменик на постојаниот претставник на ОН во Македонија, заменик-регионалниот проект раководител од ГИЗ (Германското друштво за интернационална соработка) Јасна Секуловиќ и директорката на СУГС „Јосип Броз –Тито“, Татјана Стојанова-Дуева, како и наставници од средни училишта на Град Скопје.
„Денеска сме собрани овде заеднички да ја искажеме нашата морална одговорност кон општеството, градот и планетата воопшто, една од основните морални вредности на секој поединец. Европската комисија на 29-ти јануари 2008 година поведе голема иницијатива за поврзување на градоначалниците во енергетски свесни европски градови во постојана мрежа со цел размена на искуства во спроведувањето на делотворни мерки за подобрување на енергетската ефикасност на урбаните средини. Заедно со националните влади, локалните и регионални власти, државите членки на ЕУ ја делат одговорноста и активно ја преземаат обврската за борба против глобалното затоплување преку програма за ефикасно користење на енергијата и користење на обновливите извори на енергија“, рече градоначалникот Трајановски
Податоците на Европскиот статистички завод (EUROSTAT) покажуваат дека урбаните подрачја во Европската унија се одговорни за 80 отсто од енергетската потрошувачка и соодветните емисии на CO2 со тренд на годишен пораст од 1,9 проценти.
„Токму од таа причина, целта на Европската комисија за намалување на емисиите на стакленичките гасови за повеќе од 20 отсто може да се оствари само ако во процесот се вклучат и локалните власти, локалните инвеститори, граѓаните и нивни здруженија. Градот Скопје активно учествува во преземањето мерки за енергетска ефикасност во јавните објекти. Најсвеж пример во кои Градот Скопје може да се пофали дека има еден добар енергетски ефикасен објект е СУГС ’Јосип Броз-Тито’. Заменети се речиси сите прозорци во енергетско ефикасни, извршено е замена и на покривот и направена е нова енергетски ефикасна фасада. Фасадата е направена со финансиска поддршка од УНДП и чини 3.905.717 денари, од кои Градот учествува со 2.331.300 денари. Целата реконструкција е извршена со проект за реконструкција на фасада, кој Градот го поседува и има исти такви за сите средни училишта кои се под наша надлежност. Со преземањето на овие мерки за енергетска ефикасност се предвидува заштеда на енергија околу 30 отсто, како подобрување на амбиенталната температура во просториите, а потоа и во намалување на внесената енергија за загревање“, рече Трајковски.
Градоначалникот посочи дека изминатите години изврши гасифиција на две средни училишта, како „Георги Димитров“ и „Здравко Цветковски“, ,во тек е и гасификацијата на „Зеф Љуш Марку“ и Арсени Јовков“, средствата коишто се инвестираат во овој проект се враќаат за помалку од две години, а имаме заштеда од околу 50 отсто.
Заменикот постојан претставник на светската организација во Македонија, Александро Фракасети, го изрази своето задоволство од успешната реализација на проектот во гимназијата „Јосип Броз-Тито“, како и своите надежи дека успешната соработка со Градот Скопје ќе продолжи и во иднина.
Претставникот на амбасадата на Германија во Скопје, во своето обраќање пред присутните посочи дека Градот Скопје е лидер од градовите во регионот во реализирање проекти за енергетски ефикасни објекти.
Со овој настан во четвртокот завршија и Деновите на енергетска ефикасност 2014-та, коишто финансиски го поддржа ГИЗ (Германското друштво за интернационална соработка), во чии рамките бае организирани повеќе настани.
Во областа на мобилноста и сообраќајот во средното училиште „Боро Петрушевски“, учениците преставија велосипед кој со неговото движење полни мобилни телефони, нивни други идни вакви проекти, а Градот изврши промоција на апликацијата Патувај зелено (green route) и велосипедските патеки во Скопје.
Во Младинскиот културен центар се одржа филмски фестивал на тема енергетска ефикасност на кој беа прикажани едукативни филмови за граѓаните и директорите на училиштата и културните институции и професори кои работат на тематика на заштита на природата и енергетска ефикасност.
Во текот на изминатите три дена ученици делеа едукативни материјали од областа на енергетската ефикасност во центарот на градот./крај/мф/сд
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Комунална хигиена мора да се освести ни се спрема катастрофа, вели Герасимовски
Градоначалникот Горан Герасимовски, во изјава за медиуми пред почетокот на средбата со претставниците на ЗЕЛС за хаосот со сметот во Општина Центар, но и на територија на градот Скопје потенцираше дека мора да се најде итно решение за овој проблем кој веќе ги помина сите граници на нормално живеење.
„Изминатите пет дена немаше воопшто ниту еден камион од комуналното претпријатие на територија на Општина Центар. Ние имаме дополнително изнајмена механизација, нашите хигиеничари работат во две смени за отстранување на сметот од улиците. За жал, и тоа не е доволно, искрено не е доволно. Гледаме што секојдневно се случува, немаме ингеренции да го отстрануваме сметот од самите контејнери, немаме ни таква механизација, туку го отстрануваме само сметот покрај самите контејнери. И тоа не е доволно. Дополнително, имаме кучиња скитници кои го разнесуваат целото ѓубре по улиците и ни прави дополнителен проблем на нашите хигиеничари. Но, даваме се од себе да го подигнеме нивото на хигиена на повисоко ниво. Верувам дека јавното претпријатие ќе се свести и дека во наредните денови ќе се појави низ Општина Центар и другите општини за да го тргне сметот од улиците“, рече Герасимовски.
Македонија
Посебен режим на сообраќај утре во центарот на Скопје
Утре во 10:00 часот поради одржување на атлетска трка во централното градско подрачје на Скопје, со траса на движење од паркот „Жена борец“ преку Камени мост, ул. „Иљо Војвода“, тротоарот на мостот „Гоце Делчев“ и по кејот на реката Вардар и обратно, за сообраќај ќе биде затворена ул.„Иљо Војвода“, пешачките површини и делот од кејот по кој ќе се движат учесниците во трката.
Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите кои ќе ги издаваат полициските службеници по сообраќајниците каде што ќе се одвива настанот.
Македонија
(Фото) Делегација од општина Илинден положи цвеќе пред споменикот на Васил Стојанов-Аџиларски
По повод 23 Октомври, Денот на македонската револуционерна борба, во населеното место Миладиновци се одржа пригоден настан со кој достоинствено беше одбележан овој значаен историски датум. Со положување свежо цвеќе пред споменикот на македонскиот револуционер Васил Стојанов-Аџаларски, присутните изразија почит кон неговата херојска борба за слободна татковина, извести општина Илинден.
Свежо цвеќе пред споменикот положија делегација од Општина Илинден предводена од градоначалникот Александар Георгиевски, пратеничката Драгана Бојковска, советници, претставници на општинските јавни претпријатија и училиштата, Сојузот на борци, Здружението на пензионери од Општина Илинден, претставници на невладини организации и бројни граѓани.
Васил Стојанов-Аџаларски е роден во 1880 година во селото Аџалари, денешно Миладиновци. Тој бил истакнат војвода и борец за национална слобода, кој предводел чета составена од комити од поширокиот регион на денешна општина Илинден. Аџиларски херојски загинал во 1909 година.
Во рамки на свеченото одбележување, во Домот на културата во Миладиновци се одржа и шаховски турнир организиран од Здружението на пензионери „Илинден“. На турнирот учествуваа 18 шахисти поделени во две групи, а натпреварувањето се одвиваше според ФИДЕ правилата за забрзан шах со темпо од 10 минути по играч.
