Надворешна политика
Милошоски: Потребен е заеднички компас на однесување и постапување во однос на мигрантската криза
Она што во моментот недостига во поглед на мигранската криза е заеднички компас на однесување и постапување, истакна потпретседателот на македонското Собрание, Антонио Милошоски во петокот на Медитеранскиот форум на тема „Промовирање на безбедноста и соработката во Медитеранот“. Форумот се одржа во рамки на работниот дел на Есенската сесија на Парламентарното собрание на ОБСЕ чиј домаќин од денеска до 2-ри октомври е парламентот на Република Македонија.
„Се соочивме со тој проблем како мала држава којашто беше на една од мигрантските рути и се обидувавме да најдеме начин како и да ја заштитиме нашата меѓународно призната граница, но исто така и да им помогнеме и на другите држави на север од нас, на Србија, Хрватска, Унгарија, Словенија, на Австрија да имаат што помал прилив од бегалци коишто би оделе накај нивните земји. Но во тој период Македонија се соочи со еден европски феномен, разногласие во ЕУ. Претставници на држави членки на ЕУ, на еден дел од нив, не охрабруваа да поставиме ограда на нашата граница и укажуваа дека таков чекор ќе значи дополнителен кредит на Македонија во нејзините напори во рамките на ЕУ, додека други држави членки не обесхрабруваа да го направиме тоа тврдејќи дека преголемото контролирање на реката на бегалци и мигранти може да нé дискредитира во очите на меѓународните организации“, рече Милошоски.
Земјите членки на ОБСЕ и на ЕУ мора да се држат до меѓународното право, бидејќи тоа може да биде најмал заеднички именител за тоа како да се соочиме со мигрантската криза која што не е природен феномен, туку е политички, социјален и безбедносен феномен кој што почна и кој сеуште не е завршен.
„Никој не може да се обвини за оваа безбедносна криза и воени конфликти во Ирак, Сирија и други земји, но никој не може да ги оправда земјите членки на ЕУ за некоординираноста и пасивноста понекогаш по однос на ова бегалско и мигрантско прашање. Сметаме дека треба во следниот период посебено организации како ОБСЕ со медитеранските партнери да направат заедничка стратегија за мигрантската криза“, рече Милошоски.
Македонија стои на располагање за сé она што ќе биде утврдено како стратегија да го даде својот активен придонес кон кризата со бегалците и мигрантите и кон контролираното движење и контролиран тек на овој проблем со мигрантската криза.
Малин Ларсон Граве од Европската канцеларија за поддршка на азил, формирана во 2010-та година, со седиште во Малта кои делуваат како центар за експертиза на азил и придонесуваат кон имплементација и развој на законската рамка на ЕУ и заедничкиот систем на азил, информираше за состојбата со бројот на баратели за азил. Според неа, оваа година во однос на минатата се забележува побрзо решавање на барањата за азил кај ЕУ земјите.
„Главни земји на потекло на барањата е Сирија, по што следи Авгснистан и Ирак. Заедно тие претставуваат повеќе од половина или 55 отсто од сите барања за азил регистрирани во ЕУ плус. Германија останува прва во однос на земјите кои примаат барања за азил, а што се однесува на распределноста во трите главни земји се распоредени 75 проценти од барањата за азил“, рече Граве.
На Петнаесеттата есенска сесија на Парламентарното собрание на ОБСЕ (ПС на ОБСЕ), чиј домаќин е Собранието на Република Македонија, се очекува учество на делегации од 51 земја учеснички во ОБСЕ од Европа, Централна Азија и Северна Америка, и земји-партнери за соработка со ОБСЕ./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.