Регион
Екс британскиот премиер Блер им одржал предавање на српските министри

Поранешниот британски премиер Тони Блер престојувал во средата во српската престолнина Белград и во еден од државните објекти во престижната населба Дедиње им одржал политичко предавање на српските министри, објави телевизијата Б92, а потврда да за посетата на Блер на Белград добиле и други медиуми.
Ниту владата на Србија, ниту ниеден министер или функционер се’ уште официјално не го потврдија состанокот од средата на поранешниот британски премиер Тони Блер, и по нивното излегување од пратеничкиот клуб на Дедиње.
„Неговата (на Блер) посета е обвинеа со мистерија“ се тврди во извештајот на Б92, наведувајќи дека никој од министрите не сакал да коментира за што станало збор на предавањето илустрирајќи го прилогот со кадри во кој српските министри брзо го напуштаат објектот игнорирајќи ги прашањата на репортерот.
Според сознанијата на телевизијата, предавањето во Клубот на пратениците во улицата „Толстоева“ на Дедиње, присуствувале министрите за финансии, Душан Вујовиќ, за култура Иван Тасовиќ, за правосудство Никола Селаковиќ и вицепремиерката и министерка за сообраќај, Зорана Михајловиќ, како и белградскиот градоначалник Синиша Мали.
„На поранешниот шеф на британската влада очигледно му било важно во Белград да остане незабележан, па затоа Клубот на пратениците го напуштил преку задниот излез, најверојатно низ кујната, во придружба на блиндирани комбија и автомобили“, наведува репортерот на Б92.
Според неофицијалнтие сознанија на Б92, Блер на министрите „им ја објаснувал стратегијата на политичко дејствување, односи со јавноста, и како би требало да комуницираат со медиумите“. „Исто така, им рекол дека треба да се фокусираат на три или четири теми во текот на својот мандат“, се тврди уште во споменатиот извештај.
Британскиот весник The Guardian неодамна дека српската влада, односно премиерот Александар Вучиќ ја ангажирала компанијата на Блер – ТАВ/
„Иако имаше важна улога во одлуката од 1999 година да биде бомбардирана Србија, поранешниот британски премиер Тони Блер ја прифати понудата на Александар Вучиќ и да стане негов советник, односно советник на српската влада“, објави минатата седмица The Guardian.
Весникот потсети дека за време на бомбардирањето на НАТО врз поранешна СР Југославија, актуелниот српски премиер Александар Вучиќ беше министер за информирање и отворен критичар на британската политика, која тогаш ја водеше Блер.
Во текстот, исто така, се наведува и дека Вучиќ беше еден од рецензентите на книгата со погрден наслов за Тони Блер чиј автор е обвинетиот од Хаг и водач на Српската радикална партија (СРС), чиј член инаку беше и Вучиќ, Воислав Шешељ, а тоа го илустрираше со фотографија од книгата во која како рецензент се гледа името на сегашниот премиер на Србија.
Минатото лето белградските медиуми известија за тајна посета на Блер на Белград и состанок со Вучиќ, а српскиот премиер тогаш изјави дека во двочасовниот разговор барал од Блер конкретна помош во процесот на европските интеграции, како и дека добил уверување дека поранешниот британскиот премиер „е подготвен со својот углед и контактите да ѝ помогне на српската влада“. „Барав конкретна помош и совет од Блер и кога станува збор за формирање на кабинетот. Тој е познат по тоа што имаше најдобар и најефикасен кабинет додека беше премиер, па неговото искуство во смисла на систематизацијата е драгоцена“, изјави тогаш Вучиќ.
Според пишувањето на The Guardian, деловниот договор Блер и Вучиќ го постигнале, наводно, во Обединетите Арапски Емирати, а потоа Блер последните месеци редовно го посетувал Белград./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вулин до фон дер Лајен: Побрзо ќе ја прифатите Турција во ЕУ отколку Србија да ја предаде Русија

Александар Вулин, кој во минатото извршуваше голем број важни функции во Србија, ги коментираше изјавите дадени од претседателката на Европската комисија, Урсула фон дер Лајен, за време на нејзината посета на Белград.
„Очекувам Европската Унија целосно да се усогласи со политиката на Србија, вклучително и повлекување на признавањето на таканареченото Косово, како и итно повлекување на сите одлуки што го кршат Дејтонскиот договор и ги намалуваат овластувањата на Република Српска. Госпоѓо фон дер Лајен, никој не нè праша дали сакаме да се впуштиме во авантурата за приклучување кон Европската Унија, но ви гарантирам дека ќе најдеме начин да ја прашаме Србија што мисли за продолжување на авантурата. И да не заборавам, попрво вие ќе ја примите Турција во Европската Унија отколку Србија да ја предаде Русија“, рече Вулин, пренесува „Телеграф“.
Фон дер Лајен разговараше со српскиот претседател Александар Вучиќ во Белград. На заедничката прес-конференција таа рече дека очекува Србија „да го започне својот пат кон Европската Унија двапати побрзо“.
„Нашите позиции се јасни и вклучуваат слобода, а не репресија, вклучително и право на мирно собирање, партнерство, а не потчинување, дипломатија, а не агресија“, нагласи фон дер Лајен, оценувајќи дека „сега е вистинското време Србија да преземе чекори кон пристапување“.
„Вреди да се вложи овој напор бидејќи се приближувате до целта. Потребно е да се забрзаат реформите во владеењето на правото, електронските медиуми, изборните закони и хармонизацијата со надворешната политика на Европската Унија“, изјави таа, истакнувајќи дека овие реформи бараат упорност, трпение, учество на сите сегменти од општеството и политичкиот спектар.
Регион
Вучиќ: Ова ќе биде тешка политичка зима за нас; Фон дер Лајен: Сметајте на ЕУ