Покровител на настанот беше градоначалникот на Општина Илинден, Александар Георгиевски, кој на крајот на турнирот им додели пригодни награди и плакети на најдобрите учесници, при што истакна дека ваквите активности претставуваат важен дел од заложбата на Општината за активно вклучување на повозрасните генерации во јавниот живот, но и за негување на традицијата и сеќавањето на историските вредности. Првото место го освои Сурловски Душан, второ место го освои Стефановски Христијан, трето место го освои Спасовски Миле и четврто место освои Мицевски Диме, се вели во соопштението на општина Илинден.
Кандидатите за градоначалници на Скопје се договорија: ТВ дебата во вторник
Кандидатот на партијата Левица за градоначалник на Скопје, Амар Мециновиќ денеска преку социјалните мрежи извести дека прифаќа дебата со противкандидатот...
„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ
„Со длабоко разбирање за состојбата во која се наоѓа и за предизвиците од лична природа на кои е изложена, нема...
Жени се истепаа во автобус на ЈСП, во друг инцидент, скопјанец нападнат од четири лица
Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...
Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски
Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...
Истрага против 32 физички и правни лица за злоупотреби при јавни набавки во прилепската болница
По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...
Mицкоски се сретна со кралот Чарлс: „Беше искрено и содржајно“
Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...
Полицијата претресува на повеќе локации во Скопје поради лихварство и перење пари
Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...
И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21
СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...
ВМРО-ДПМНЕ: Ако утре би биле парламентарните избори, ние би освоиле над 60 пратеници, а СДС во некои изборни единици би бил трета партија
ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните...
Трамп: Не сакав бесмислен состанок со Путин
Американскиот претседател Доналд Трамп изјави дека не сакал да одржи бескорисен состанок со рускиот лидер Владимир Путин, откако планот за...
(Видео) Украина со ракети „сторм шедоу“ нападна хемиска фабрика во Русија
Украинските сили на 21 октомври изведоа масовен напад со британски ракети „сторм шедоу“ врз хемиската фабрика во руската област Брјанск,...
Кремљ реагира по изјавата на полскиот министер: „Ова е закана за тероризам“
Москва ја обвини Полска дека се заканува со „терористички акт против авионот на Владимир Путин“, откако полскиот министер за надворешни...
Во тек голема акција: Финансиската полиција ја тресе прилепската болница, има приведени
Во тек е голема акција на финансиската полиција во Прилеп, поврзана со сомнежи за криминал во работењето на прилепската болница....
Еден осуденик месечно ја чини државата околу 1.000 евра, Пандов рече дека пробацијата не се користи доволно
Директорот на Управата за извршување на санкции, Александар Пандов, изјави дека државата месечно троши околу 1.000 евра за еден осуденик,...
Пропадна најавениот самит меѓу Трамп и Путин
Планираниот самит меѓу американскиот претседател Доналд Трамп и рускиот претседател Владимир Путин, кој требаше да се одржи во Будимпешта до...
Ѓорѓиевски и Мециновиќ ќе се соочат на дебата
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја прифати поканата за телевизиска дебата со својот противкандидат Амар...
Министерството за здравство: Немаме долг кон „Комунална хигиена“
Министерството за здравство соопшти дека, како правен субјект, нема никаква обврска или долг кон ЈП „Комунална хигиена – Скопје“, демантирајќи...
Арсовска: Мицковски несреќо, на кого се закануваш, за ѓубрето низ Скопје се одговорни твоите градоначалници
„Мицковски несреќо, на кого се закануваш, објави на социјалните мрежи градоначалничката нa град Скопје во заминување, Данела Арсовска, откако Владата...
Владата го задолжи МВР во соработка со ДКИ, ДИЖС, ДСЗИ и ИЈЗ веднаш да отпочнат со координиран вонреден инспекциски надзор во Град Скопје и ЈП Комунална хигиена
Во врска со проблемот со собирање и транспортирање на комуналниот отпад на територијата на Град Скопје, Владата на денешната седница...
Над 3.000 евра за квадратен метар – стан во Центар од 91 м2 е продаден за 280.000 евра
Најголема постигната цена на стан за квадратен метар во периодот јули – септември е 189.231 денар или речиси 3.000 евра,...
