Европа
Анкета: Над 60 отсто од урбаното население во Украина размислува за заминување во странство

Значително е зголемен последниот период бројот на жителите коишто сакаат да се отселат од Украина во странство, покажува истражувањето на јавното мнение што го објави агенцијата TNS, според кое 61 отсто Украинци кои живеат во градовите размислуваат да се отселат од татковината.
„Во јуни, споредено со показателите од февруари 2015 година, значително се зголемил уделот на оние која сакаат да заминат во странство за постојан престој, и се намалил процентот на оние кои не сакаат да заминат од Украина“, заклучуваат од споменатата агенција за социолошки истражувања.
Според податоците, 15 отсто од Украинците сакаат трајно да се отселат во странство, уште 10 проценети би сакале привремено да престојуваат во странство додека не се стабилизира ситуацијата во земјата, а 36 отсто би сакале да заминат но немаат таква можност.
Најголем процент кај оние кои сакаат да се иселат во странство покажеле жителите на украинската престолнина Киев, дури 20 отсто. Киевјани, исто така, предничат и во поглед на оние кои би сакале да ја напуштат земјата, но немаат можност.
Најмногу – 12 отсто, пак, привремено би се отселиле меѓу жителите на источниот рускојазичен регион Донбас, каде што повеќе од една година трае вооружениот судир меѓу силите на прозападните власти во Киев и на проруските локални милиции, истакнуваат од TNS.
Најмалку урбаното население има желба да замине во странство во западните украински региони, каде што 35 отсто од испитаниците покажале такви стремежи.
Истражувањето го спровела агенцијата TNS, која е дел од холдингот WPP plc, во периодот од 13-ти до 18-ти јуни, со онлајн анкетирање на репрезентативен примерок од 1.000 испитаници на возраст од 18 од 55 години од сите региони на Украина.
Агенцијата TNS Украина е претставник на светскиот лидер во маркетиншките истражувања по нарачка ТNS, а се занимава со истражувања во областа на медиумите, новите продукти и иновациите, истражувања на малопродажбата и други прашања./крај/мф/сн
Извор: TAСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.