Српскиот претседател Александар Вучиќ и претседателката на Европската комисија, Урсула фон дер Лајен, се обратија на јавноста по тет-а-тет средбата во Белград и одговорија на прашања од новинарите.
„Особено ми е драго што имавме можност да бидеме домаќини на претседателката на Европската комисија. Особено сум ѝ благодарен бидејќи таа дојде на територијата на Србија во неколку наврати, не само во нејзиниот главен град. За Србија, членството во ЕУ е стратешка определба и приоритет на надворешната политика. И тоа нема да се промени. Не сме отвориле ниту едно поглавје, ниту еден кластер од почетокот на конфликтот во Украина. Верувам дека она што е направено во однос на регулаторните агенции, избирачките списоци, ќе наиде на позитивна оценка. Сега се соочуваме со тешка ситуација. НИС е под американски санкции, а де факто е и под европски санкции.
Се надевам дека ќе ги имаме поддршката и помошта од ЕУ. Се надевам дека ЕК ќе најде начин да им олесни на земјите кандидатки. Обезбедивме доволни количини нафта и гас.
„Ќе биде тешка политичка зима за нас, во овој поглед ќе соработуваме тесно со луѓе од Европската Унија“, рече Вучиќ.
„Не дадовме многу оптимистички изјави за пристапувањето кон ЕУ.“ Денес не можам ништо да ветам, освен дека ќе работиме напорно и ќе се жртвуваме и се надевам дека ќе ја имаме поддршката од ЕУ за сето ова и дека ќе нè слушнат во Брисел. Не е толку едноставно. Знаете кои се двете клучни прашања за нас“, рече Вучиќ.
Тој рече дека разговарале и за зачувување на мирот и стабилноста во регионот, за дијалогот меѓу Белград и Приштина.
„Ќе кажам дека за танго се потребни двајца“, рече Вучиќ.
Претседателката на Европската комисија, Урсула фон дер Лајен, рече дека Србија може да продолжи да смета на Европската Унија.
„Србија го направи изборот да се приклучи на ЕУ и очекуваме Србија да го продолжи својот пат двојно побргу. Земете ја како пример енергетската криза во 2022 година, која имаше драстичен ефект и ние се соочивме со неа. Можете да продолжите да сметате на нас“, рече Фон дер Лајен и продолжи:
„Ја поврзуваме Србија со пазарот на енергија. Ја поканивме Србија да се приклучи на механизмот на ЕУ за набавка на гас. Треба да видиме напредок во областа на владеењето на правото, електронските медиуми. Сакам да го поздравам напредокот во врска со избирачките списоци и РЕМ. Би ве поканила да дојдете во Брисел за еден месец за да видите како стојат работите. Морам да ве пофалам за 61-процентно усогласување на надворешната политика со ЕУ. Како дел од планот за раст, формиравте надзорен комитет. Мислам дека тоа е одличен сигнал“.
На прашањето каде го гледа решението за моментната политичка ситуација во Србија, Фон дер Лајен вели:
„Ова е секако клучен момент за Србија. Време е целата нација да се обедини. ЕУ е подготвена да ве поддржи, целиот процес на пристапување е за тоа. Секој треба да учествува во процесот на реформи. Владата соработуваше со организациите на граѓанското општество. Медиумите и изборната реформа се нешто што ги интересира сите. Имплементацијата е најважна“.
Фото: принтскрин
Регион
Фон дер Лајен: Време е Србија да ги забрза чекорите кон ЕУ

Претседателката на Европската комисија, Урсула фон дер Лајен, изјави во Белград дека сега е вистински момент Србија да преземе конкретни чекори кон членство во Европската Унија.
Таа порача дека Србија треба да покаже напредок во владеењето на правото, медиумите и изборните реформи нагласувајќи дека усогласувањето со надворешната политика на ЕУ, вклучително и санкциите кон Русија, мора да се зголеми.
Фон дер Лајен истакна дека ЕУ очекува Србија двојно побргу да напредува кон Унијата и дека веќе се реализираат инвестиции преку планот за раст за Западен Балкан, вредни над 100 милиони евра.
Таа го поздрави напредокот во ажурирањето на Избирачкиот список и во работата на Советот на РЕМ оценувајќи дека тоа е „добар прв чекор“.
Фон дер Лајен додаде дека овој период е прав момент за инвестиции на Западен Балкан вклучувајќи и проекти за енергетика, дигитализација и вештачка интелигенција.