Црна хроника
Данец чувал во ладилник женски гениталии
Во стан во Јоханесбург, чиј сопственик бил трговец со оружје од Данска, полицијата на Јужноафриканската Република во ладилник открила делови од женски гениталии, поради што е обвинет за сексуален напад, семејно насилство и закани, се вели во полициското соопштение.
Полицијата верува дека 58-годишниот Петер Фредериксен, кој е баран во Данска поради нелегално продавање оружје, ги привлекувал своите жртви со соседната држава Лесото, ги успивал и потоа над нив изведувал оперативни зафати. Во неговиот стан минатата седмица, покрај делови од тела на жртви, бил пронајден анестетик и хируршка опрема.
„Повеќето од жртвите наводно се од Лесото. Во тек е истрага за тоа на кој начин успевал да ги намами во Јужноафриканската Република и кој бил неговиот мотив“, изјавил портпаролот на полицијата Хангвани Мулаудзи, пренесува Reuters.
„Утврдивме дека Фредериксен, кој во Блемфонтејн две години поседува продавница за оружје, во Данска е баран поради противзаконско продавање огнено оружје“, додал.
Според Мулаудзи, биле откриени 21 дел од тело, кои припаѓаат на 21 жена, а меѓу нив е и сопругата на осомничениот, и се работи на утврдување на идентитетот на другите 20 жртви.
Фредерискен ќе остане во притвор, а следниот понеделник ќе биде изведен пред судот во Блемфонтејн.
Според дански фотограф кој работел документарен материјал за неговото бегство пред полицијата во Данска кој во јуни годинава го посетил во ЈАР, станува збор за лице кое тврди дека има 63 години, кој имал сопруга од Лесото со којашто имал две деца, и бил пријавуван за семејно насилство и сексуално злоставување и повреди врз гениталиите. Бил уапсен во Лестото, откако сопругата ги повлекла обвиненијата. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
44-годишна жена од валандовско смртно прегазена во струмичко
Вчера во 23.55 часот во СВР Струмица било пријавено дека на регионален пат Струмица – Валандово, пред село Костурино, струмичко, патничко возило „фолксваген пасат“ со струмички регистарски ознаки, управувано од К.М.(46) од село Куклиш, струмичко, удрило во пешакот Р.С.(44) од село Јосифово, валандовско.
По несреќата Р.С. била пренесена во Медицински центар Струмица, каде што од лекар била констатирана смрт.
Увид на местото на несреќата извршила екипа на Полициската станица Струмица.
Црна хроника
Пешак удрен во Битола, со тешки повреди пренесен на клиника
Вчера во 10.43 часот во СВР Битола било пријавено дека на крстосницата од булевар „1 Мај“ и ул.„Столарска“ во Битола, патничко моторно возило „опел корса“ со битолски регистарски ознаки, управувано од Н.Д.(77) од Битола, удрило во пешакот Д.Ј.(53) од Битола.
Во несреќата Д.Ј. се здобила со тешки телесни повреди констатирани во Клиничка болница Битола.
Увид на местото на настанот извршила увидна екипа на СВР Битола.
Топ
Бонови за точење гориво, оштетени банери, поткуп и мито: пријавени нерегуларности за време на предизборниот молк
Министерството за внатрешни работи информира дека за време на предизборниот молк регистрира настани за повреда на слободата на определување на избирачите, делење бонови. Во сите наведени случаи се преземени и соодветни мерки од страна на полициски службеници.
На 7.5.2024, Е. Д. од Крњево, пријавил дека во домот дошле три лица од ДИК со цел дедо му да оствари право на глас од избирачкото место бр. 2828. Е. Д. се сомневал дека лицата се од ДИК бидејќи не биле претходно известени и требало да присуствуваат пет лица. СВР Скопје презема мерки и активности за расчистување на настанот.
На 7.5.2024, во координација со ОЈО Куманово, преземени се активности во врска со настан дека лице од Крива Паланка на повеќе граѓани од Крива Паланка им делело бонови за точење гориво на бензинска пумпа. Извршен е претрес на просториите во бензинската пумпа, каде што во присуство на Ј. Ј. и М. Ѓ. биле пронајдени пет бона за гориво во вредност од 1.000 денари со втиснат датум од 8.5.2024 и еден бон за гориво во вредност од 2.000 денари, шест фискални сметки, а во торбата што ја носел вработениот пронајдени се два бона за гориво во вредност од 1.000 денари и фискална сметка. Во просториите на ПС ОН Крива Паланка повикани се Б. С., С. М., М. Ѓ. и М. Д., сите од Крива Паланка, за извршување службен разговор и се преземаат мерки за расчистување на случајот.
На 7.5.2024, во 18.25 часот, на улицата Маршал Тито во Тетово, А. К. (24) од село Стримница пријавил дека се оштетени два банера со рекламен материјал од политичка партија, кои биле поставени на кружен тек од улицата В. С. Бато со улицата Маршал Тито во Тетово. Се преземаат мерки за расчистување на случајот.
На 7.5.2024, во 22.10 часот, Ц. Т. од Неготино пријaвила кривично дело повреда на слободата на определување на избирачите, извршено од Л. Р. од Неготино. Имено, според пријавеното, околу 20.17 часот, Ц. Т. добила телефонски повик од Л. Р. за поддршка за гласање, на што Ц. Т. одговорила негативно. Потоа Л. Р. ѝ нагласила на Ц. Т. дека имала земено ИПАРД-поддршка по што го прекинала повикот. За настанот известен е надлежен јавен обвинител и ќе се преземат дополнителни проверки.
Во непосредна близина на избирачкото место 1180 во ОУ „Христијан Т. Карпош“ во с. Драгоманце, општина Старо Нагоричане, забележани биле расфрлани летоци од политичка партија. Летоците се отстранети.
Од МВР информираат дека во текот на изборниот молк пријавени се и неколку случаи за наводно агитирање и нудење поткуп, но по преземените мерки од страна на полициските службеници, тие наводи до сега не се потврдени.