Регион
Хрватска во јули ќе аплицира за влез во Шенген зоната

Хрватската влада во четвртокот го прифатила предлогот државата да започне со евалуација за влез во Шенген зоната, нешто што земјата може да го направи уште на 1-ви јули годинава, што претставува европско правило односно право за пристапување кон Шенген зоната по две години членство во Унијата, пренесува Al Jazeera.
„Хрватска е подготвена за почеток на постапката на Шенгенската евалуација“, изјави во четвртокот хрватскиот вицепремиер и министер за внатрешни работи Ранко Остојиќ, нагласувајќи дека конечната одлука за членството во Шенген зоната е политичка, и неа ја носи Брисел.
„Влезот во Шенген е важен стратешки национален интерес“, потенцира Остојиќ по владината седница на која била донесена изјавата за подготвеноста за почеток на постапката за Шенгенската евалуација.
По 1-ви јули следи евалуацијата, но таа не зависи само од техничката подготвеност за влез во Шенген зоната, туку и од политичката одлука на Брисел, нагласи хрватскиот министер.
„Бугарија и Романија одамна се членки на ЕУ и ја минаа техничката евалуација, но се уште не е донесена политичка одлука околу тоа дали треба да бидат дел од Шенген“, потсети Остојиќ.
Процесот на евалуацијата обично трае околу година ипол, за започнува со пополнување на стандардниот прашалник кој содржи околи 390 прашања, а на кој Хрватска ќе треба да одговори за време на летото.
Покрај исполнувањето на техничките услови, евалуацијата опфаќа и проценка на управувањето со границите, визите, миграцијата и азилот, полицијата и безбедноста, воспоставувањето на функционирањето и користењето на шенгенскиот информациски систем, царинската соработка, заштитата на личнте податоци, правосудната соработка во казнените дела и функционирањето на телата во примената на шенгенските правила.
Хрватска досега од ЕУ за достигнување на шенгенските стандарди доби околу 120 милиони евра од Привремениот шенгенски инструмент, а тие средства мора да се искористат до 23 јули 2016 година./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин